昨晚相信大家都瞓得好, 一齊好精靈咁自然醒。 不過天氣就好差吓, 落着密密的細雨, 唔知去邊好! 不過點都要去食早餐先....
近近地去老麥啦! ....妹妹換咗個開心樂園餐小丸子公仔。 由於雨勢都幾大, 食完去咗對面Homac行咗成個鐘, 又諗吓今日行程....
大少話不如去返晒d景點, 輕鬆地行吓, 就係咁第一站去Wine 工房.....
富良野的酒試飲晒都係無支想買....
o黎呢度主要係妹妹要買葡萄汁, 細支即飲, 買幾支大的返屋企嘆同做手信.....
收銀處後呢個酒櫃裝飾以前無留意添....
買咗果汁唔去果汁工房lu....
在往芝士工房的路上, 看見有小朋友相樸, 於是兜返轉頭去睇吓! 我哋都係第一次現場睇咋, 雖然係小朋友但好認真架....
睇吓幾集中精神....
埋身肉搏啦....似乎有排比賽, 睇咗幾個回合又再出發lu....
第二站去芝士工房食吓芝士, 不過嘛嘛哋....
又玩?! 不過大個咗夠力喎....
再o黎嘅目的就係食pizza啦, 師父密密整, d遊人就密密食....
買票先....
其實係我有興趣食咋!
其他團友倍我食完pizza, 我又倍佢哋去富田Melon House, "例牌吖, 唔該!"
三位又KO咗幾件蜜瓜同粟米....
Melon House外的向日葵被雨水打到"頭dup dup".....
入富田睇吓8月尾係咩景況先, 嘩! 都好靚吖.....不過....
大部份都係無花嘅薰衣草田呀!.....
呢d必影景點變成咁.....
近整香水的那邊都有一塊有花的花田....
落雨濕濕都唔想行上七彩花田lu, 反正都係無花多, 去影A貨先, 在乾花店二樓的大畫.....
從入口再影張繁花盛放相又同富田bye bye....
唔知係咪遊人少咗, 好多食店都無開咁, 我哋沿途行到去近蜜瓜雪糕店附近先見到其中一間民宿的餐廳做生意.....
其實都無咩可以揀, 小姐食烏冬同茄汁雞球意粉.....
原本都有諗過去美瑛行吓, 但落雨落到無晒興緻, 但又唔知去邊好, 於是先去深山峠想買白肉粟米, 點知無開喎! 咁去四季彩之丘睇吓啦.....
! 
團友直頭唔願落車, 我自己入去同Roll君, Roll小姐say hi.....
團友直頭唔願落車, 我自己入去同Roll君, Roll小姐say hi.....
情況同富田差不多, 呢個位最燦爛架啦.....不過臨離開時都有收穫, 就係有白肉粟米賣, 只係150yen一支, 我買咗30支pack箱, 雖然無7月時的咁甜, 但都好好食呀!
已經諗唔到再去邊, 大小姐話要煮飯, 咁去Bestom買餸囉.....又買一大車野走, 手信都係度搞掂, yeah......
車轉上apartment之前經過果子工房, 買些cake做甜品, 不過已經無咩揀lu....
米都買一包, 今晚都幾豐富架.....
嗱, 真係大小姐落手煮架, 係咪都唔錯呢?.....
飯後果同甜品, 不過睇真d, 水蜜桃係福島架!!!....大少話博唔過, 無食到呀! 買時無留意添!
食完玩洗碗機, 點知架野壞嘅, 搞到一地泡揾o黎做! 住呢類住宿真係又係在家的感覺, 睇吓電視又一晚lu.....
因為10月會去北海道,所以來你個BLOG參考下,好多資訊...
回覆刪除[版主回覆09/30/2011 21:39:30]10月是否賞紅葉? 我無經驗啊! 不過祝你玩得開心啦!
嘩. . . 本來想唔留言住, 番落山先再睇 . . ^_^ .不過, 你買咗30支白肉粟米pack箱 . . .真系佩服 ^OOO^
回覆刪除[版主回覆09/30/2011 21:42:54]你上山練功呀! 30支pack落箱都係一個A4紙箱大少少啫, 唔好唔記得我自鴐原則上唔駛點抬, 我反而服有些遊客又蟹又蜜瓜又水蜜桃仲係坐JR...先勁呀!
係呀,去睇紅葉,希望影到啲靚相!
回覆刪除[版主回覆10/01/2011 17:09:38]我見你未開始寫blog, 你會唔會紅葉行之後同我哋分享呢? 好想睇北海道的秋天啊!
會呀!其實我有舊BLOG,不過唔知點搬過來.....
回覆刪除[惡魔天使回覆10/03/2011 00:19:33]ok la ,搬晒啦!
得閒嚟座!!!
[版主回覆10/02/2011 12:37:10]其實我都係跟住指示做就搬咗lu....
個晚餐真係好豐富呀 ! 我最喜歡那 pack 新鮮豚肉串，因為我唔喜歡香港買果o的醃好晒既肉類架 ! 只加少少鹽 or 豉油，原汁原味就最正 !
回覆刪除[版主回覆10/02/2011 12:39:12]間apartment最好就係有烤爐, 可以燒雞膇同豚肉串, 不過呢餐多肉咗食唔晒!
落雨真係好影響氣氛呀 , >_< !! 不過都好精彩 , 呢間酒廠同小樽果邊點比呀 ? 邊度多野睇D ? 相樸呢樣運動 , 真係好小見 , 一向只可以電視度睇 , 可以睇 Live , 實在難得 (雖然係小童組別) 乜野月份去富良野果頭最多花盛開呢 ? 住呢類酒店都幾得意喎 . Yeah !
回覆刪除[版主回覆10/13/2011 22:12:12]講大規模一定係余市威士忌廠, 佢係博物館喎! 不過富良野係餐酒工房, 小巧一點各有特色, 上埋山頂的餐廳可以睇晒成個富良野咁話。 去富良野睇signature scene梗係7月中啦, d薰衣草睇到你無晒反應呀! 夾o岩日子7月尾去睇埋肚臍祭仲正呀! 你實話點7月中至月尾都係富良野呀? 咁如果你想睇肚臍祭就要放棄富田的薰衣草(特別係七彩花田), 月尾無咩架啦, 但係重有麓鄉同四季彩之丘, 一樣咁靚同多薰衣草, 有些品種可以開到7月尾啊!
真係未見過小朋友玩相樸 , 會喝喝聲 ?
回覆刪除[版主回覆10/31/2011 21:45:37]有叫喊聲，不過無睇日劇咁，可能始終係小朋友？！但我諗唔係個個小朋友都好喜歡，我見有一半人係悶到無表情，好無奈咁，但對我們呢ｄ路人就好吸引啦，不過都係一陣，因為睇咗１０多分鐘都開始覺得悶，我哋走得佢哋就唔走得．．．
似乎去北海道睇花都係要七月中至八月中~~~
回覆刪除[版主回覆11/11/2011 20:04:36]如果想去到邊都有燦爛花花睇, 就要7月中lu! 不過真係會睇到無晒反應...嘻!
依間apartment 好啱我地2大2小家庭.
回覆刪除[版主回覆11/11/2011 20:07:27]係呀, apartment式的住宿我哋好鍾意o架! 有在家的感覺, 唔駛成個旅程都住酒店。