一直都好想看看漫天櫻花的景況, 見其他網友影櫻花妹妹的"豔照"更是心癢癢, 於是決定今年復活節假期往京都一嘗心願。 由於要相就的事情很多, 要在復活節後才能出發, 初時都有擔心會送花尾, 幸運地今年比以往遲開, 我們到達時很多景點都差不多是滿開啊!
在計劃初期都想坐火車, 於是訂了兩間酒店都是在駅旁, 不過想去的地方很多, 唔想趕火車又要安排行李存放, 於是又係自駕遊。
又係Toyota Sienta。 取車處在機場日航酒店旁。 大少對架車已好熟, 一上車就可以出發啦!
由於比預期早取得車子, 在往酒店前先去毛馬櫻公園。 因造幣局的櫻祭要再一星期後才到, 我們沒緣了, 在附近逛逛看看沿河的櫻花也心滿意足呢! 毛馬櫻公園都幾長, 我們只行了一小段, 看到日本人一家大細在公園野餐, 燒烤, 打波, 拍拖....充滿歡樂氣氛!
我哋都在小食檔買了章魚燒, 雞蛋仔, 一邊食一邊賞櫻....
這條櫻花隧道很長, 不過還未滿開....
如可以坐船欣賞沿兩邊河岸櫻花就好了!
近距離同櫻花妹妹打招呼先!
公園內的櫻花開得比較荗盛, 可惜天色開始昏暗, 太陽伯伯要收工啦!
第一晚住難波駅上的Swissotel。 原本諗住一出火車站就可以直到酒店好方便, 不過自駕就要搵入口, 兜咗成個圈花了一點時間。
スイス エグゼクティブ ルーム ツイン, 一般吧!
浴室也是一般吧! 完全無咩影多張相的意慾...
在些餓, 先到Lounge 吃點小食。 真係令人意外的"少"食, 服務及氣氛都不會令你逗留得耐....
就這麼小小的一角, 沒有太多選擇....
那麼出去逛逛順道搵食! 向心斎橋方向行, 先食了冰極雪條, 邊行邊睇沿途店舖, 好快就到了人人網誌都見到的畫面....
唔影佢好似無去大阪咁....
本想食一蘭拉麵, 但打晒蛇餅。 我提議去蟹道樂(有點掛住北海道的蟹), 大少又話唔想在大阪食蟹, 於是行吓行吓去咗四天王。 剛好有位又未試過, 就佢啦!
都幾好味, 食完已經好多人等位lu....
妹妹見到好想食, 於是就只買給她, 700yen得一隻腳(切開兩條)好貴吓! 唔抵食! 好彩家姐仔無興趣! 呢條街有咩睇大家都好熟唔詳述了, 熱熱鬧鬧的行了一個晚上便回酒店休息。 返到去大少想飲杯whisky, 點知Lounge剛關門, 掃興! 這麼早才9點吧! 以往酒店的Lounge多收10點啊! 對這家酒店感覺麻麻!
以前都有諗過住Swissotel, 貪佢係車站上面, 方便出入機場, 而且聽講走的時候服務員會幫忙拎行李去車站月台, 不過價錢唔平, 反而坐的士去心斎橋的酒店仲平d, 但睇上面, 似乎間酒店麻麻, 但房間大.....
回覆刪除[版主回覆04/26/2012 22:55:59]揀呢間就係因為以為今次會坐火車, 如果一早決定自駕就未必揀。咁我哋到步時都有bellboy幫忙推行李, 不過呢個級數應該係正常服務喎! 我在jalan訂, 見有個特價早割plan(幾個月前), 在Excel Floor2萬幾yen連早餐, 房就唔係好大, 不過包早餐(小孩早餐不另收費), 小食, 酒類在特定時間任飲, 任食。
開始喇~ 有得追.
回覆刪除依日我去咗邊呢？有啲失憶..... 不過都覺得蟹道樂啲壽司嘛嘛~
[jokelib回覆04/27/2012 12:47:42]因為我開頭四日都係無行程的, 只係周圍行, 所以都唔係好記得.
[版主回覆04/26/2012 23:27:42]我明明回覆咗你, 點解唔見咗嘅? 我之前係話我都開始唔記得d細節, 但就無你咁嚴重連去咗邊都唔記得, 快d開工喇! 蟹道樂以前食過, 印象係一般咁啦!
