2012我的京都紅葉 ~ 第三天

 

 

 

 

11月19 日 星期一  天晴


昨晚在大廳的日本年青人一邊看電視一邊說笑(就在這道門旁), 所以很夜才能入睡。 不過可能太攰, 睡了便一覺天光, 就算早起精神也不太差。

我們擁有的小庭園也沒有機會用過, 起碼都要飲杯茶食個包吖!

離開旅館在附近看看, 這是往星野系酒店的專用小船....



站在這兒欣賞了一陣子.....其實沿小艇旁的路有個指示牌去秘景的, 真係有點吸引,但我們今日太多目標, 所以放棄了。

晨早的嵐山, 霧氣還未全散, 有詩般的意景....

喜歡無咩人嘅渡月橋, 可以靜靜地聽河水聲, 渡月橋河水聲喎! 無車聲, 人聲, 好高難度呀!  



日間的嵐山駅就好似有些寂寞了.....

以為自己早, 點知有好多人更早!  去到買小火車票的嵯峨野駅已經人山人海, 睇怕都買唔到第一班車票lu....

由於多人, 車票提早開售, 我們買了10點復往票, 售票大姐很識做, 主動給我們回程時坐開放式車箱。  先在旁邊的小店食簡單早餐....

但仲有成個多小時, 於是決定出去行下, 買票的隊已經出了大門排到馬路了.....



無咩好講, 只因我鍾意呢張相!

昨日到了嵐山友人已想吃呢條燒魚, 到我們散完步行返去車站時, 見老闆剛剛燒好, 於是友人們襯新鮮幹掉了幾條, 佢哋大滿足!!

終於可以上車啦....小火車埋站...注意! 注意!

老實講, 我唔係火車迷所以唔會太興奮, 不過現場氣氛令你可以投入到其他人期待火車到的喜悅.....於是人影我又影!



點解在其他blog見人哋可以影到由車上影保津川的靚相? 我真係唔太影到, 架火車係會震㗎喎, 沿途又多樹呀, 橋呀咁!

入隧道啦....

終於輪到我們呢邊有河川睇啦.....

埋站, 人群影車我影人.....



上車娛賓的大魔王....



回程坐開放車廂, 好大風呀!



嘩! 危險, 差點蹱柱....



呢位阿姐差唔多去到最後段先識趣俾我影張無佢個樣的相....

我好低能地帶友人, 落錯車! 話說計劃回程時在嵐山駅落車, 因為近之後的景點, 但去到嵐山駅我見唔到嵐山駅的站牌, 不過都知應該係, 但係當見到駅前的小山丘寫住小倉山!!!????(唔記得附近有個小倉池) 於是唔敢落車, 係度諗無理由吖, 得個4個站無理由錯喎! 又見d遊人好開心咁落車影火車頭...就係咁諗吓諗吓開車lu! 返咗去嵯峨野駅!  最幣係一落車要轉下一批人上車, 完全唔可以同火車頭影合照, 唔怪得頭先咁多人把握機會落車影相啦!  希望講呢件瘀事出嚟, 以後大家唔好好似我咁唔知"定"啦!



落錯車後, 友人問: 咁即係點! 我就話, 是但啦! 又唔係好遠行吓囉! 為了先安撫友人們, 於是先食午餐! 又係我喜愛的Yojiya Cafe! 

食完又慢慢行, 途經野宮神社時拍下這張照片, 雖然有點out fo, 但有snap shot的感覺.....

又好低能地帶友人去嵐山駅: 那! 本來喺度落車架....仲俾我見到"小倉山"!



我們先上龜山公園.....

其實我已經唔記得係行呢條樓梯定左手邊的上山頂了.....嘻....!

呢度係好多龍友專登上嚟影小火車經過時的相, 我們到達時看到旁邊的預計火車經過時間表, 原來剛走了一班車, 友人用"你唔係諗住等呀??"嘅眼神望住我! 我當然唔會啦! 我又無長炮!  呵....傻豬嚟嘅!  在這可以看到之前路牌指示的秘景 ~  在山林中隱約見到的小寺院 (又唔記得叫咩名) 同埋星野酒店.....

我見小船上的多半是日本的公公婆婆.....

 

再從另一邊落山向今日目標出發......

 

大河內山莊.....相信好多達人都好熟所以唔講太多了。 只係有感而發人家的保育為什麼可以做得好, 除了金錢就係知識同個心....

呢張相我係瞓係地上影的.....



又係行上最高看看嵐山的景緻....

今日天氣真係"一番"呢! 又係度hea一陣先!  直至有其他遊人便識趣地離開.....

到莊內的茶莊享受入場包的煎茶及和果子。

室外已滿席.....



被引領到室內, 這時我們係第一組遊人入內, 趁呢一刻影下, 不到一分鐘又滿了賞紅葉的旅客.....



再落返大堰川旁.....



有新人影結婚照, 成了遊人影點.....



行返出商店街見到有架出京都市的巴士, 我們突然想坐巴士, 就係咁跳咗上車, 之後無耐就知"癩"嘢, 唔記得好塞車添!!! 就係咁出到鴨川都差不多黃昏!  在巴士上影的, 友人們還在睡夢中.....

從哲學之道行去銀閣寺, 可惜沒有時間行行秋天的哲學之道....



上銀閣寺人潮不太多, 可能已近關門時間又無light-up吧!

在這見到會企的小兔.....



銀閣寺.....

遊覽完銀閣寺再坐巴士去清水寺。



到清水坂已經天黑, 先食出名的牛肉包包......



乾包!  



就係因為見到呢架改裝車好得意要影佢, 點知發生了"食卡樂B薯片千其唔好問幾點"的錯誤, 我跌咗個牛肉包落地呀!!! 激死人啦!!!

 

原來在清水寺賞夜間紅葉係咁多人, 排隊情況.....

到門口啦......

傻瓜機同i-phone的夜景相係咁上下啦, 忍耐, 忍耐.....

其實我覺得夜間係有點危險, 太多人又黑, 我們都怕失散, 三個人拖住行, 有小朋友真係唔好帶去.....

上次已經好想在這食烏冬, 今晚就食啦, 反正大家都餓了.....

好味哦!

清水舞台下未有紅葉.....

只係呢幾張light-up相比較滿意。



出返二寧坂又掃街, 在八橋專門店食到夠, 認住邊隻好味, 臨走先買。

又乾puff!



呢度就係企係度的Kitty.....



行入一條橫行原來有大型食店, 似乎專做旅行團生意的.....

在等巴士回酒店時, 路邊的poster, 自己影唔到都copy留為紀念先!