2010暑假北海道悠悠閒之旅 - 第十天 : Part 1 地獄谷 - 留壽都230

8月3日 (星期二) 天晴

今早又自己一個走去浸溫泉, 呢個浴場真係幾好, 每個泉都浸吓, 好快又差唔多成個鐘, 係時候返房叫醒團友。 途經酒店內園, 不過唔太特別。

食完早餐小姐們再玩多一陣太鼓便出溫泉街行吓, 不過無咩人, 店舖都係剛開門。

紀念品店都係賣差不多的貨品, 無收穫...呀, 唔係! 有收穫, 不過係在7仔買, 哈.... 行咗溫泉街一圈就去酒店後的地獄谷...

呢兩隻鬼都幾恐怖....

兩位小姐聽到去"地獄"呱呱叫唔肯行, 話好驚有怪獸又驚火山爆發喎....

大少就話行到有煙出的地方就到啦....小魔怪s: 吓! 咁遠!!!唔係掛?????

大少: 唔行就留低你哋喇   咁就乖乖的行完這條木橋....

呢個係咪叫"泉眼"之類的東西  好熱啊! 大少今堂教自然科, 要小姐認識大自然的奇妙....

家姐仔: 好囉, 可以走啦, 妹妹等我拖實你行, 唔係跌你落去就慘啦!

出返地獄谷入口附近, 睇吓紀念品, 家姐仔對呢個地理科模型又好有興趣, 睇咗好耐, 妹妹就坐埋一邊食雪糕, 妹妹有得食就等吓都無問題

呢個厠所好多人幫襯, 睇吓玻璃倒影, 個個遊客都係咁影包括我

路邊的繡球花好靚...

呢個火花會就唔o岩日子無睇到, 不過呢排天氣唔好, 好似話本來有的那晚都取消咗, 可惜! 唔知火花係咪鬼火咁靚呢

上返車又出發啦....

由登別去留壽都會經洞爺湖, 在有珠山休息站又食番串牛先....

休息站在山上, 可遠望噴火灣....

另一面就見到有珠火山, 中間啡紅色的就是了....

沿洞爺湖行便上到國道230, 在留壽都渡假村前先去這個休息站食午餐同玩吓先。 本來以為只有右手邊的小小遊樂場, 但我行入休息站內, 發現....不得了, 小姐們一定玩到唔想走, 原來後面別有天地....

嘩! 有個好大的遊樂場呀! 仲見到會入住的留壽都Tower....

大少帶佢哋過o黎, 果然不出所料, 兩位小團友即時大叫: 發達啦!))))))))

妹妹: 太空戰士, 一飛沖天! 我o黎啦, 家姐走開呀!)))))嘈到全世界望住佢哋

好玩到排完又排....

家姐仔: 妹妹, 好大塊滑梯呀!....就係咁sir到條legging穿咗....

兩個玩到癲晒, 無佢哋咁好氣, 周圍行吓先...有個不同國家花卉的小花園....

黃百合....

火百合, 蝴蝶正忙碌啊....

小小的向日葵花畑....

遊樂場旁邊開滿粉紅色的花花....

環境這麼優美, 可以在這裡野餐真幸福....如果香港有這樣大的地方俾小朋友玩, 多好啊!...

食完緊係繼續玩啦, 又要再三提醒去留壽都渡假村先係主打先肯走咋....bye bye, 我哋會再見o架!...

其實我都有D唔想走, 因另一面係好大片草地, 好想o係草地上午睡....北海道的人好幸福, 如果唔係要把握時間去Resort玩(因前年已經落大雨無玩過, 今次點都要玩番夠), 真係好想留耐一些....