2013暑假前奏三重遊 ~ 第一天

6月12日 星期三 天晴

今次6月旅行主要係因為家姐仔今年升中學, 怕暑假要上什麼什麼課程, 所以提早去玩!  訂了機票飛中部空港遊三重県, 但後來見到國泰fanfare同期的關西空港好平, 一家人一萬左右, 於是快快手按下訂位鍵, 滿心歡喜.....點知就出事了!  在我一個人出發去東京前一晚簽學校通告, 得知家姐在出發日有重要活動一定要出席, 但fanfare的機票不能改日期啊! 怎麼辦呢! 

大少第二天與相熟agent留下一班的零晨機位, 待我回來再決定應對方案!  最後決定大少先帶妹妹坐原本的4點機, 而我和家姐仔另外再買機票坐下一班機, 那麼行程同酒店都不用重新再安排, 但諗住慳些反而用多了錢!  其他不可思議的黑事一路發生, 我覺得好似係罰我帶阿女逃學去玩咁!

 

這張相係大少和妹妹先到關西空港日航酒店時影給我看的, 而這時我和家姐仔亦參加完學校活動在往機場途中了!

幸運地我和家姐仔被upgrade了, 從這刻開始我知道我們唔再黑喇.....yeah!  零晨機真係擔心會瞓得唔好, 所以有晒準備, 估唔到咁好彩大家都有覺好瞓!

 

家姐仔連餐都唔食瞓到落機, 過海關又快又順利, 由到着至去到酒店唔使半小時......

家姐仔好精神又心急去找大少同妹妹......

我們稍為梳洗便一齊落餐廳食早餐lu......

 

就這樣開始原原本本的旅程了......



點解我話我們開始有運行? 因為出發前天氣報告話有個台風吹緊去呢頭, 點知去到個風已經走咗, 仲好好天添呀! 



出發啦! 由關西去志摩都幾遠, 我們就當遊車河......志摩地中海村, 我們嚟啦.......

呢張相好搞笑, 我想影她們叫佢哋唔好行咁快, 點知佢哋好似被點穴咁! 喂, 望過嚟呀小姐......

一入村就係呢個水池。 點解會嚟呢度? 係因為當我見到呢個渡假村時被呢度d靚版A貨地中海小屋吸引, 有諗過住埋係度, 但係呢度又無咩好玩, 咁就食個飯影吓相吧!

有目標地向右走, 先去餐廳那邊......



那些小屋全可以住的......



真係好有feel㗎......

完全唔似在日本......

兩位小姐一馬當先行去餐廳, 嘩! 好大風呀! 媽咪!)))))))驚到行返轉頭!



大少: 唔使驚吹得你起我就係後面拉住你......

在小路望返轉頭, 小白屋好靚啊!

到餐廳了.....
 

只有數枱客人被安排在不同的角落.....

可愛的洗手間......

很有地中海風情, 很舒服.....

本想要伊勢龍虾料理, 但竟然無喎! 咁要了推介的餐同pizza......

呢餐都幾好味, 但又不是嘩一聲的那種......



另一角落.....

食飽飽周圍行吓, 泳池一眼望晒唔大的.....





從小路跑返上去......

又穿過白小屋區.....

呢度真係影相的好地方, 但我手上只有挨瘋.....

Shopping time.....

在大街向左走去另一區......

經過一展覽室, 不過無咩睇, 妹妹話要坐一陣.....

呢兩棵樹實物好似那些砌屋仔模型的樹, 不過放大了同係真㗎.....(無聊)

呢一區有舊城feel.....

似唔似畫框.....

這是cafe, 但好似無開.....



返回正門水池lu, 遊覽完畢......

跟住就去今晚入住的合歡之鄉渡假區, 好近咋!

先在主酒店登記及聽咗廿多分鐘講解, 因resort好大我們住villa, 所以接待員要好詳細講每個地方在那又要點又要點咁! 我們三時到, 聽埋briefing搞到只餘個多小時玩踩單車, 所以房都未去就先揀車.....(住宿plan包的)

家姐仔已經要踩大人車lu.....



而我們又有一部golf cart......

我們的532小別墅......



先有和室.....

又有洋室, 右手邊的床已經亂了.....



因為她們一見到就係咁飛埋去.....

有個小花園見到碼頭的, 可以訂船出海啊......

浴室完全沒有用過......
 

從大門望入去就係咁啦!

好好把握時間換褲去踩單車lu, 只可跟地上的藍線行.....

地方幾大但多斜路, 妹妹唔太放膽玩, 因她是炒車王小心為妙! 我和大少坐golf cart追女, 但好多時都追唔到.....



玩到夠鐘還車就返去小休, 從花園影返間屋有彩虹光呀.....



食晚餐去要另一酒店, 今次揸返自己架車去。 看見一家人的影子好得意立即影下.......

呢間酒店好似主要係團住的, 我見有台灣同香港團.....



在官網睇過d房都幾唔錯㗎!

這餐廳食物的選擇唔多而且賣相好一般, 本來有少少失望....

睇吓, 一眼望晒.....



不過味道都唔錯喎, 魚生算新鮮,......

餐廳入口......

食完先日落, 其實都7點幾lu.....

6-7月係紫陽花季節, 周圍都有.....

食完飯去散散步, 看看日落.....

路邊的鋼管琴又玩一餐.....



樹下的吊床又玩一餐.....




呢棵大樹好靚, 忍唔住影底咗.....

再去教堂那邊看看......

月亮出來了......

開開心心返回小屋.....

兩隻妹妹一見tatami就飛入去....

喂! 我未影呀!....OK, OK! 你睇我唔到影啦!



換好衫又出發去浸溫泉囉!

露天風呂有人影唔到.....

呢個按摩池好舒服㗎.....

可以在這飲吓野按摩吓.....



浸完溫泉成個人鬆晒, 好舒服啊!  溫泉舍外的紫陽花好大朵好靚, 忍唔住發吓花癲! 返到小屋睇吓電視, V V 嘩嘩好快樂的過了這一天!