因昨晚沒有到飛驒之里看light-up, 今日離開時路經本想入內一看, 但諗諗吓都去緊白川鄉睇合掌屋, 所以過門不入了。 今次輪到我帶錯路, 去到往飛驒清見IC的路牌我叫大少跟住行, 點知去了行國道唔係昨日的超長隧道, 大少本來想搵個位掉頭, 但我見個GPS顯示的時間又不差太遠, 又唔想再行條"悶旦"隧道, 而且天氣不錯路上無積雪很安全, 於是行山路看看風景吧! 經過御母衣湖就差不多到白川鄉了。
我們直接去荻町城山展望台, 看到有些人行上去都幾"甘", 又斜又長的路...今日好多中、日、韓團十分多人。 天氣和暖, 連厚外套都唔駛。 小朋友見到雪風景都唔睇, 玩喇!
情景好特別, 通常見展望台的相都是美麗的風景, 但有小朋友玩令畫面活潑同生動起來。 佢哋就咁"sir"滑梯。
呢張重有趣, 各有各忙。 你有你整腳架, 我有我玩, 人哋有人哋影合照
先o黎個遠景
再o黎個近嘅
原來今日係平成22年2月22日, 5個2喎!
我哋都玩咗好耐, 因為不停有團到來影合照, 小姐們又要玩不肯走, 答應帶她們去玩一大片的雪地(指住下面)先肯離開咋! 我和大少掛住睇風景, 走先知她們的衫袖濕透。落到小鎮她們唔肯倍我周圍行要玩, 於是大少倍她們讓我可以輕鬆一逛。
看看這裡的積雪! 滑梯頂...?
其實這條街的店舖都賣些差不多的東西, 沒有想像中的有趣味。
雪積得幾厚o架, 我係企在一部剷雪車上影的。
在這條路當中感覺同在展望台很不同, m....好多時靚的東西只宜遠觀不宜近看。
這間賣些日常用品的。
其中一間合掌屋維修中。
我原本計劃行埋去橋那邊, 但又唔想離隊太遠太耐, 算吧都係返轉頭同團友會合吧! 再買了兩串牛同薯餅給團友吃。
你看! 她們又扮天使啦! 一號黑白天使。
二號, 紅粉天使。
要天黑前走啦, 小姐話唔制咁多日只玩一陣雪, 威迫利誘下回程喇, 白川鄉我會再探"妳"啊!
兩位小朋友玩到全身(除了外套)濕晒, 包括底底同襪, 上車要除衭換衫以免冷病。5點前離開7點幾先到名古屋的酒店。 由於不知車子怎樣上酒店, 我先上他們15/F的大堂取得指示圖, 原來要駛去名古屋駅後的車路上2/F落客。 我和小朋友check-in大少去還車。 大家再會合後去地下街找明天租車去機場的店子, 但找不到。 由於太攰再加上小姐們"曳曳", 令我沒有胃口只倍她們吃了烏冬便回酒店了。 幸好還可以去lounge 吃點東西。
有沙律, pizza, cake, 水果, 紅、白酒, 香檳享用。
原本想早些回酒店游水, 但夜了沒有機會去玩而且都太...太攰了!
可以望到名古屋城呢!
返房休息了, 小姐爭住入卡玩度門
入咗一個, 妹妹話:"我又試!"
充實的一天又完了, 我要認真執行李喇, 明天最後一日, 去完龍貓之家就返我們的家了。
重玩遊戲機, 快D瞓啦! 等我浸吓香薰浴先!
有用資料:
和田家 Map Code: 549 019 6
荻町城山展望台 Map Code: 549 049 187
Marriott Nagoya Associa Tel: 0525-84-1111
甘你知唔知唔出飛驒清見IC應該出mei 呢 ?
回覆刪除[版主回覆03/07/2010 23:40:00]唔好意思唔清楚...
白川鄉d合掌屋好特別同靚, 唔知白川鄉內有否民宿呢? 睇完你的遊記心都郁郁. 另想問你好耐啦, 因見你每次住d酒店房都好大, 係咪訂房時講明你哋一家4口住? 我見你d小朋友都包早餐的.
回覆刪除[版主回覆03/10/2010 17:53:00]白川鄉有民宿的, 但有小朋友就要考慮吓了, 因一來怕她們不喜歡傳統食物, 又無私人浴室, 二來房間的間格只用木板好應聲怕小朋友會嘈到人, 如果你真想找資料, 我今晚返屋企搵吓(我好眼瞓上網一陣...hee!) 至於酒店方面, 我們的原則是間房要放得下兩個大喼開咗執o野都重有位俾小姐們玩, 所以會搵有呢類房的酒店同比較過價錢合理便訂, 都無講明是一家四口, 只係自己搵的, 如酒店只包兩個大人早餐我們便會另外加錢俾小朋友那份。
「其實這條街的店舖都賣些差不多的東西, 沒有想像中的有趣味」很有同感呀 ! 我都算係喪喪地買野既人啦，但我 o係白川鄉居然一件紀念品都冇買過呀 !
回覆刪除[版主回覆07/04/2010 23:00:00]我本來諗住白川鄉係買手信集中地, 有特色喎又唔"行", 點知連手信都唔多買到, 本來想買隻大少少的飛驒寶寶, 但唔知係唔係短時間內睇的太多(同埋都幾貴 ), 竟然完全無興趣買, 但又怕走咗會後悔, 只係買咗幾隻小掛飾咋!