4月19日 (星期二) 酷熱
好快到咗行程最後一日 
同酒店delay check out(都只可以1小時咋), 便出發去Beach Station那邊玩。 先玩小朋友在日本無份的Segway, 第一次有教練一齊同埋要聽講解....
妹妹好擔心又怕醜, 要大少倍上課....
家姐仔好快就上手, 自己搞掂, 在空地練習一下先....
好! 正式出發, 一個教練跟一個....
基本上家姐仔玩得唔錯, 佢個教練好輕鬆....
妹妹就好緊張, 因為唔俾家長同行的, 她的教練就"辛苦"少少啦....
原則上好安全, 教練有First Aid Kit跟身....
但! 妹妹"炒車", 直飛落小山坡, 教練追都追唔切, 已經第一時間救番佢, 但都幾傷 
下一站去玩滑浪....
其實應該唔太難, 不過小姐怕水又"蛇kwea", 成碌"葛"硬晒唔敢郁 
個女教練都無佢咁好氣坐埋一邊由佢自己摸索, 旁邊的bb都唔知幾掂....其實呢刻我覺得幾瘀架, 小姐好港孩咁, 淨係瓜瓜叫, 玩咗大半個鍾佢放棄唔玩, 好傷心地坐在一旁喊, 大少連忙安慰, 見咁形勢我都早點帶她沖洗換衫返酒店....
Wave House....
在等beach train時, 有隊Segway行過, 家姐仔問點解佢哋可以出馬路行嘅? 大人咪得囉, 細路....
有車啦, 上車吧....
在Beach Station見到 Song of Sea的表演場地, 我們都無抽時間睇, 有機會下次先啦....
日日都經過呢個"夢之湖", 晚上有噴水配合燈光的表演....
回到酒店房門口入唔到, 原來delay check out要去Front Desk換匙卡的, 我們等大少時發現房外的兩邊窗分別望到Festival 及 Hard Rock的泳池....
好明顯Hard Rock好玩好多啊....
大家都要沖涼換衫, 寄存行李又返去Beach Station, 先去醫肚, 食日本料理"榮"! 新加坡之行一頭一尾都係日本菜....
對着蔚藍的海, 陽光很刺眼....
大少要鐵板燒海鮮餐, 家姐仔去睇廚師點煮喎....
我的蜆仔意粉同巨峰提子綠茶特飲....
妹妹的味噌湯, 三文魚茶漬飯....
大少的鐵板海鮮餐, 都幾好味架....
家姐仔的烏冬同燒鰻魚....幫襯呢間的多是西方人, 八掛聽到他們想食壽司 
旁邊有雪糕屋緊係要整番杯先啦!
旅程最後一項活動Luge & Skyride, 我們買一次4-ride試吓先....坐吊車上山時好晒, 雖然幾分鐘但一定燶, 要出動遮先得 
真係好好玩, 有賽車feel! 妹妹本來可以自己一架車的, 但她成為"炒車皇"之後, 對自己失晒信心, 要同大少一齊先肯玩, 又唔肯玩多次, 於是家姐仔一個人再上....
玩到成4點先在酒店取回行李坐的士去機場 。 我們今次沒有帶電腦而Festival 又沒有internet可用, 不過在concierge他們代做了網上check in, 所以都唔駛太早去機場!
大少幫妹妹包好傷口先上飛機....
我們在Terminal 1, 但同事又指定要買的班蘭蛋糕在Terminal 2, 見有時間便遊車河去買...
就係呢間啦, 買完便上機返屋企lu.....
回港機上不幸地遇上討厭的後排乘客, 有點不愉快, 連空姐及空中少爺都話過他們但都無計, 不過唔想記住佢哋唔寫唔開心o野lu, 希望下次如再去新加坡唔會咁啦, 唔知坐星航會唔會好d呢???
星航好麻煩, book 咗要一個星期後比哂錢, 所以最後都係揀CX, 放棄坐A380, 不過星航的service 一定好過CX......你去個幾日天氣都唔差喎! 小朋友玩segway 是否行去個beach?
回覆刪除[版主回覆04/26/2011 20:13:00]其實今次CX的crew算幾好, 只係乘客質素, 個兩個煩人連crew都玩, 討厭!!! 我考慮星航係因為CX去新加坡的機太舊啫!
