花畑牧場離中札內休暇村好近, 但因為快無油先要去餵飽架車先。 在大路路口就會見到呢個牌。
行幾分鐘就會見到呢個牧場車路入口。
直入就會見到我期待的花畑牧場啦!
呢間木屋係物產店。
見遊人已排排坐定定等睇表演又無咩位, 便去對面的小朋友遊樂園一邊看一邊玩鞦韆。
呢個鞦韆坐得好舒服, 搖吓搖吓好過坐對面呀!
除咗鞦韆, 仲有搖搖板...
幾個木火車頭, 小朋友玩捉迷藏的好地方, 旁邊有個小小的薰衣草田...
點知突然間落大雨, 表演暫停, 我哋就走去物產店行吓...本店限定牛奶糖, 不過我買咗士多啤梨味...
妹妹負責俾錢, 店員很細心的包好易變壞的牛奶糖...
雨停了, 又返去遊樂園看餘下的表演。 之後去咗Cafe食香滑雪糕...粉紅色的小店, 好靚呀!
門口的牛牛Menu, 好可愛啊!
家姐仔好認真咁估, 俾佢發現有佢至愛~芒果雪葩...
襯她們食雪糕時, 我就狂影呢間靚靚cafe, 好似札幌同東京店都係一樣的格局...
以車站為主題, 粉紅色的車頭...
花畑牧場至幸福駅站牌...
靚到暈的車廂....
好童話的車站....令一杯本來已經不平凡的雪糕, 更加無敵!
食完雪糕又去揾食...經過體驗工房, 可惜無開...
呢度食豬肉BBQ...但因今晚我們已訂酒店的燒烤餐, 所以唔食喇...
去咗旁邊的定食餐廳...
食堂內的座位不太多, 好彩早少少到, 不到5分鐘已滿座啦!
所有人都係食呢碗豬扒飯...好好味呀! 好香的燒烤味, 醬汁剛好唔太咸, 豬肉好軟...
花畑的紙杯都靚過人...妹妹話: 紙杯你都影? 好無聊呀!
食完飯, 大少帶兩位小姐睇真牛牛, 佢哋同D牛一齊moo...moo...叫, 好好笑!
行返轉頭攞車走喇...我哋好鍾意呢個靚靚牧場呀!
出發去幸福駅, 路經呢個道之駅, 有小型花祭...
我們被美麗的花花吸引, 停車行了一陣子...
旁邊的物產店外, 有買雞蛋機, 雞蛋原來係中札內特產?！
稍作參觀，便往幸福駅參加Happy Ceremony啦！
呢個場以粉紅色為主打，好襯你兩位公主呢~
回覆刪除[版主回覆08/16/2010 23:36:00]應該係襯晒所有小妹妹, 現場重有其他可愛日本娃娃, 同個景都好襯, 所有父母都係咁影呀!影呀!
今次去的天氣好似麻麻地，成日落雨喎，好掃興呀！(其實係比多個藉口你再去多次囉)
回覆刪除[版主回覆08/17/2010 22:02:00]因今次主要係想輕輕鬆鬆咁玩, 而且出發前都大概知天氣不好, 所以又唔係好掃興, 反而落雨都可以做到/ 去到晒想做的事就好感恩 去多次? 會呀! 出年雪祭囉
我地都是年初一去阿寒湖鶴雅，你可以在他們的網頁內用中文發問，他們也會用中文回答的，2大1小(吃自助餐)房間有露天風呂，價錢約50000日元，回email的人叫毛慧杰，他會很快回覆的。
回覆刪除[版主回覆08/18/2010 00:37:00]我還未定那天去阿寒湖鶴雅, 但一定不是年初一啊, 因要同老人家過咗年先可以出發。 很多謝你的資料呢!
我都係去看雪祭,好鐘意你、豆豆等等的blog,知你的行程和我的有些相似,所以叫我老公留言給你,emil問毛慧杰,我大部份酒店都訂好,差tomamu,我會02/02入住,然後去阿寒湖、網走、層雲峽,跟著回札幌去小樽及旭川。我們都好喜歡去日本,每年都會和女兒去,上年夏天去完北海道看花,好期待冬天的北海道。不過我們不會揸車,祇有細心研究JR的路線,豆豆的BLOG幫了很多忙。
回覆刪除[版主回覆08/18/2010 00:43:00]很多謝你有留意我的blog, 但我只是小女人學人寫, 資料不太多, 如真要參考就真係要睇電占豆豆那個, 專業過旅遊書啊! 你就好啦, 可以新年前已經出發, 唔駛俾高昂的附加費
嘩嘩 ~ 幸福駅參加Happy Ceremony , 好期待 ~ 好難得呀....
回覆刪除花畑牧場好大呀 , 我見相都好多遊客 , 係唔係多數日本人呀 ?
[版主回覆08/18/2010 00:35:00]Happy Ceremony影咗好多相, 但因為唔方便公開, 所以只有很少可以分享, 我怕你期望太大會失望啊! 所以俾定心理準備你! 花畑牧場真係好靚, 去開中札內/ 帶廣必遊 遊客真係全是日本人, 只有我們一家外族。
多謝你分享, 都有追住睇呀, 雞蛋販賣機都真係未見過呀.
回覆刪除[版主回覆08/19/2010 17:53:00]多謝你到訪呀! 我會有時間就寫架啦 部賣蛋機好有趣, 真係有人會賣, 可能人哋好普通, 但我呢D"港燦"就覺得好新奇, 咁都得!
Ｈｉ,你好。有睇開電占豆豆ＢＬＯＧ,所以走咗入嚟你呢度！追番晒你過去啲ＰＯＳＴ,睇嚟你特別愛北海道喎… 今年夏休,我都嚟咗個北海道初体験,的確,係一個好好好舒服嘅地方,啱晒愛田舎嘅我哋…不過呢,唔順路去花畑牧場呀,裏面咁多粉紅色,引Ｃ我喇…
回覆刪除[版主回覆08/20/2010 23:21:00]歡迎到訪啊! 係呀! 我們一家特別喜歡北海道, 渡暑假的好地方, 不過o黎緊會第一次冬遊, 好期待呢 北海道咁多好玩嘅地方, 呢次唔順路, 咪下次囉! 總有原因會一去再去!
我哋 Easter 喺台場嘅麵祭，有幸食到花畑牧場嘅雪糕，唔敢話係北海道嘅 No. 1，但就足已令到我咃，臨走之前都要去 Encore 先去機場 !!
回覆刪除[版主回覆08/22/2010 13:09:00]真係名不虛傳, 好香滑, 我食綠茶雪糕, 覺得茶味再重些仲好, 但大少話人哋sell牛奶喎, 緊係奶味重啦, 已經好香綠茶喇! 下次去札幌去大通公園店Cafe再嘆過
花畑牧場好靚呀!!!!!!!!!!!!!!!!!!!!!!!下次要去..Yeah!
回覆刪除[版主回覆09/08/2010 23:01:00]咁快d入第四次北海道行程內啦!