2010暑假北海道悠悠閒之旅 - 第九天 : Part 2 登別 第一滝本館

由苫小牧去登別都唔遠, 4點幾已到第一滝本館。 其實我本來想訂另一家溫泉旅館, 但只有第一滝本館有小朋友泳池玩, 而且他的評價都唔差, 所以就住呢間有好多團的酒店。 果然係登別龍頭酒店, 雖然有好多團同人, 但接待的服務十分好, 唔會有忙亂令旅客不安的感覺。

我選了西館和室, 因近泳池同大浴場...

好標準的日式房間, 妹妹一入去就圍住張枱跳舞...

快手換泳衣去玩啦!  呢個泳池算細...但好o岩兩位小姐玩...

呢條滑梯完全係兩位小姐嘅至愛, 玩到唔想走...

幼兒池都好多可愛設施, 睇吓好似在水晶球內啊!

我同大少輪住去大浴場歎, 真係好舒服! 大浴場真係夠大又多唔同溫泉選擇, 雖然多人但唔迫, 真係唔錯...在大浴場梳洗完先返房都好方便, 反正房間的浴室比較細。 大浴場提供好多款洗髮用品, 馬油系真係好潤同滑, 不過要5xxx幾yen一支就無買lu... 影唔到入面, 影個模型先...

男, 女湯的正門入口...

經過走廊就會到達西館, 好方便...

返房放好濕透的泳衣便去食晚餐。 連電梯門都好日本, 我哋做遊客就覺得好有特色, 唔知本地人會唔會覺得老土呢

每間房都已經安排好座位, 所以沒有等位情況, 反映出呢間酒店好細心, 人多都唔係問題, 食物方面都唔錯...

食完飯回房途中經過湯之街好熱鬧, 大家圍住欄杆睇呢條柱, 公仔隨着音樂一層層咁打開...

開晒就係咁樣....

之後在對面玩攤位遊戲...

家姐仔: 好玩呀, 有得玩真係射子彈o架, daddy...

妹妹: 我又要試...好o野,有禮物呀!

再落一層打機啦....

家姐: 媽咪, 我要學打籃球, 等我試吓先...妹妹: 我又o黎....

有個日本哥哥在旁打太鼓打得好勁, 小朋友睇咗好耐, 一輪到佢哋就好開心咁起勢打...

趁佢哋玩到忘晒形, 我就出溫泉街諗住行吓, 噢! 大部份店舖都關門lu...

原來晚上的正門都幾靚, 有小朋友在門外玩煙花...

再返遊戲室叫團友回房休息啦...途中有溫泉水飲, 正好啊, 好口渴...冷, 熱都有, 有少少礦物質的味道...

兩個小魔怪臨瞓都要玩餐飽  真係咁好精力???

今日行程實在太豐富, 我攰到好快暈咗咁....多充實的一天啊!

羊之丘展望台 Tel: 0118-51-3080

 Map Code: 9 287 535*54

苫小牧BBQ Tel: 0144-67-0039

第一滝本館 Tel: 0143-84-3322