早上的白樺湖, 其實周圍環境都幾靚。 又到我們的"無敵靚景私家房"食早餐, 池之平酒店的食物水準都可以的, 一般大型日本溫泉酒店沒有驚喜沒有失望。
退房後決定再去Snow Kids Park玩, 昨天實在玩唔夠
"sir"滑梯! 唔用雪兜, pat pat好凍呀!
同爸爸一齊砌雪。
妹妹又有新意, 玩運雪。
各行各路....哈.....
玩了個多小時便出發, 先去士多啤梨園, 再去輕井沢。
約一小時便到了佐久市的士多啤梨園, 好偏僻吓而且在山上, 無車基本上係去唔到。
士多啤梨在溫室的, 又係室外很冷室內好熱, 我們一家都無幾耐要除下身上厚衣物。士多啤梨雖然不太大粒但超甜, 連唔食士多啤梨的大小姐都食了一盒。 食飽又出發去輕井沢啦!
由佐久市士多啤梨園往輕井沢約半小時, 去到舊輕銀座因找泊車地方花了時間, 很晏才食午餐, 到了一間烏冬店食晏, 人家都差不多關午市, 可選的餐也不多呢! 基本上冬天的輕井沢好多店都沒有開, 很冷清沒有氣份, 我們只到了Trick Art美術館玩便往酒店了, 後來先發現竟然沒有在輕井沢銀座去過的地方影相?! 相信熱鬧的夏天會更吸引。
我們住太子酒店木屋仔, 很多人都介紹過不詳加說明了。 由於早兩天淺間火山爆發, 酒店一帶地上滿是火山灰, 而今年不太冷, 輕井沢竟然見唔到雪, 個雪場仲假過Grinpa那個, 我們完全無要去玩的意欲。 小休一會, 去Prince Outlet逛及晚餐。食之街也很早關門, 我們約七時去到很多食店都last order了, 不接新客, 最後吃了拉麵。
雪靴在Yahoo拍賣網買的, 但後來先知在淘寶有很多的。 羽絨及雪衭在Bossini有, 我見大女穿的那條在灣仔大有Outlet重有而且平了添, 快D去睇吓啦! 內衣及抓毛外衣是Uniqlo的, 小朋友沒有heattech, 但有類似的。希望幫到你!
回覆刪除您好, 我正plan緊明年二月去輕井澤/白樺湖, 想問下租車有冇須要4WD同雪呔? 士多啤梨園有冇website? 池之平既snow kids park要入場卷, 即係只可以入一次? 第二日想再玩要購票? 好多問題.... Thanks a lot
回覆刪除[版主回覆10/27/2010 22:37:00]如去輕井沢就唔一定要雪呔(有就安全些萬一天氣差), 因為都係行大路好安全, 但如去白樺湖就雪呔及四驅都要, 因為白樺湖係山路同有積雪, 而近酒店的一段路地上係冰比較危險! 士多啤梨園我當時在Rurubu揾佐久市睇吓邊間順路同近的, 你都可以出發前睇吓最後行程點行再揾, 我已經揾唔番資料喇, 唔好意思 池之平有好多住宿plan, 你睇吓有無包兩天的Kids Park? 如果唔係因為有小朋友都唔好揀呢間, 麻麻地!
Thanks for your reply~~
回覆刪除我都睇過好多人話池之平麻麻地, 但係因為年初去完Tomamu Alpha Resort, 囡囡番黎成日話要再去, 離東京唔太遠, 又比較啱小朋友玩, 似乎選擇唔多
[版主回覆10/28/2010 09:55:00]哦! 原來YY喜歡呢類Kids Park, 咁池之平就會比較悶啦! 不如你去開輕井沢時住呢間 Green Plaza Karuizawa , 比較適合小朋友, 雖然冬天無遊園地但印象中有Snow Kids Park, 而且輕井沢 Prince Hotel都有Kids 的部份, 咁咪可以唔駛太舟車勞動而滿足到YY嘅願望囉! 而且輕井沢又有溫泉, 近近地去埋草津都重得, 所以唔去白樺湖也不是損失