2013一個人遊花園 ~ 第二天(上集)

5月1日 星期三 天晴/ 間中有雨

酒店的床尚算舒服, 可以一覺瞓天光

昨天到達時經過但未有時間影相, 於是今早預少少時間落酒店附近行吓.....

其實都有諗睇其他場次, 不過應該安排唔到, 可能始終日本版感覺上有少少怪, 唔睇也不十分可惜, 有這些街頭宣傳影吓已經意料之外lu.....

呢條類似星光大道的星星手印, 我只識三浦友和, 因為佢係山口百惠個老公.....

睇飽又行返酒店

再嚟個日景



我就係在這部機買洗頭水護髮素啦!

唔用電梯行一層上返餐廳食早餐

我係第一位客, 趁未有人影吓先



Order完食物就有第二位客到lu

其實我覺得餐廳佈置有點矛盾, 佢sell天然健康, 但配大水晶燈有點奇怪, 可能我本身唔喜歡水晶燈吧!

早餐只有洋式同日式, 飲品及包包可自便

我的洋式早餐, 日本人多選日式

食飽就出發開始遊花園啦! 先去東京駅坐新幹線

都找了一陣子月台, 上車不久就開車lu

到了小山 時補影呢架ＪＲ新幹線なすの253号

再轉両毛線去高崎行方向



呢部係各停列車, 不過唔係好多個站啫.....

在佐野駅下車, 北口的城山公園原來係當地的賞櫻勝地, 我去看過只係有少量杜鵑花未算吸引

出南口巴士站等都市巡迴巴士

佐野Outlet的巴士也在同一巴士站

200yen一程, 我在總站落車, 車程約25分鐘

在Bus Terminal落了車就會看到最高的就係今晚入住的酒店



Candeo Hotel Sano, 郊區酒店一般都友善些, 職員見我早到好唔好意思咁話唔可以提早check in。 其實我只想放下行李吧, 她才鬆了一口氣似的

寄存行李馬上又返回巴士站坐車去佐野駅轉火車去富田駅 (令我諗起北海道富田農場), 帳篷係等Shuttle Bus的地方, 我唔等lu

車上很多大叔大嬸公公婆婆.....一個站好快到, 差不多大半車的人都落車向同一方向行



原來都唔近架, 行一段路過橋再行......

見到呢個指示牌就差唔多到了, 一車一車旅遊巴, 果然係一年一度賞花高峰期.....



終於到了あしかがフラワーパーク, 正門的粉紅+紫色的wisteria已經令我異常興奮!

入場就係土產及紀念品店, 人山人海, 不過我對這些興趣不大, 穿過人群直行去對面的花園入口.....

嘩! 已經有好多唔同的花花迎賓啦.....

雖然係人工些, 但靚喎!

就算唔係花園主角, 路旁裝飾的小花花都好可愛喔!

陽光超好, 爆晒光都唔知添.....

大白藤, 等一陣子才影到無人咋, 大家鬥快走埋去影相.....

一盆盆的粉紅藤真係好靚嘅呢.....



雖然我唔知佢咩名, 但咁靚點可以唔影你呢!

這花第一次在北海道見過後便愛上了, 好童話的花兒

主角到了, 大藤棚.....

唔同角度顏色有少少不同

如紫雨或紫瀑布, 好震撼.....

繼續行又看看其他花花, 同期滿開的還有杜鵑

靚到暈....

水中花壇.....

水中花壇就係由呢d一個一個花花金字塔組合而成

另一棵大白藤花

實景同poster係一樣㗎!

嚟個近鏡.....

走在藤棚下的感覺很棒, 好似一支一支會跌落嚟咁, 當時自己同花花講: 你跌落嚟插我啦, 咁我就可以帶你走喇! ....

這個藤棚我不知來來回回走了多少次.....

這時落起雨, 其實天氣報告都話今天下雨, 我已準備了Plan B, 不過今早天氣非常的好用不着, 這些似乎只係過雲雨吧!

黃藤隧道未有花開啊!



有小食檔, 那麼就休息一會吧!

醬油燒饅頭串, 幾好味而且估唔到幾飽肚!