2010暑假北海道悠悠閒之旅 - 第五天: Part 1 金山湖 - 富良野

7月29日 (星期四) 雨天

半夜下了很大雨被吵醒...不要緊吧! 反正天氣不好也去不了那裡, 瞓晏d都無所謂 不過晏極都係我最早起床, 見雨勢不大, 出外散散步吧, 亦順便欣賞一下附近景色。

木屋好整齊的排在小山丘上, 周圍都很寧靜, 經過昨晚的大雨洗滌, 空氣清新得很, 想把"她"入罐, 將這睇唔到的北海道"特產"帶返香港 (超低能!!)

我們的208小屋, 在紗網的保護下, 開了大部份的窗戶, 不用冷氣都好舒服, 好耐無試過夏天唔開冷氣啦!

早餐又係好準時由專車送到, 有一鍋麵豉湯要自己煮番熱的。 係時候叫醒團友食早餐啦...無錯係日式, 小姐們又無咩o岩口味, 枱上的兩片包係早兩日食剩的, 如果唔係, 兩位又只食白飯...

這個早上真係好悠閒的, 大家都做回家中的事, 小朋友玩遊戲機同捉迷藏, 大少就整吓相機, 我就執吓屋, 洗吓碗咁(其實唔駛洗的, 但太無聊!)...咁hea係因為真係大雨到唔可以出去呀!  睇o黎今日都唔會好天, 等細雨便起程喇....

先到附近的金山湖薰衣草畑, 小朋友唔肯落車, 但一場o黎到又只係濛濛雨, 我就同大少點都行吓...可以隱約見到鏡頭有水點...

呢邊都幾靚, 有山, 有樹, 有湖, 有薰衣草, 如果天氣好真係可以影輯好靚的相啊!

這邊景觀就差少少....

煙雨淒迷的金山湖, 再見啦, 希望下次有機會再來探你時係好天啊!

由金山湖經麓鄉去ラベンダー園　ひつじの丘要個多小時。

去到真係有點失望, 無網上或單張的美麗, 可能花期已過, 同埋薰衣草畑只有這一小塊... 他們自己有camp site, 都有好幾個日本家庭在這塊花畑旁扎營o架! 昨晚咁大雨, 他們點算呢

無咩好玩又係餵羊咩咩囉! 100yen一包乾草...

原先計劃o係呢間食BBQ羊, 但一來昨晚已食, 二來環境不是太優美...

反而對出的景觀更令人開朗...趁無咩雨快閃去下一個目標...

就係富田Lavender East...噢! 應該係紫色的薰衣草已經變成灰色了...

近入口又有呢個水龍頭玩....

走上展望台可以更清楚看到花畑的環境, 如果7月中, 應該會好靚...

另一邊係入口的小店, 小姐們又買她們喜愛的沐浴珠...

這花畑遊覽車要俾錢的啊! 無咩花睇唔抵, 唯一好處係唔駛濕身...

正睇得好有興致時, 小雨點又o黎啦, 快d走番落去小食亭避吓先...

緊係食富田特產啦!  大少問如果香港賣薰衣草雪糕唔知多唔多人買? 我就話一定唔多, 因為其實呢隻味唔太好食, 只係o黎到富良野食雪糕嘅同時食埋旅遊嘅感覺吧!

近看好像已到老年的薰衣草....

離開Lavender East, 就去富田個正舖, 呢個路牌係富田附近的....

我哋去富田唔係睇薰衣草, 反正都應該唔靚  專登去係為咗食蜜瓜同粟米...

一片片的富良野蜜瓜等緊我哋啦...大少鍾意富良野的蜜瓜多過夕張添...

食完頭盤, 便出發去揾主菜啦.....