準時食早餐, 份量同味道都唔錯。
那碟蜜柑果醬好新鮮又唔太甜, 就咁食都得! 包包當然係剛出爐的外脆內軟, 堂食食唔晒大少話要打包, 讓老爺可以在路上有"零食"唔會餓襯!
在天文Library, 有很多民宿主人收藏的天文年鑑, 小朋友的天文圖書, 相信如果家姐識睇, 佢會有興趣架!
面向大門的Reception Counter, 都有唔少關於天文的擺設。
同有"殘念"的Pension再見, 便開始這天的旅程。 原本安排去高千穗峽, 但落雨唔太適合老爺, 於是改行程。 在navi 睇路線, 從高千穗峽那邊去宮崎要5個多小時, 又多山路, 如中途停高千穗峽就問題唔太大, 但呢種天氣又無地方特別想去, 大少又想盡快到宮崎酒店, 於是行另一邊。 途經呢個えびのGreen Park, 便入去睇吓! (所謂經其實都要出IC俾錢走時又要上返IC又俾錢架, 唔好俾我誤導以為在路邊就咁駛入去呀!) 門口幾型呀!
既然一場o黎到在詢問處睇吓見學工場仲有無位可以參加, 有就有但要等個多小時後, 而且再要見學一小時, 團友即時"無駄"啦!
咁就買吓紀念品啦....
各款可口可樂杯杯, 妹妹想買隻細, 唔駛啦, 屋企有"麥當當"大杯咯!
妹妹: 咁我飲新鮮可樂得喇啩!
飲完可樂妹妹帶我哋時光倒流睇吓可口可樂的歷史.....
舊汽水機, 我後生未見過! 嘩....咔.....
懷舊火機, 連耳機都有....
聖誕系列.....
懷舊BAR, 要杯可樂加薑吖唔該!
坐係度歎吓先, 噢! 唔入得.....
咁就行時光隧道返去啦.....
搞搞吓又係午餐時間, 今次真係經過喇! 在霧島SA有老爺的主食 ~ 拉麵! 其實路上都有幾個PA/SA, 我們逐個入睇吓有咩o岩老爺食先決定架! 這天可算是PA/SA遊!
估唔到d拉麵同烏冬都幾好味喎! 好過一些所謂出名的拉麵店, 咖啡牛肉飯真係有一粒牛肉架, 好味! 後來妹妹要同我交換添....
經過好多長長的隧道, (真係好易眼瞓) 終於到宮崎的Phoenix Seagaia Resort ~ Sheraton Hotel。 男子組在另一房....
房間面向太平洋.....
房間面向太平洋.....
浴室都幾大, 方便玩完水一齊沖涼.....
但對個泳池就有些意外的小, 如果仲有天幕沙灘就好啦! 泳池旁係溫泉, 可惜無機會用! 嘥咗!
本來大家都換晒泳衣諗住一齊去玩水同浸溫泉, 點知老爺皮膚敏感(那時以為), 好嚴重吓, 起晒大水泡, 大少同老爺換咗泳衣先見到! 好驚訝咁走過o黎女子組房攞家姐的敏感藥膏, 一睇就知唔可以浸溫泉同游水喇! 大少要照顧老爺, 我就同兩位小姐去玩水, 落到泳池開始落大雨, 我又無帶遮又無晒沙灘椅可以放底她們的毛巾, 於是要攬住所有東西企係樹底避雨同睇女! 唉! 做咩咁黑架! 小姐就唔理咁多, 反正都係濕身喇, 玩啦.....
游完一輪水, 就飛奔去呢條巨大吹氣滑梯。 其實一入酒店就見到呢條滑梯, 她們已經呱呱叫! 不過落到泳池一o黎係飛咗落水暫時唔記得咗, 二o黎唔知點行出去, 不過後來在等她們游水時, 見有小朋友從另一邊帶住手帶行入泳池, 有手帶即係有野玩啦, 我就去睇吓係咩, 原來就係呢條梯, 於是快快報告, 即刻上水去玩啦! 真係玩到要幾high有幾high.....
來來回回n咁多次, 成個場得佢哋最投入去叫>>>即係嘈! 旁邊仲有小朋友區的彈彈床, 佢哋"係咁易"玩就算, 玩到又落大雨, 阿媽我頂唔住要走喇! 返上房大少仲好得戚咁話從窗口見到我哋, 好彩佢唔駛落去喎!!!
浴室夠大真係方便好多, 好快沖洗好便一齊去食晚餐lu! 要落返地下行去大滑梯那邊, 這條走廊沿牆壁掛咗由1976年起, Hello Kitty的貓樣....
原本被引座到效靜及入的座位, 但老人家行動不便要求安排坐近食物枱。 水準一般啦, 叫做大家都揾到o岩口味的食物....
有果醋飲, 要加水先飲得....
小朋友最開心就係有爆谷同自己動整手軟雪糕.....
妹妹最愛魷魚剌身, 一口一碟, 不過其實食得出係處理過, 扮函館feel 的剌身吧!
爺爺先上房休息, 我們女子組又去行吓先! 路過大堂聽到"My Heart Will Go On"的現場鋼琴及色士風演奏, 家姐被吸引要欣賞完先行.....
落BF遊戲區又玩吓先....
其實唔大, 無咩o岩玩, 咁揸返轉車先啦, 多數都係家姐勝! 其實可以呢個時候去浸吓溫泉, 不過呢兩日都浸咗好多次, 小姐無興趣我又攰到暈, 都係早d瞓好過!
P.S. 同場加插 Hello Kitty 進化史:
1974 - 1979
1980 - 1985
1986 - 1991
1992 -1997
1998 - 2001
2003 - 2006
2007 - 2011
回覆刪除[小肥回覆09/26/2012 11:33:24]貓 . . .貓 . . .貓 . . .貓 . . . . Thank you !!
[版主回覆09/26/2012 11:25:37]小肥: 有貓睇啦!
[小肥回覆09/24/2012 08:59:01] Thnaks!!
[版主回覆09/23/2012 00:03:16]小肥: 我部iphone同同pc又傾唔到計, 俾d時間我再搞
[版主回覆09/21/2012 20:30:54]小肥: 因為你, 等今晚夜d我搞搞影咗那些貓樣一次過俾你! 原來係由1974至真!
[小肥回覆09/21/2012 10:06:30]
[Niseko2000回覆09/21/2012 09:45:17]小肥, Hello Kitty的貓樣啱我多d喎,
[版主回覆09/20/2012 23:57:12]搞鬼嘢?!
呢個可口可樂展覽館唔錯喎 ! 舊汽水機好靚
回覆刪除[版主回覆09/20/2012 23:57:45]可樂迷真係會好興奮架!
呢間resort style 酒店幾正喎, 房間大好舒服, 爆谷同自己動整手軟雪糕好少見, 尤其係爆谷, 小朋友見到一定唔放過....
回覆刪除BTW, 九州多唔多塞車?
[版主回覆09/21/2012 20:08:41]同小朋友去宮崎我只會揀呢間, 多元化d。 今次好彩住呢間, 起碼老爺要休息, 小姐們都有得玩吓! 爆谷係自己"筆"啫, 整就唔會喇會炸爛手....哈....
我去兩次九州都只係塞福岡沿Marinoa City 至海之中道那條公路, 市區係正常多車, 郊外就好好行。
請問你們在Toyota取車時，她們有否給予你們 ETC咭 ?
回覆刪除[版主回覆09/26/2012 11:24:49]我沒有租ETC咭啊!
好鍾意間可樂館呀
回覆刪除[版主回覆10/12/2012 21:10:15]順路一遊都唔錯, 特別係可樂迷。