條街真系好多野食, 不過無邊間睇到特別想食
回覆刪除[版主回覆04/26/2012 23:01:15]嘩! 有同感! 成條街都係食店, 仲好多款添, 但就係無一間吸引到我們入去, 反而去到四天王又有點興趣喎!
我都好想去睇櫻花啊! 可惜我全家都有嚴重鼻敏感, 怕有花粉症. 間酒店都OK喎, 幾錢一晚?
回覆刪除[版主回覆04/28/2012 18:32:00]由莉詩, 3J家庭: 相信因為我哋係假期後才到, 又唔算好塞車, 只係清水寺比較擠擁, 車路又窄, 目標停車場無位又要再兜過去搵比較花時間。 下次如有機會再去京都賞櫻, 我會坐火車同巴士, 同埋約真係有興趣賞櫻的朋友做伴, 可以慢慢影慢慢睇。
[3J 家庭回覆04/27/2012 21:51:58]我响神戶四國都係幾百yen一次，最貴一間酒店泊車都係1,000yen。
其實响市區搵地方泊車都幾麻煩
所以當我去返到大阪就即刻還車，寧願第二日搭JR去機場
[由莉詩回覆04/27/2012 14:44:47]冇錯呀, 去北海道揸車泊車完全吾駛錢架, 最近新年個次去中部, 差不多個個景點某些市區酒店都要俾停車場費, 幾甘呀, 而且京都個附近塞車塞得好犀利, 所以我今次四月都係改為坐地鐵搭巴士周圍去....
[版主回覆04/27/2012 13:55:13]去慣北海道, 九州泊車唔係大問題於是無太在意去諗就衰咗! 食一餐飯, 去一個景點都要泊車, 平均1500-1800一次...唉, 次次俾錢都好肉痛!
[Niseko2000回覆04/27/2012 10:05:44]嘩, 幾千港幣spent 咗係停車場...其實係大阪, 京都真係唔一定要租車, 好似以前試過係神户塞1, 2個鐘, 浪費晒d時間, 所以避免係大城市租車, 租都係為左去遠少少地方.....
[版主回覆04/27/2012 00:00:40]成個trip停車場費好"金", 用咗幾千港幣呀! 唔怪得少人在京都, 大阪自駕啦! 我第一次去大阪同學訂酒店住阪急, 第二次阿妹訂第一, 都係好細!
[TwinSister回覆04/26/2012 23:28:21]我去大阪已是5年前的事，當時係朋友幫手安排的，佢訂咗＂第一＂酒店，嘩！又舊又細。你個間酒店停車場要3千Yen一晚又真係貴咗d喎。
[版主回覆04/26/2012 23:16:26]可以咁講, 因為這樓層的住客如有小朋友是免費的, 去泳池同spa都係免費的, 只要你有時間, 所以如果一心有酒店hea, 呢類plan係抵過住樓下的房!
[小肥羊回覆04/26/2012 23:07:50]2萬幾是4人價? 還是雙人價? 大阪泊車真系好貴, 我地泊一晚都2500yen, 貴過東京多好
[版主回覆04/26/2012 23:04:48]我唔覺有花粉喎, 我都有敏感, 住酒店特別辛苦, 一早一晚都好似喊咁! 間酒店唔係幾ok的, 有點舊, 服務一般啦! jalan早割plan2萬幾連早餐, 停車場要3千yen一晚!
原來已經開始咗...
回覆刪除Swissotel在難波算係最方便，不過比較貴，一向較為喜歡住大阪駅附近，去京都神戶都方便D。
最後一日都去咗心齋橋，可惜時間有限，無行道頓崛及難波，反而我哋去咗蟹道樂食lunch，見佢D lunch set都唔係好貴，3、4千yen，是但喇費事周圍搵，味道都可以，當然唔及北海道。
[版主回覆04/27/2012 14:07:30]我都無行入心齋橋, 唔記得同兩個囡囡去Sanrio添! 我都諗過貪方便去蟹道樂, 但大少唔想就算啦!
祝你有個愉快的周日阿老友記,
回覆刪除今日係佛誔,我佛慈悲、慈悲為懷。
....♥*♥...•*,我又有新的手繪漫畫發佈 , 如果得閒黎我個YAHOO BLOG 睇下
呢間蟹道樂唔食無損失!
回覆刪除d櫻花相引死我, 但明年復活節係3月底, 去九洲係咪好過大板京都??
[版主回覆05/02/2012 21:23:49]櫻花真係多多都睇唔厭, 咁你就plan去九州啦! 都好多賞櫻景點呀!