2011暑假標尾會是但遊北海道 ~ 第七天

8月26日 (星期五) 雨天

昨晚妹妹話驚要我倍佢瞓廳, 點知半夜有輕微地震, 先係聽到窗簾搖晃聲, 後來張床有點左右搖動約10秒, 不過他們全沒反應! 

又係大小姐出場時間, 要煮的部份全由她負責, 都唔錯啦!

要離開住咗兩日的"家"lu,  今早有位鬼仔招呼我們, 唔知係咪同我email的人呢, 當時又唔記得問佢, 佢幫我哋在門口影完全家福再目送我們離開, 完全日本人咁嘅服務....

先去Ninguru Terrace, 08年o黎呢度兩位小姐在車上瞓咗, 只有我和朋友行過, 今次可以一家人一齊散吓步睇吓特色小店....

還有另一目的就係去森之時計坐吓同食個cake set。 我哋在行去森之時計途中突然落好大雨, 要在樹林中飛奔好狼狽啊! 等咗一陣位被安排坐Bar枱, 可以睇到他們準備咖啡的過程。 兩杯咖啡係由兩位小姐幫忙磨豆的, 佢哋玩得好開心, 仲叫大少買磨豆器返屋企, 大少緊係唔買啦, 屋企咖啡機自動喎駛咩咁麻煩, 而且要玩香港都有得買啦, 傻妹!

咖啡店都好旺, 等咗一批人走先可以怏速影呢張無人的相, 又要幫小姐們留影, 好忙啊.....

雨停咗又再出發lu....

我哋就係在呢條路飛奔, 回程時先欣賞到原來好靚好舒服....

諗住去埋風之花園, 不過原來要錢的, 我估應該無咩花睇都係唔入lu....

下站去麓鄉, 本來計劃在那裡的一間燒肉店午餐, 但揾咗好耐都唔見, 原來就在拾ってきた家旁不過無開, 於是就在附近呢間拉麵店食, 初時無留意個店名, 因落住雨要快快入屋內, 之後睇返資料原來富良野的飲食guide都有介紹....

 

剛好有枱, 好地道的格局.....

 

都幾多人幫襯, 空位好快就有人坐....



有驚喜, 都幾好食架, 如果去麓鄉要揾食, 呢間唔錯啊....

食飽飽就去麓鄉展望台, 竟然呢度的彩虹花田都仲咁靚, 無人添呀, 點影都得! 可惜落雨小姐唔落車影相....

上到展望台都有唔錯的風景....

相信7月花花滿開時真係會好靚.....

可愛的面包超人花圃, 終於見到....

紅色的翻土車永遠跟花田合襯.....

沿花田旁的小路落山lu.....

既然經過又入去睇吓lu....

因為兩位超齡BB要玩玩具, 見無人就俾佢哋扮一陣BB啦.....

我就上二樓行吓, 慢慢睇吓d畫....時候都差不多而且真正嘅BB要入去玩, 兩位A貨都要識趣俾返個場人哋啦.....

由富良野去由仁要行國道都幾遠架, 不過又可以睇吓未行過的路同景色。 最後一晚又係住由仁之湯, 因為佢嘅美人湯真係好正架....

   

今次住風呂附洋室, 其實和室同洋室嘅分別係, 張枱同地板唔同.....

     

風呂形狀唔同, 但水就梗係一樣啦, 茶色的美人湯, 真係好滑呀(呢期興湯唯式口音).....



同兩位小姐趕快換浴衣去大浴場先, 因為上次浸唔到呢個露天溫泉, 今次一定要試, 如果唔係明早又係男子區啦!  真係好好feel, 不過好多歐巴桑影唔到呀!  兩位小姐都好喜歡呢個溫泉....綠色呢個係綠茶溫泉, 外面先係園林實景嘅招牌溫泉呀!

浸完又係食晚餐時間, 美味度一般咁啦.....

小朋友的晚餐不外如是都係茄汁雞蛋飯, 炸蝦, 漢堡扒意粉....食完飯兩位小姐竟然自己去浸溫泉, 仲唔要我倍 話: 呢度好熟路啦, 自己搞得掂喎!  但係諗諗吓出面黑蚊蚊怕佢哋跣倒, 都係跟住好d, 原來佢哋又真係好熟喎, 已經好嘆咁浸緊仲好驚訝見到我添....去遊戲室玩吓, 睇吓電視又一天, 真滿足啊!