6月14日  (星期五) 天晴


他們對這裡的溫泉興趣不大, 於是又係我一個人周圍行吓......



大清早, 很寧靜, 不過已有些熱了! 酒店正門......

旁邊的溫泉, 泳池入口......

未有人, 咁我唔客氣啦!

趁陸續到的人未入溫泉區, 快影.....

影完專心歎......



在休息區望落去就係泳池, 不過未開放, 要6月尾先用得......

在花園散散步......

之後返房叫醒團友們!  從露台望出去就係正門......



她們準備好了.....

便去食早餐.....

吉祥物同你打招呼!

印象中食物的質同量都OK.....



酒店鼓勵小朋友, 食晒攞返位的食物就可以有一個銀幣, 因為咁妹妹今次好乖食晒自己攞的食物! 呢招有效! 她們兩天有4個, 在樂園換了糖果.......

花園有好多靚靚花花啊!



靚到好似假咁!



今早向右行去主樓, 明天便向左行去西館......

由於要轉房, 於是先把行李寄存, 他們會稍後把行李送到西館的房間.....



睇吓有咩買俾表弟們先.....

由酒店去樂園有住客專用入口, 先換PASS......



大踏步去玩lu......

沿途有些賽車展覽......

向賽車場行先見到呢個小朋友電單車場......

都幾有型, 如果你唔係着波鞋要換他們的鞋啊!

在這個場發生了我去日本咁多次, 第一次指名去投訴工作人員! 是這樣的, 那位負責解釋如果操作電單車的小姐猛咁同家姐仔講, 但家姐仔當然唔知佢講咩啦, 佢竟然一手推已騎在車上的家姐仔, 差d跌落地, 我在後排被她的行為嚇一嚇但都未出聲, 之後我想跟着前面的家姐行, 她好大聲又無禮貌的喝我! 原來係要行完一排等一陣第二排才行。  其實部車好細部,  大人控制有些難, 中途她又唔知喝我咩.....玩完火都嚟, 我直接行去問佢叫咩名, 叫佢上司出嚟!  等了一陣, 她的上司從老遠跑來....講完一大輪她當然向我道歉同會叫那位員工注意, 不只是講, 外國人唔知你講咩要有身體動作示範......下刪一大段。 大少話見到那位小姐喊到豬頭咁! 我唔理佢, 去第二度玩!

今次嚟呢個樂園的目的就係玩實車啦! 本來家長係唔可以入去的, 但在她們上鴐駛課時被發覺唔識聽日文, 於是問我可否入去幫忙, 咁我就可以近距離影到佢哋啦! 其實我都係聽到一半, 不過扮翻譯令他們放心些, 而且家姐仔話從他們的圖同身體動作都估到佢想講咩!

上車啦, 我的任務完成就被請離場了......

在旁邊的觀看席睇三位小車神比實, 兩位小姐當然唔夠本地薑日本仔快啦!

家姐比妹妹享受, 掟彎都幾恨! 但妹妹玩完話有些驚.....

經過Racing Theatre, 梗係入啦, 順便歎冷氣嘛!

點解無咗室外的電單車模型嘅?



我們先看3D電影, 都幾真實感, 之後出呢間房玩實車遊戲, 影吓相咁! 有間房係俾你在入面企係度, 有把強勁大風扇吹你, 話呢個就係實車時d風兜口兜面吹埋嚟的感覺喎! 真係吹得郁我呀!

參觀者必影......

坐晒幾架實車扮吓嘢!

涼夠就經真的實車場行返去遊樂場那邊。 官網話今日有Honda比賽, 但我們只見似係試車的場面, 但都好勁呀! 一路行一路都聽到實車的聲音.......



Wow....國際實車場呀! Cool......

激完玩吓兒童遊戲先, 要同爸爸坐船仔喎!  之後去坐飛船, 但我都在船中, 影唔到相lu.....



今早用了好多時間講嘢, 唔係玩咗好多遊戲又係時候食午餐.....

妹妹要食兒童餐喎, 大少同家姐都無興趣(其實我都無, 不過唔想行好熱), 父女組去了食牛肉炒麵.......



妹妹揀了坐地下的位........

食完就去買紀念品......

呢部係水陸兩用車.....

再去揸返轉高卞車.....

呢個遊戲相對容易, 妹妹肯玩多次......

呢款swing好bb, 小姐們話悶.....

咁去玩過山車唔悶啦啩! 不過我好悶, 她們玩了n次......最尾兩卡係背座的, 佢哋話有嘔的感覺, 同埋呢架木車撞到對耳仔好痛喎!



有噴霧呀, 好涼呀! 降吓溫先......

同場加影美麗的花兒.....

家姐話想玩多次實車, 又行返去實車場.....

妹妹點都唔肯玩, 在無對手下, 家姐成了冠軍! 今次我無得入去lu......

早上未能好好玩呢架車, 家姐又想再玩, 妹妹就不喜歡這裡又唔肯玩! 家姐話又係那位小姐教佢, 不過今次有示範同笑容喎!

再玩親子實車, 不過佢哋唔使家長部同lu......

由頭到尾的冠亞季軍.....

呢架車會在呢個位停車, 要你大聲講ありがどう 先可以再行......



玩埋搬波波遊戲就夠鐘關門lu......



果然, 返到西館酒店房, 行李已經安放好了。  見到咁大張床唔飛埋去就奇啦! 我影相她們就碌落地, 但隻腳收唔切.......



其實只係三張床拍埋一齊......

之前的房沒有這款杯杯.....

呢度主打家庭客, 連電梯都可愛些......

由於酒店附近有好多食市, 訂房時已不要晚餐, 出去食! 幾年前在九州已想去釣魚茶屋, 不過一直無機會, 就今晚去呢間........

時間尚早未有人, 不過明顯已有人訂了枱.......

坐在船佈景內進餐都幾得意......

妹妹又遇上她的小朋友啤酒話要同爸爸啤啤佢.......

其實好快已滿席, 似乎係有一間公司有聯誼活動好熱鬧, 我們都感染到, 大少好like呢度, 雖然食物只係還可以, 但氣氛很好! 兩位小姐成日搞人家的魚網, 又想釣魚, 不過已叫了太多食物無要了, 下次啦! 

開開心心的又一天!