8月2日 (星期一) 天晴
今日個節奏要快一些, 因為昨天取消咗戶外景點的關係, 所以會較趕。 食完早餐立即check out啦!
先去大丸買些便當野餐...
見到新鮮水果蛋糕, 梗係要買番幾件做甜品!
第一站係羊之丘展望台, 次次去札幌都想上來, 但總係太多地方要去無o黎, 今年已在行程表上寫明係必去景點, 唔知點解好想o黎睇吓仲一定要係夏天的! 到喇!
相信唔駛點講, 大家都知呢度有咩睇, 可能我就係睇得人家的相片多, 又覺得幾靚掛! 入咗去睇吓以前雪祭的資料做定功課...
其實是否到雪祭時, 那些大型冰雕好似都係差唔多咁, 可能係睇模型感受唔到, 不過好快我就可以親自體驗吓啦!
我第一次去浸足湯, 感覺好似大家三九唔識七: 喂! 埋o黎一齊洗腳啦喂! 怪怪的但又好搞笑
地標一...."Hokkaido Fans Be Ambitious" Eat more, play more and BUY more la!!!!
無羊羊嘅"羊之丘展望台"...
睇吓係咪真係睇晒札幌先....
妹妹: 家姐, 我幫你冚住耳仔吖, 好嘈o架! 家姐仔: 好呀! 一陣我幫番你啦!
教堂唔俾入去參觀, 好似有人行婚禮喎...唔理咁多, 影一張先
羊仔羊女好可愛呀! 咩...咩...
本來打算去苫小牧BBQ野餐的, 但睇完必去景點已經餓到"咕咕聲", 不如就o係度食, 仲有野餐feel添啦!
野餐後又再出發去苫小牧食北寄貝BBQ。 去到都過晒人哋食飯時間無咩人, 只有老闆娘在店內。 初時老闆娘話無得BBQ, 要預約的...但我明明知道係唔駛預約喎 
大少即刻入去揀...點知老闆娘話無得揀o架, 係指定兩隻北寄貝+4隻白貝...
呢邊的靚北寄貝係賣的, 我見有疑似街坊的男子來買了一大包...
套餐的北寄貝唔太大隻但都好鮮味, 兩set真係唔夠大少食, 但我又唔想為咗食北寄貝要再食多4隻白貝喎, 於是我只食咗少少, 其他大少搞掂....
"睇"和味無窮"明明係可以揀喎?" 呢個問題我在車上一路都諗, 會唔會係我哋太晏所以無晒可供BBQ的靚北寄貝呢? 如果有人話我知就好啦...
There were around 8 sheep when I was at 羊之丘展望台 last time and they have lamb bbq restaurant inside the souvenir centre .....not bad ga!
回覆刪除[版主回覆09/03/2010 22:18:00]I know they will let the sheep out twice a day but not so sure when?! You're so lucky to take nice pictures with the sheep around wor! Don't know there's lamb BBQ inside tim!
我上次冬天時落空寞同錯過, 依家只係睇你哋燒D北寄貝就已知道一定好味. 又係呢個老闆娘, 我上次已覺得佢好cool. 白貝D賣相麻麻, 點解唔只係order北寄貝? 我記得個海產櫃內有新鮮北寄貝放著及標上價錢賣喎(1200yen 4只)??
回覆刪除[版主回覆09/03/2010 22:23:00]其實老闆娘都好好人o架, 外表cool 啫, 起碼佢見我哋失望都叫番我們留底啦! 大少話白貝都唔差, 不過我哋山長水遠係食北寄貝囉! 有機會再去的話, 睇吓早些會唔會有得揀先, 不過唔知幾時
苫小牧依檔野我地都有去，又係睇和味無窮...去到都係話無BBQ，結果空肚而回。
回覆刪除[版主回覆09/05/2010 11:10:00]咁你幾點去到呢? 我仲以為我哋太晏所以無添! 咁後來有得食咪算好彩囉!
你好, 請問你這個苫小牧食北寄貝BBQ有沒有地址或MAPCODE/TEL? 我想去呀.... TKS!!!
回覆刪除[版主回覆11/10/2010 23:36:00]苫小牧北寄貝BBQ小店的電話, 我在Part 2最後有寫的。 不過再在這出多次俾你啦! 0144-67-0039