2月12日(星期六) ~ 年初十 天晴
我們昨晚沒有放下窗簾去睡, 今早讓陽光不經意就叫醒我, 留意只係叫醒我! 其他團友仲係"豬"咁, 有高音, 中音同低音嘅"kuo..kuo..kuo.."聲! 今早影呢張相好明顯唔係晨曦啦, 房間在湖側, 但圍欄遮咗又有樹唔太見到個湖, 梗係啦, 你間房係Garden View嘛...
搞掂自己再收拾行李, 盡量製造噪音令團友"自然"醒, 得咗! 準備好就去食早餐啦! 
仲有各樣健康早點....
平凡得o黎又有點創意, 呢個境界自己去諗吓啦....
入座時, 侍應生會問那一位要飯, 得家姐仔要, 當時有少少奇怪, 飯都要order??? 原來係成煱上。 大小姐食o野就係咁啦, 係咪好清純呢
嗱! 呢款香草蜆肉粉, 有真蜆同假蜆, 咪就係平凡中帶創意嘅演繹囉
健康早餐完美的句號....
窗外見到呢架流動漢堡包車, 唔知係咪真係會做生意呢? 昨晚都唔見有得賣嘅??
食完緊係返房再浸多次啦, 但兩個傻妹話要整冰雕喎, 但我怕你哋變雪條多D喎....
喂! 快D落水啦, 冷親架...未得呀! 好忙呀! 軟, 硬功出齊先捉到佢哋落水....
剛好嘆完準備執o野走, 有電話打o黎, 原來check out係10點, 因連續幾日都係11點我記錯咗, 真係唔好意思遲成半個鐘 
其中一個大袋都功成身退lu, 另一個去到機場放晒身上的厚衫入去寄倉 .....
又係好唔想時間過得咁快, 都無好好咁坐過呢度hea...
好多時呢類酒店, lounge都係無人嘅....
鶴雅系酒店的雕塑風格都幾一致.....
立體的酒店平面圖整得好靚! 電梯都未玩過, 又未去過大浴場就要走...
妹妹同大少已經着鞋啦, 真係走啦, 好唔捨得呀....
呢個火爐都唔暖嘅....
車先暫泊酒店, 我們周圍行吓先! 從另一門出花園....
真係最後一擊去玩雪, 咁你哋慢慢玩, 我去行吓....
酒店花園都有小型雪燈之路, 昨晚行去會場時正準備點燈, 返酒店時又掛住去食, 只係從酒店內看到....
行出少少就見呢條梯落湖邊, 唔落住等埋團友先....
再去會場看看。 水之謌對開就係旅遊巴停車場, 這時一車又一車的遊人正殺去雪祭會場....
本來想行過去, 但又怕團友唔見我太耐...
在橋這邊影的支芴湖....
差唔多要會合團友啊, 呢間小食店好多o野食架, 燒粟米呀, 雪糕呀咁, 可惜肚子無位啦....
返到酒店花園集合, 這個足湯好靚, 依家諗番: 點解唔浸嘅?
一齊行落去湖邊欣賞吓風景先, 原來翠明閣就在湖邊....
天氣好, 真係咩都靚D....
在湖邊hea一陣真係攞車走啦, 睇吓, 大少去warm up架車時又要玩雪, 真係服咗佢哋...
上車啦小姐....
點解突然又趕時間咁嘅, 之唔係要兌現在暑假的承諾囉, 去Muscle Park呀, 家姐仔: 妹妹, 跟我o黎....
排隊入場中....
今次先消滅小姐們上次的殘念, 去Kids Park玩先, 我就覺得幼稚少少, 但兩隻魔怪好enjoy喎...
其實Kids Park每節半小時, 我們入場時已開始咗, 實際只玩二十多分鐘就要轉戰Muscle Park, 都係無咩o岩佢哋玩, 又番兜上次的遊戲, 佢哋已經除鞋待發啦....
哥哥: 準備, 開始, 呢個係障礙賽, 入去搞完一輪就從另一條通道返出o黎打塊感應板睇吓邊個快, 次次都係家姐仔快少少.....
呢個Sky Traveler大少話唔抵玩, 只係坐係個"箱"內好似單車咁行一周, 又行得好慢...
在另一盡頭睇晒成個場....
玩到攰可以食吓快餐...
你離開前都仲有機會放低銀兩, 不過都唔靚嘅...
還完車後先寄行李, 再返去國內線個邊食午餐同買手信, 大小姐又想食腐皮壽司, 於是去揾日本野食....
最後去咗最入呢間, 激死, 無腐皮壽司喎! 咁要D小姐食o架啦....
