2013一個人遊花園 ~ 第六天

5月5日 星期日 天晴

今早5時多便要起床準備出發去富士芝櫻祭。 6點幾懷住期待的心情離開酒店......

秋葉原 > 新宿 > 大月......再轉呢架cute cute 富士特急.......



全車自由席, 由於係黃金週加上星期日, 上車無幾耐已經滿座連企位都滿。 心情過份興奮, 竟然唔記得買早餐上車食! 好肚餓添!  當到達富士急站時, 大部份人都落車飛奔去遊樂場, 只剩下年紀稍長的人去河口湖。 在河口湖駅外的芝櫻祭巴士站已大排長龍, 於是企位都殺, 諗住好快到啦, 點知衰咗! 黃金週的威力真係唔好講笑, 我企咗接近2.5小時先到會場, 肚子餓到暈暈地! 由酒店出發到會場足足5小時, 真係香港飛北海道都到了!



落車先記下回程巴士時間........

一入會場已經嘩了一聲, 不過實在太肚餓, 先唔停下欣賞而直奔cafe.......

成11點幾先有得食早餐呀! 那份macaron好靚, 不過cake仲吸引.......

肚到暈, 唔好嘥時間打孖一齊上.......



一邊嘆早餐, 一邊看富士山+芝櫻, 不過今日好多雲, 未見富士露面.......

我坐的位置前就係小食帳蓬......

 

哪裡都人山人海啊!



一團團的雲等極都仲有.......

咁就再嚟杯凍咖啡先......

坐吓坐吓都成個鐘(企咗巴士好耐嘛, 之前對腳已經唔太掂).......

如果唔係多人感覺唔太好, 真係想浸浸腳舒緩下.......






展望台也擠滿了遊人......

一路行去排上展望台的隊尾......

不同深淺的粉紅芝櫻, 雖然有些仍未開花, 但美感不減啊!



一面排隊一面影......



唔同的角落各有美態.....



呢棵樹也是富士芝櫻會場postcard常見的......

 

拉個近鏡睇吓有幾靚, 噢! 你睇我唔到.....



仲有排慢慢向前行......



咁鏡頭又轉另一邊囉!



上到展望台啦! 獨行遊人如我, 大家都發揮互助精神幫助影相.....



在展望台上都留了一段時間, 狂影不少相片, 但仍然有不斷的大舊雲......

 

見到個湖, 一陣落去影官方照個景先!



唔好意思在台上太久, 落返地面了......

 

不斷咁影......
 

向湖的方向行去......

可看多少少山頂了, 不過後面的大舊雲叫我暫時唔好等住......

咁唯有影花花啦, 不過富士場無我最愛的紫色芝櫻(可能未開花啩, poster有喎)......



行去土產帳蓬掃手信先......

正值午膳時間, 有座位的帳蓬都滿座了......



行了一轉無位坐好多野都唔方便食, 如拉麵之類, 於是決定食呢個法式熱狗(佢係寫French Hot Dog㗎)......



原來係咁整的, 好多人幫襯, 都排了20分鐘先買到.....

就咁睇同一般熱狗分別不大......

無位坐, 於是行返去近湖那邊學其他蓆地而坐, 一邊等見富士山.....

食完無聊地用電話玩影全景......

咿! 差唔多見到啦!!!

 

不過又再被遮蔽了......

等極都唔散......

咩角度都差不多影過......



我咁大個人都未試過坐在太陽下等影某東西, 仲要幾個鐘, 真係晒到燶! 但我身邊的幾位老伯原來今早七時已在這個位了(偷聽到), 似乎佢唔影到全相唔心息喎!

這幾幅已是雲最少見到富士山最多的了, 後面又係大舊雲嚟梗, 都係時候回程了!

 

臨走時好唔捨得, 盡量留住每一刻......

沿途行返出會場.......

這邊相對少人.......

再見了!

又係長長的人龍.....

有好多旅遊巴團......

站長話大塞車有排都未有車到, 企位只有幾個, 諗了一秒已經係最後一個上車, 唉! 又要有排企lu......巴士行了一小時後, 我終於頂唔住同司機叔叔講我唔舒服有點暈, 請佢唔好介意我就咁坐在地上, 他非常唔好意思令我咁唔舒服喎! 仲開咪向大家講對唔住, 令大家辛苦! 其實又唔關佢事嘅, 係自己擇到好日嚟迫之麻!



4點45分終於返到河口湖(我3點上車的)......

芝櫻巴士快走啦, 暈都要快影咗先......

美麗的河口湖駅, 今次唔係路過啦 (以前同大少小姐們一齊嚟都係自駕無機會在這駅坐車).....



我的車票係同這位車站哥哥買的.......



好舊式的車票, 那位哥哥可以好準繩地在車站及價錢的小孔上打窿, 看見嗎? 我要付2390yen呀!

班車成5點半先開, 周圍影吓先, 這時已經無大舊雲了......

傻吓傻吓, 原來班車已經埋站等客lu......

真係要上車啦!

 

窗外有另外型號的富士列車........



離開了河口湖......

實在好唔捨得富士山喔!

富士急樂園停站上客......



下次唔知幾時再見呢?

原本計劃今天遊完芝櫻祭返新宿高島屋幫朋友買東西, 但返到新宿已8點後了(即係由3點上巴士到返到新宿又用了5小時!), 攰到無晒胃口, 是但食d食開又就在眼前的就算了......

 

例牌吖! 食完即閃......

成pat泥咁返到秋葉原......

咿! 好似未影酒店, 等電梯時影吓啦!

好似d公屋的天井......

各位早抖!