那幾日算係咁啦, 只有半天雷雨 Segway係一出 Beach Station就會見到的, 而Luge就係另一邊行幾分鐘就會見到, 你暑假去時應該會見到McDonald啦, 旁邊就係Luge & Skyride
點解你去既新加坡咁多姿多采咁既??我明明記得我去嗰陣係無野玩架喎, 唔通係因為係十年前, 而家多咗野玩???我淨係記得我當年熱到發脾氣, 成身濕哂, 唔係誇張, 係真係濕到D衫透視架 睇完你介紹, 真係可以諗吓等佢地冬天(應該都仲係好熱吓)重遊舊地喎
回覆刪除[版主回覆04/27/2011 21:06:00]新加坡呢幾年係多咗遊玩設施, 我都係10年前去時, 聖淘沙都係剛開無耐無咩玩, 但有USS之後真係旺咗, 雖然細過香港廸廸尼, 但對小朋友都幾好玩架啦! 你上Sentosa個網都會發現好多o野玩, 不過唔平, 老實講就唔太抵, 不過日本當黑間接令佢旺咗! 我都全家係濕晒架, 所以走個日要沖個涼先上機, 如果唔係好唔舒服架! 如果你去要留意, 新加坡12月至3月係雨季, 雖然話一年四季都會落雨, 但這幾個月特別勁的!
你呢日行程我最鐘意 , Segway都玩過幾好玩 唔知點解每次入0黎见呢篇 , 我係想起你家 這篇
回覆刪除[版主回覆04/30/2011 22:15:00]家姐仔都話好好玩! 不過新加坡唔太抵玩, 唔會咁快再去lu!
可能你見到登山吊車咪諗起啩 你好犀利咁都記得!
Festive真係要改善下早餐人手, 上年去又係咁, 唔係無位係無人執枱, 激死.
回覆刪除[版主回覆05/02/2011 22:40:00]去Sentosa唔會再住Festival, 大少話係去就住入少少靜d個幾間喎!
Segway 我哋都好想玩，Luge 我响 New Zealand 玩過，新加坡玩貴唔貴?
回覆刪除我都覺得宜家去新加坡好貴，所以決定 Easter 唔去住，或者遲D再諗。
[版主回覆05/03/2011 20:21:00]我們一家人一齊就SG$29, 後來大小姐一個人就SG$12/ ride。 係囉, 新加坡真係洗費唔平, 唔覺唔覺用咗好多錢但又醒唔起用咗係邊...
暑假唔去得日本, 會去邊玩?
回覆刪除[版主回覆05/03/2011 20:26:00]我有諗去沖繩/ 九州, 但都係睇定d先, 相信今年就算臨時決定去都唔難訂機位或酒店啩, 不過好可能唔出外玩, 留番聖誕再算 話時話, 韓國興唔興自駕呢?
睇完你呢個行程，覺得好好玩呀！我上年暑假同朋友去，全程都唔多人〈包括uss〉，可能因為已經過咗新加坡假期，今年暑假諗住帶兩個姪女去，參考咗你個行程，好鐘意wild wild wet果日，希望到時小朋友玩得開心啦！我都預算book Festive Hotel，都係因為張碌架床咋！
回覆刪除[版主回覆05/17/2011 19:30:00]咁熱嘅天氣下, 我哋已經最進取啦! 算幾好玩, 都未玩晒成個聖淘沙, 如果你住多天就可以睇埋Song of Sea, 睇海豚同水族館咁, 至於Festival Hotel, 我們去的時候唔算爆但都多人, 服務尚可以, 但一到假期正日, 星期六, 日就好似好多投訴 ...Wild Wild Wet雖然唔係話好大, 但玩埋旁邊的Explorer Kid都夠小朋友玩上一整天啊! 記得去埋呀!
見到你呢個行程好岩使呀，去唔到日本，星加坡都係考慮之列啦！
回覆刪除[版主回覆06/16/2011 20:18:00]現在的新加坡都好適合一家大細去玩, 計劃吓啦!
回覆刪除獻給天下的兒女
烏達木的歌聲
回覆刪除獻給天下的兒女
烏達木的歌聲
[版主回覆06/16/2011 20:21:00]多謝你們的介紹!! 特別我家父最近過生感受很深, 雖然看過你的介紹但眼淚都忍不了....
人生未能事事如意 , 父親的思念是永恆的, 但願你能堅強面對～
回覆刪除[版主回覆06/21/2011 21:54:00]完全同意, 老父的一齊已在心中, 永遠的! 我亦會慢慢恢復過來的, 父親大人要見到我們一齊如常, 好好的生活下去!
同意 , 親人的記憶係永存心底既 ….
回覆刪除中秋節快樂 , 一家團圓 ^V^
回覆刪除[版主回覆09/11/2011 22:39:45]中秋節快樂! 一家人可以一齊, 團團圓圓, 整整齊齊, 真係要好好珍惜!
收到 ~
回覆刪除喂 . . . 中秋節快樂呀 !!! 食多D, 開心D呀 ^O^
回覆刪除[版主回覆09/12/2011 19:22:38]大家咁話啦! 小心變大肥呀....
好食又好玩^^
回覆刪除[版主回覆09/12/2011 19:22:59]中秋節快樂!