8月20日 (星期六) 天晴
今次遊北海道真係完全無計劃到, 亦諗唔到一年內兩次! 2月臨離開北海道仲話唔知幾時再去, 所以世事真係無絕對!
2011好似有好多唔如意的事發生, 本來已計劃的暑假遊九州亦在心情唔太好下取消咗! 不過大少今次竟然主動提出去北海道散散心,竟又在兩天內搞好所有機票, 酒店及租車事宜, 於是造就呢次是但遊啦! 點解叫是但遊? 因為除了租住宿只計劃了基本行程, 其他都無咩準備就出發lu, 所以雖然8月尾去真係唔知睇咩, 不過勝在去過多次, 去邊都無問題完全無壓力, 好隨心的閒遊, 閒食....
出發前由於機位編排出了問題, 我們一家要分開坐令我非常不安, 因為兩位小姐都會暈機浪, 無可能唔同佢哋坐! 在辦理登機時, 雖然我和大少被升至商務客位, 但小朋友就不能, 就算我們用分去upgrade都唔得, 於是放棄呢個"優惠", 情願上機時與其他乘客換位。 我們早點登機, 而在空姐及空中少爺的幫忙下, 好成功咁一齊坐lu, 可能我之前個樣真係好愁咁, 個空中少爺仲叫我唔駛擔心, 全程好照顧我哋添
我哋又踏足北海道啦.....
相信係太遲先租車, 常租的Sienta無晒, 於是今次租呢架Corolla Fielder。 呢架麻麻哋, 馬力唔夠, 車箱比較窄又嘈, 應該無下次 
一開車直去積丹, 都幾遠架, 到小樽後再要成個鐘先到, 咁趕係為咗食呢間美國觀光House的豐富晚餐。 小姐們在Lobby等check in.....
上房放好行李, 便立即落返去食期待的豐富晚餐啦!
所有住客都去晒浸溫泉lu, 而我哋的食物已準備好! 只有我們一枱真好.....
個冷盤好美味呀.....
一開車直去積丹, 都幾遠架, 到小樽後再要成個鐘先到, 咁趕係為咗食呢間美國觀光House的豐富晚餐。 小姐們在Lobby等check in.....
上房放好行李, 便立即落返去食期待的豐富晚餐啦!
所有住客都去晒浸溫泉lu, 而我哋的食物已準備好! 只有我們一枱真好.....
個冷盤好美味呀.....
俾個近鏡, 二人份的, 唔好以為好少咁, 第一我同大少都有唔知食咩先好的感覺, 實在太吸引啦, 第二, 海膽食極都未見底真係睇佢唔出.....
呢個海膽鮑魚蒸旦, 好味到俾妹妹打劫咗....
呢個海膽鮑魚蒸旦, 好味到俾妹妹打劫咗....
其實小朋友都有份蒸旦架....
她們的芝士焗帶子, 炸蝦都好好味....
她們的芝士焗帶子, 炸蝦都好好味....
仲有陶鍋燒物.....
蟹汁, 炸物.....我哋好盡力咁食晒成枱食物, 最後我同大少好"禮讓"咁食埋d海膽....
享受完咁美味的晚餐, 周圍行吓便上房準備去浸溫泉lu! 呢間旅館要共用洗手間同一定要去大浴場的, 其他人都已經返晒房瞓我哋先去浸。 個浴場唔靚的, 大家都沖個涼稍為浸吓都返房"交交豬"lu....
蟹汁, 炸物.....我哋好盡力咁食晒成枱食物, 最後我同大少好"禮讓"咁食埋d海膽....
享受完咁美味的晚餐, 周圍行吓便上房準備去浸溫泉lu! 呢間旅館要共用洗手間同一定要去大浴場的, 其他人都已經返晒房瞓我哋先去浸。 個浴場唔靚的, 大家都沖個涼稍為浸吓都返房"交交豬"lu....
嘩, 2日搞好所有機票, 酒店及租車事宜, 你真係好快呀, 咁去咗幾多日? 大約去咗边呀?
回覆刪除[版主回覆09/20/2011 19:36:45]係呀, 連我自己都估唔到咁快搞到, 可能真係少咗人去日本所以比較容易訂! 因純粹係散心, 所以只去札幌, 小樽, 富良野咁咋! 用盡機票日數8日...
旅館 美国観光ハウス 晚餐好吸引 , 下次去北海道都想去積丹 , 你係唔係未放晒相 , 有冇甜品 ?
回覆刪除[電占 豆豆 幸の旅日 World ^^回覆09/20/2011 20:57:14]係蝦腳 , 咁細都得 , 有創意 ^^
[版主回覆09/20/2011 20:34:45]係....炸蝦腳! 無錯, 只係蝦腳, 細細條見到的, 好香口又高鈣! 真係有"嘩! 咁都得" 的感覺..哈!
[電占 豆豆 幸の旅日 World ^^回覆09/20/2011 20:30:54]真係估佢唔到 , 都炸左 , 係蟹蓋 , 咁高超? 還是其他 ? 快開估啦!
[版主回覆09/20/2011 20:08:08]係吞拿o黎o架! 仲有, 你估吓蟹汁上好似棋子餅的炸物係咩吖...一陣先開估!
[電占 豆豆 幸の旅日 World ^^回覆09/20/2011 20:01:09]昨晚我望了好多次 , 冷盤右上角是吞拿還是甚麼 ? 你 呢餐食品全部 好天然呀 , 真係睇到要吞口水 ^^ , 還有蜜瓜 TIM
[版主回覆09/20/2011 19:41:10]我無影晒所有食物呀! 好唔得閒架嘛! 嘻...甜品係蜜瓜..好似仲有不過唔記得lu...
