2011暑假標尾會是但遊北海道 ~ 第五天

8月24日 (星期三) 天晴


住宿plan只包兩個大人早餐, 6張餐卷昨天已用完(另加兩位小朋友一次), 今早由我落Lawson買各人早點。 副隊長離開太空艙執行任務....

我們住25樓, 每次出入無論向上或向下望都有呢個住在實驗室的感覺.....

酒店外觀, 圓柱形的設計....

同住咗3日的太空酒店bye bye我哋又去食!  因為大少好節制咁控制膽固醇幾日, 但對燒蟹念念不忘, 於是又去每次都幫襯的場外市場北之魚場。 記得以前泊車在外就行入去食, 但可能太多人亂泊車, 今次有專人俾泊車票以確定你唔係運桔!  先o黎女子組的食物.....

輪到大少15/16, 一來得佢想食實超標, 二來日元對10, 一隻細蟹都要1萬yen, 好似唔抵喎! 有時我都俾佢激死, 一場o黎到就唔好諗咁多啦, 最多我請!  一於叫, 最多揾隻細的....

滿足各人食慾就向砂川出發!  先去室內兒童樂園....

呢度有些似丘陵公園, 3年前都o黎過, 不過當時太熱無入去玩...睇吓! 遠處已有兩隻馬騮扒緊上繩梯啦.....

睇唔到! 俾個近鏡....



都幾好玩架, 有唔同類嘅滑梯....

我哋兩個大人"on 居居"咁等咗個多鐘, 又係要捉兩隻馬騮開飯啦!  行返出物產中心呢間木林之森(1, 2 ,3 個木宇)食簡單的拉麵同烏冬....

有北果樓專門店....

入咗電小姐又嚷着返去玩啦, 經過池塘又落去睇吓.....



嘩! 好多肥錦鯉呀! 有位日本太太見兩位小姐咁雀躍, 俾咗包魚糧佢哋餵.....



途經另一遊樂場又到此一遊先.....

返入去玩lu, 呢個金字塔就係室內遊樂場啦!

玩咗一陣轉戰室外, 先坐手拉車去對面....

 

有大量木製遊玩具俾兩隻繼續放電....

 

做小女泰山, 飛呀!.....

 

唔飛, 可以行....

唔知係斜塔旁跳巨旦咩感覺呢?....玩到聽到關門廣播又係時候走啦.....

臨開車再買呢個朱古力泡芙, 粟米同雪糕食.....唔知點解行咗國道唔行高速公路? 可能hea mode自動啟動咗, 於是比預期遲咗到達富良野....

呢間就係我哋會住兩晚的apartment, 一入門口就見到客廳....

由睡房影回門口....



從廚房望睡房及通往浴室的走廊.....

玩煮飯仔的廚房.....

主人睡房, 張床幾舒服....

洗衣房及辦公室....

仲有日式浴室.....全屋家俱, 杯碟出自宜家傢俬!

搞一輪又7點幾, 係時候去揾晚餐食。 Fresh Powder的lobby, 天色已黑晒lu.....

習慣地又去富良野站附近揾食, 今次食呢間, 千成Shabu Shabu專門店.....



被領上二樓, 剛好一家人埋單, 我哋變咗包起二樓咁....

只要牛肉, 切得好薄好好味, 後來要追加添呀!.....

那, 千成就係在福壽司隔一個舖咋!



跟肚臍祭公仔打個招呼先, 後面的Natulux就係睇祭的方便住宿.....

返到"屋企", 第一時間要大少開床, 好嘆咁睇電視, 我就玩洗衫....一家人浸完風呂就可以唔駛迫瞓覺好嘅.....