呢個set都好貴, 我哋再要些蟹柳卷同少少散叫壽司, 呢餐超唔抵, 5千幾日元, 我們在根室花丸喪食都係5千幾, 服務又唔好喎, 哼....
花畑牧場 
再趕去Fleur幫同事買馬油, 但藥房的大叔話我唔可以買超過1000ml的, 所以要買細樽裝的, 醒唔起呢點, 早知在狸小路時買啦! 仲有呀, 本來買咗一大盒蜜瓜啫哩俾外甥仔, 點知過海關時被沒收咗, 又係過1000ml喎 
過海關後聽到好似廣播叫我哋個名去閘口喎, 咩事呢? 原來行李內有火機唔記得攞出黎, 因為無玩過煙花都唔記得有火機添
又返香港啦, 下次再去北海道會係幾時呢???
我都唔知佢係成窩飯上枱，仲要得我一個人食咗一細碗，我老公同個仔話好飽食唔落喎，早知就唔要喇，食剩咁多真係唔好意思。
回覆刪除[版主回覆03/02/2011 20:28:00]我哋見到都嘩咗一聲, 不過d飯幾好食再加埋三文魚子真係一人食咗一小碗
湖景好靚 機場咁多蝦碌.
回覆刪除你夏天又唔聲唔聲去轉北海道啦, 幾個月啫
[版主回覆03/02/2011 20:41:00]係囉, 都未試過咁論盡 唔去北海道啦, 好可能去東北, 不過大少未批, 諗吓先啦!
如果我去住, 我一定要煲飯, 覺得個煲幾靚 , 我之前都有諗過你既提議, 中午去食buffet, 晚餐食和食, 但又怕午餐無咩食, 佢主題系健康食材, 咁仲有無魚生, 蟹之類呢?
回覆刪除如果我去住, 我一定要煲飯, 覺得個煲幾靚 , 我之前都有諗過你既提議, 中午去食buffet, 晚餐食和食, 但又怕午餐無咩食, 佢主題系健康食材, 咁仲有無魚生, 蟹之類呢?
回覆刪除[版主回覆03/02/2011 23:09:00]咁o岩嘅我係你個邊返o黎喎 我相信午餐都好得, 因為我哋成12點走時, AMAM排隊食自助午餐條龍都幾長! 呢間餐廳唔係以多款取勝, 係食物好精緻又出色, 令你每樣都想試吓, 熱葷類我就無食過晒, 不過水準都唔錯架! 魚生一定有, 蟹就得松葉蟹腳剌身, 但好得喎 3J家庭好似影咗好多相, 你睇吓OK否啦!
Zason+2T : 睇完晒咯 . (點解第七日出現3次)
回覆刪除( 又返香港啦, 下次再去北海道會係幾時呢??? )
聽講就黎又出發喎 .
Bye Bye !
[版主回覆03/09/2011 00:02:00]man wai: 哎呀! 咁耐都無發現添, 都係你細心, 唔該晒! 改咗啦 北海道就真係唔知幾時, 但突然間會去睇芝櫻, 行程計劃中
Zason+2T : 有最新消息 , 記得通知我 .
回覆刪除Bye Bye !
[版主回覆03/10/2011 00:11:00]man wai: 無問題啦!
Zason+2T : 唔該晒提供網址 , 不過依家 "日本" 咁大鑊飯 , 去 "北海道" 可以話係 "遙遙無期" 呀 .
回覆刪除Bye Bye !
[版主回覆03/16/2011 11:09:00]man wai: 我哋去玩都仲可以揀去第二樹, 但日本人就差不多無地方走咁, 呢段時間對佢哋黎講更加長到"遙遙無期"....我都好想快點再去日本幫手振興經濟....
我出左機票去釜山, 原本是想帶我媽, 傅小孩去睇櫻花, 但而加核電廠咁大鑊, 釜山同日本隔個海, 傅生唔想我地去, 所以剛剛打去agent到取消左機票, 好在唔系特價飛可以取消, 不過都要扣1700手續費, 但咁會安心d.
回覆刪除[版主回覆03/16/2011 19:34:00]去玩都係想開開心心, 有擔心就真係唔好喇...好掛住櫻花呀
盡量製造噪音令團友"自然"醒, 得咗!
回覆刪除我好鍾意呢句呀！好正呀！
[版主回覆03/17/2011 23:31:00]旅日的回憶真係現在最好的心靈安慰 我都有響應你的呼籲唔上日本網以免阻人救災...
謝謝你的支持。
回覆刪除[版主回覆03/18/2011 19:44:00]只可以做這麼小的事而已
謝謝你把我列入你的BLOG友名單內，有時間大家吹下水啦！
回覆刪除[版主回覆03/18/2011 19:44:00]"大丈夫"呢!