2月23日 (星期二)
今日要走啦! 都無咩太唔捨得, 因為好快就去到期待的龍貓之家呢! 先去吃個豐富早餐吧! 我們住47樓, 可以望到差不多成個名古屋市。
遠望日間名古屋城。
早餐有位靚仔廚師負責蛋類食物, 小姐們要了Omelette。 靚仔好怕醜, 一見我影佢就唔敢望過o黎, 但又可能係心諗: "影咩鬼呀!"hee.....
第一轉食物, 牛奶真係好好飲, 我本來係唔鍾意飲奶的。
早餐後回房執野走啦!
因去參觀龍貓之家的關係要早上取車, 但忘了向租車公司更改, check-out時請她幫忙。
這是酒店的15/F大堂。 右手邊出面是個大平台可看風景的。
另一邊是通往去高島屋, 名古屋駅電梯的路。
落到高島屋都無機會一行添, 可惜。
搵咗好耐都搵唔到地下街的租車店, 於是去駅前店問可否改在這取車, 又可以喎!
由於要搞了一些時間, 出發比預期遲了, 但都應該趕得到。 先回酒店取行李, 呢o架就係尾程的車了。
再見啦!
我好肯定個公園電話係o岩的, 但GPS竟然帶了我們去到長久手附近的住宅\區, 好彩請到好心人幫忙入地址找出公園位置前往, 但已經遲到了...
跟指示去花之谷
公園全圖。 呢個時候花又無, 樹又無, 個公園無咩睇頭。
穿過花之谷跟住木橋行便會到參觀的收費所
由11:30am 改了12:30pm, 還有時間看看排隊對面的日本庭園。 成個公園人影都唔多隻, 但參觀龍貓之家的人也不少, 相信呢度係公園可以生存的命脈。
有位導賞員會先講一大埋規則同參觀者已分成A, B組, 大家有15分鐘參觀屋內及另15分鐘屋外。 到了草壁家啦!
可惜屋內不可拍攝。 我們都好開心呀, 兩位小姐扮草子同次子o係間屋內跑來跑去, 工作人員還給了草子, 次子的帽和書包俾兩位小姐穿上身, 大少也有戲中爸爸的帽子, 一家人影了張相添!
場景之一
爸爸的書房, 很亂的!
不記得是草子定次子畫的畫。
巴士站
再o黎個遠景
半小時的參觀很快便完了, 再見啦! 草壁家....
離開愛. 地球博公園便直去機場。 中部空港5歲生日呀!
有代言人的專門店呢!
上三樓揾食啦!
大少想食拉麵, 小姐們想食壽司, 我當然係企o係小姐o個邊啦, 3:1 去食壽司。
這機場真係幾有特色, 其中一角。
日式景
看停機坪
中部空港代言人
在登機閘口有個小遊樂場, 小朋友點會放過吖!
上機啦! 咪掛住玩呀! 坐兩個多小時要在台北停約一小時。 家姐仔在飛機聽到飛機係去台北問我哋係咪上錯飛機, 我就嚇她們:"噢! 上錯飛機點算呀!", 又信喎! 家姐仔差D想問空姐可唔可以落機....最後我梗係話俾佢哋知啦! 好快就到了台北機場。
一出飛機閘口便是國泰的轉機候機室, 有個Winnie the Pooh育嬰房o架, 有小B的媽咪就好o岩用啦!
成個鐘梗係要去探吓Hello Kitty啦! 路經有蘭花展。
上次去台北唔記得影的"蝦毛"候機室部份, 今次補番。
由遠處一見呢個大頸Kitty, 小姐們已經一支箭咁飛去玩啦
又係呢條滑梯
又要登機啦!
上半程的飛機餐沒有食因上機前食得太飽, 下半程由於只有個多小時機程, 只派鴨肉包做晚餐, 都幾好味o架, 好過正常飛機餐, 但小姐們唔鍾意食, 好彩大少今次突然好醒地有所準備....就係自備杯麵同上機前買的雞亦, 連空中少爺都估我哋唔到, ha....
時間o岩o岩好, 食完麵就落機lu...日本, 下次o係九州見!
The hotel looks VG !
回覆刪除[版主回覆03/09/2010 14:10:00]都唔錯嘅, 不過酒店的職員有些"高傲"。 如果論服務, 古都之夢同長島的那一間就好好啦, 令你有親切感, 很舒服!
如果比我個去到"龍貓之家"實開心死. 而你們剛好能扮演草子一家, 張合照必定好有趣. 順祝你的九州之旅玩得開心, 期待你新的遊記.
回覆刪除[版主回覆03/10/2010 17:40:00]我哋真係好開心o架, 那位工作人員攞D道具出o黎時, 真係估唔到咁好呀! 你都去啦, 相信你兩個囡囡都會即場玩角色扮演, 好好笑! 不過你最好請酒店的人幫你入地址去GPS, 因個電話號碼係o岩的, 他們之前有同我通電。 九州我都好期待因早在上年暑假已準備好, 真係等咗好耐咁!