2011暑假標尾會是但遊北海道 ~ 第二天

8月21日 (星期日) 晴 / 雨

又係去返食事處食早餐, 今早所有屏風開晒, 原來都好多人入住啊! 家庭客係主打添!

看似不太多的份量, 但每款都新鮮好味....

而主角就係呢個海膽蓋飯, 大少就要海膽, 三文魚子各半的蓋飯, 真係鮮味到不得了, 但食咗唔夠一半已經飽到上心口, 不過唔可以嘥咗專程去食的海膽, 終於好慢咁食晒, 之但係決定呢個旅程都唔"掂"佢啦....

小朋友就食呢d加白飯, 食晒都好夠架, 我家小姐就緊係食唔晒啦!

返到房床舖已經執收拾好, 又係時候起程lu....

呢條走廊的盡頭就係大浴場, 左手邊係食事處, 附近幾間住宿, 美國觀光House真係比較雅緻....

男, 女湯的入口。 大少話昨晚我同兩個小姐的對話他聽得好清楚喎....

正門, 大嬸幫我們影咗全家福後, 便要同佢及旅館bye bye lu....一間令人有美好印象的住宿....開車後大少問有無路要趕? 除咗昨晚趕食晚餐之外, 基本上無路要趕, 所以可以慢慢行睇吓沿海風景....



先兜去美國港睇吓, 水中展望船就係呢度上船, 正有一旅行團到, 唔知係咪坐船呢? 又見有些年青人穿上潛水衣準備出海啊! 八卦完出發去神威岬lu...

大小姐見到呢個牌唔敢入呀! 大叫: 媽咪, 女仔唔入得架!

入得架, 你睇有女人行呀! 天氣報告話今日陰天有雨, 但好猛太陽喎! 一路行一路食住雪糕都好熱呀!



其實現場見到咁遠我都有剎那閃過唔想行, 好晒呀! 不過我今次係專登黎無理由唔行喎! 而且沿途好靚吖, 一於行....

我哋行到成身濕晒, 最後緊係見到啦! 登..登...神威岬! 兩位小姐行到塊面紅晒, 問我黎睇咩, 我話咪呢d 巖石囉! 佢兩個即話: 唔係吓嘛, 行到咁辛苦睇呢d
 
石?!...向我抗議之前唔同佢哋講, 我專登嘅, 行吓山嘛, 講咗你d city girls實啋我都傻啦!

行原路返出去都幾甘, 全部黑晒!  目標已達, bye bye 啦....

下站去余市的威士忌廠, GPS帶咗我哋去另一邊外圍泊車, 後來發現原來有個停車場在紀念品店外的....

入到園內無耐開始落雨啦! 天氣報告無錯喎, 咁先去博物館睇吓威士忌係點釀成的, 那些發酵程度不同的小麥有不同的香味(小姐們話臭味!).....

雨越落越大, 好似有雷暴警告添呀!  等雨勢稍為細咗我哋跑去另一座的餐廳大樓食午餐先....

大小姐的冷麵....

二小姐的咖哩海鮮飯....

我的和牛套餐...大少無點菜, 因其實海膽仲未落格仲好滯吓, 不過又到午餐時間咪兩份分囉!  呢間餐廳都幾好味架, 去開可以考慮係度食...

停雨又行去紀念品店睇吓同食雪糕先....

紀念品店外無幾遠就係停車場啦....

離開余市便直往小樽, 先去銀之鐘買Kitty 杯碟, 今次買埋有小樽運河景的那套....

跟住又係沿堺町通一邊睇, 一邊食!  今次唔整音樂盒啦, 有得睇無得買, 妹妹話唔製呀!....



咁去食啦, 妹妹最鍾意食燒蠔呀, 帶子呀咁....

 

呢碟大部份都係妹妹KO 咗! 大少其實好想食架, 不過佢膽固醇要睇住, 相信quota已滿唔可以食啦....

咁佢唯有帶大小姐去對面食沙冰啦....蜜瓜冰吖, 唔該!...

沿途又食粟米, 魷魚...行到出拔小路食我好想食的炸若雞....

一場黎到緊係再過運河睇吓啦....



反轉頭行去攞車, 又經過北一硝子3號館食5色雪糕...妹妹見到對面有朱古力又行去食....

黎到呢度本來我想入去食件芝士Cake, 不過最後過門不入(其實都掙扎一陣架), 真係食唔落啦!  返札幌吧!

 

今次住遠一點點的Sapporo Prince Hotel, 貪佢平又有單車租唔駛周圍揾, 房就預咗係比較細, 網頁都見到, 不過張床真係比較窄, 我哋係細碼家庭都覺好迫啊....

 

浴室, 洗手間就算乾淨企理....

 

好! 又要出去揾正餐食啦...由酒店行去狸小路約十多分鐘。 揀咗呢間叫有名氣的拉麵店試吓....



我哋幫襯時算比較夜, 9點幾無咩人....

 

大小姐今日午餐的冷麵好滿意想encore, 點知呢間好唔得, 我哋的醬油, 鹽味拉麵都令人失望, 相都唔影啦! 好重鹼水, 食完喉嚨好唔舒服又要飲好多水...

 

好彩今日都食咗好多好味的食物, 呢餐叫做試過出名的都未必一定好啊!  狸小路的店舖都關門啦, 散步返酒店吧!  日本加油的橫額好多時都見到啊!...