2010暑假北海道悠悠閒之旅 - 第六天 : Part 1 富良野 - 深山峠

7月30日 (星期五) 雨天 > 天晴

今早天氣好像會好轉, 我們在接待處見天氣的提示牌亦係 "Rainy > Cloudy", 真好啊! 因今日會係這旅程主要的賞花天。  熟口熟面的早餐  

前年我們是坐偏廳, 今次就在主廳, 周圍的旅客大部份都係香港人, 似乎大家都因為肚臍祭住o係度喎!

書架上 有些旅遊資料, 可以舒舒服服的坐o係度睇。

正門的電梯大堂, 有些精緻的紀念品售賣, 我都買咗兩支北海道大學出品的梅酒。

面對電梯的左手邊有販賣機, 洗衣房, 盡頭就係溫泉。 可惜未有時間到訪...

上房執行李走啦! 昨晚就係從浴室的窗看到煙花的啊!

房的大窗戶可看到富良野駅....

另一邊就係肚臍祭的會場....

喜歡這酒店的床, 可以兩個人一齊都唔迫, o岩晒我們一家...

離開酒店第一個順路的地方就係Bestom, 我哋慢慢行, 慢慢買, 用咗兩個幾鐘...

兩個鐘的收穫連自己都估唔到要3萬幾yen, 大少仲要揾個紙箱pack好買了的東西...

Shopping完就去下一站Popura Farm食蜜瓜+雪糕...

成箱成箱蜜瓜o係度等人食...

食蜜瓜時Popura Farm呢邊很熱, 太陽很猛, 但遠處有雨雲慢慢向我們的方向吹來...

歎完美味的雪糕, 便到深山峠開始賞花之旅....

上兩次北海道之行都有經深山峠, 第一次住o係Trick Art美術館後面, 但都沒有好好欣賞過呢個美景...已過薰衣草燦爛的花期, 早一星期應該可見一大片的紫地毯啊...

雖然少了薰衣草, 但翠綠, 起伏的山巒加上向日葵, 一樣賞心悅目...

Woody Life就座落o係呢個美景中, 如再夏遊北海道都會考慮住番晚...

但個摩天輪就有些格格不入了...啊! 不好了...又落大雨啦! 好狼狽咁走啦.....

走番去對面的物產店避吓先...

先去洗手間弄乾衣衫, 又睇吓精品...

外面很大雨啊! 於是便順勢o係度食個午餐...個三色丼係咪好似好正呢? 錯晒! 唔好食架, 唔新鮮, 海膽好似膠咁, 蟹肉同三文魚子好咸, 重好貴添唔抵食呀! 

一邊食, 一邊等停雨。 呀! 我哋睇咗幾間有白粟米賣的地方, 包括後來去的札幌場外市場, 呢度係最甜同最平, 大少本來都想買一箱返香港, 但重有成個星期驚唔放得耐無買到, 如果行程富良野同美瑛係尾站, 真係呢度買最好啊!