豐富得令人妒忌~~
回覆刪除瞓覺...兩個喼仲未unpack既?
[版主回覆09/20/2011 19:44:15]唔駛喎, 你去台灣的美食夠睇到我流口水啦! 你心水都好清喎...哈...呢張相其實係食完上房, 小姐見到tatami已開, 忍唔住瞓吓啫, 之後就真係開唿攞野去浸溫泉啦...
晚餐非常吸引. 尤其是有咁多海膽同鮑魚, 令我家2位小姐們流晒口水及嚷著要去北海道呢? 另外, 呢間酒店幾錢一晚?
回覆刪除[版主回覆09/20/2011 19:51:53]咁就去囉...不過一次過食咁多真係好滯! 呢間全程最貴, 好似5萬7咁上下, 雖然住方面好一般, 但食物同服務真係好好, 招待我們個大嬸又係好好人, 令你好滿意架!
原來你又去咗北海道，我都plan緊明年暑假去，積丹都係我其中一個想去嘅地方。
回覆刪除[版主回覆09/21/2011 18:57:06]我都係見夕食有5分專登再搵佢個網頁研究一番, 真係好吸引! 當自己真係有得食時個種"大滿足"真係不能形容呀! 強烈推介!
[3J 家庭回覆09/21/2011 16:57:47]我响Jalan搵到依間酒店，原來個夕食評分係5.0，唔怪得咁正喇，朝食都有4.8，要mark低佢諗諗。
[版主回覆09/20/2011 19:57:07]積丹我想去好耐啦, 終於了咗心願, 咁你去啦...海膽真係好鮮甜架!
wow... 呢間旅館個晚餐好正呀... 望到都流口水... 好懷念北海道啊....
回覆刪除[版主回覆09/20/2011 19:57:11]今次去都係因為大少為食, 滿足咗佢lu...咁你哋幾時再去呀?
剩系可以流口水 . . . .投降 . . . 北海道 . . .呀 . . .
回覆刪除[小肥回覆09/26/2011 10:46:31]哈哈, 年年都要去北海道, 其他地方. . . 分dd 時間 咁囉. . .哈哈
[版主回覆09/21/2011 18:59:56]但係你想去好多地方喎, 幾時再排去北海道先!?
咦...我都睇中呢間旅館 美国観光ハウス , 想11 月去, 但周圍無野睇, 值得去嗎? 房無洗手間的?
回覆刪除[版主回覆09/22/2011 19:47:36]睇中就行動啦! 值唔值得就好個人, 你睇我哋一到步就直飛去就知在我黎講值唔值, 不過話說回頭, 當大少知幾錢時佢就覺得唔太抵(因住宿方面就真係好一般), 大少有後來有話過如果在小樽住返古川, 再專登入積丹食海膽, 鮑魚可能都ok喎! 積丹其實都有好幾間專食海膽, 鮑魚蓋飯的, 你又可以諗諗! 呢間有共用洗水間的, 就在房外都好方便, 浴場就在樓下, 大少就唔like呢方面, 我就ok喎...附近可以去睇風景, 積丹岬, 神威岬...咁, 余市可去威士忌廠咁, 我下編就會講到...
我未轉新版，所以連你地去完北海道返黎寫埋 blog 都唔知添 ~ 唉 ! 又要追返你個遊記 lu，不過都好，可以一次過睇，唔洗等得咁辛苦，hehe ^^
回覆刪除[版主回覆10/02/2011 12:35:16]咁你轉版通知我關注你吖!
呢部 Corolla Fielder 既口碑認真麻麻 , 唔唔係第一次聽到咯 , 認住佢先 , 千祈咪租佢 . 另外個晚餐果然好有特式 , 正 ! (咁豐富既行程 , 點會悶親呀) ^_^
回覆刪除[版主回覆10/10/2011 23:12:10]係囉, 見到架車真身時都好似有聽過佢d壞話, 不過車嘅野唔上心, 但今次主角係自己身受其害想唔記得都難! 呢餐真係好豐富架, 不過行程就...一般啦! 多謝俾面! 呵....
第一日的夕食已好吸引～
回覆刪除[版主回覆10/24/2011 16:02:32]食係呢個行程主要動機, 不過安排有少少失當, 下次應該漸進式會好點! 嘻....
我想問下佢地晚飯價錢其實有什麼分別? おまかせ料理プラン/ちょっと贅沢料理プラン 其實有什麼分別呢? 你地係BOOK 邊個晚飯PLAN 呢? 仲有想問洗手間有幾多個呢?謝謝 !
回覆刪除[版主回覆05/15/2012 21:29:44]J少, 我唔知佢有星添呀!
[版主回覆05/15/2012 21:28:48]唔好意思, 呢幾日去咗首爾遲咗回覆。我唔清楚有咩分別呀, 好似係訂ちょっと贅沢料理プラン 咩都有咁啦! 洗手間有兩三格, 洗面台有好似4個洗面盆, 都ok嘅, 但就唔太方便 (我要帶住兩個小人), 但只係大人好ok喎!
[由莉詩回覆05/14/2012 12:11:11]兩星日本米滋蓮 ? 我6月想book 呢間... 不過房內冇洗手間, 我家大少最吾 like 呢樣.... 唉...
[jokelib回覆05/14/2012 09:30:54]我做路人甲, 依間有兩星, 真係堅~