2009新年日本白雪雪之旅(Day 1 - 台場)

2009農曆年和兩個囡囡去了日本玩雪, 去到第一晚就輪住唔舒服, 大小姐仲第二朝發燒添, 但總算和原本的安排不差太遠, 可能我們本身個行程都好hea吓

出發前已知日本天氣唔好, 果然是落雨雖然唔太大雨但都好密吓!

第一天住的台場日航酒店, 在房的露台影的雨中彩虹橋。

放下行李都5點半, 立即出Aqua City行街同食晚餐。

途中見雨中自由女神像, 其實呢個時候都幾大雨o架, 我影完呢張都"拿拿林"飛入Aqua City呀!

由於已是二月, 大部份商店都出春季新衫lu, 但都在 Comme Ca Ism 買咗少少野俾大少。 很快的行了一圈同落埋玩具反斗城便去Red Lobster食晚餐喇! 其實大家都好肚餓啦, 我哋叫咗成枱食物好似o岩o岩放出o黎咁!

頭盆, 好新鮮好好味!

龍蝦湯...食得太開心唔記得影主菜: 蜆肉意粉同燒牛肋骨!

去Red Lobster緊係唔少得佢啦! 龍蝦哥哥, 唔好意思, 我哋係專登飛o黎食你o架

點知食完之後開始輪住唔舒服。 不過要聲明應該唔關Red Lobster事, 因二小姐未食都有些肚痛, 無幾耐就要去痾, 我懷疑是兒童飛機餐出事, 而大小姐就無食個餐。 跟住返到房大小姐開始有少少燒, 大少話可能一出一入溫差太大, 小朋友比較難適應, 就連他自己都覺得室內太焗有些唔妥。 就這樣平安過了第一天, 起碼兩位小姐食咗藥好了點!