7月27日 (星期二) 陰天 > 大雨
晨早醒來, 趁各人還在熟瞓, 自己獨自一人歎溫泉, 望住面前青綠的園景, 靜聽流水聲, 風聲, 小鳥的歌聲, 真係最高享受
雖然還很早, 但溫泉旅館的早餐都比較早食, 稍為整理好自己便要叫醒兩位小姐啦! 早餐食事處在大堂的另一邊, 由妹妹帶領下, 先經呢條走廊...
轉彎入另一雅致走廊...
再轉入第三間房便是我們享用早餐的個室。
安頓好後, 嬸嬸便端上豐富的日式早點...
小姐們正看看有什麼合口味...
相信這裡是沒有風呂房間的食事處, 都好舒適啊!
食飽飽周圍散散步, 大堂魚池養了很肥的錦鯉...
酒店玄關的高樓底, 令人很舒泰...櫃台旁便是通往食事處的通道...
櫃台另一邊就係小店, 雖然貨品不多, 但我都買咗自家的"宏樂園之泡"做紀念。
我們的房間。 我們把握時間一家人一齊浸多次溫泉, 便要離開啦...
酒店對開的小亭園, 合照的好地方...
酒店外貌
我們再三回望這大門, 很依依不捨的再上路...大少都話呢次旅程最喜歡宏樂園, 有機會我哋會返你揾"妳"o架...
由朝里去帶廣都好遠吓, 我們打算在中途的道之駅休息及午餐。去到札幌的IC有告示話追分至夕張一段有交通意外, 全面封閉!!! 唔係掛, 我們會經喎, 但無計唯有見步行步啦! 去到追分IC口, 果然已有交通警指示所有車輛行另一條的國道, GPS顯示只行多約45分鐘, 無所謂吧! 當郊遊
我哋買咗個細的, 老闆揾咗個靚的給我們, 又寫埋日期幾時食最好, 仲知道我們從香港來平咗少少添呀!
上番車無耐就落滂沱大雨, 近似香港的黃雨, 行山路有點危險, 要慢駛啊! 
原來呢間就係出名食"炭"Puff的店子。 行行吓, 外面又落大雨, 於是索性食個午餐吧!
專係食"炭"嘅食堂, 人人都食炭...
我嘅野菜咖哩湯飯, 好好味呀!
大少的石炭拉麵, 其實無咩特別, 食唔出炭味..
小姐們的蕎麥冷麵好普通, 今餐主角反而係甜品: 有夕張蜜瓜, 蜜瓜/ 雲呢拿puff, 石炭蜜瓜puff, 蜜瓜布丁, 正常那兩個puff好好味, 石炭那個乾身咗少少, 布丁好滑不過偏甜
有少少同家姐仔的對話想記底, 食緊午餐時, 佢突然問我同大少: 你哋撐唔撐我呀? 我同大少當堂打咗個突, 不過都唔理點解咁問即刻一齊話: 撐! 梗撐! 咩事都撐! 放心! 家姐仔: 咁就好啦!...好滿意咁微笑一吓...事後問家姐仔有咩事, 佢話突然好想知我同大少撐唔撐佢咋喎!
食食吓有TVBS o黎採訪。 大雨好似唔想停咁, 妹妹再o係門口再食多個蜜瓜軟雪糕都未停, 等落去都唔係辦法, 大少唯有犧牲自己出去攞車接我哋, 多謝大少
下站係帶廣的紫竹花園。 我們經過十勝川時, 家姐仔大叫: 好靚呀, 好似幅畫咁靚呀!" 可惜不能停車欣賞。大雨未停過, 正諗緊去唔去花園, 入到帶廣時, 雨勢明顯細咗, 於是便照原來行程。 就到啦!
紫竹花園門口。 收錢的大叔見天氣唔好, 唔收小朋友的入場費啊!
好英式的花園, 不過可能早一, 兩個星期會靚D。
兩姐妹話要揾紫竹婆婆同佢傾計, 可惜婆婆不在啊!
紫竹婆婆打理下的花園..
正欣賞花花之際, 又落起雨o黎, 我哋就跑到精品店避雨同買些紀念品。 可是大雨似乎無咁快停, 唔知點算嘅時候, 大叔好好人, 借了幾把遮給我們, 仲送我們去取車, 目送我們離開啊! 到帶廣的朋友, 呢個花園值得一遊, 同富良野, 美瑛的感覺不同的。
由於今晚預咗玩煮飯仔(如果早知工人姐姐要返鄉下, 就唔會玩, 已經玩夠!
到達休暇村要先到大白屋付款及取所需物資。 屋內沒有梳洗用品, 要在接待處按需要取包裝洗頭水....毛巾呀咁, 老實講幾唔方便。 接待姐姐講解時, 休暇村老闆在旁的, 但佢好cool啊!
我哋住C13的小屋, 一入玄關就係通上二樓的樓梯。
地下大廳, 沒有網頁咁靚咁。
上二樓睇房, 兩位小姐的房間。
我和大少的房。 問題o黎啦! 無冷氣, 無風扇呀! 算, 可能係晚上會好涼, 唔駛呢D野, 咁開窗囉。 嘩! 唔係呀, 無紗窗嘅? 好多蚊同虫虫喎! 咁咪好焗囉?!
有補充: 大少提我, 床單要自己舖同走時要收起o架!
唯一的紗窗在洗手間, 大少於是開行廚房同洗手間的抽氣扇等間屋有對流風。
廚房算大, 但清潔度一般。
從另一角度看整個客, 飯廳。
呢條樓梯又直又高, 有幼兒的家庭似乎不太合適。
我們本來想食shabushabu, 但無爐, 咁唯有煮完先上枱啦!
是晚飯後果/ 甜品 (蜜瓜只係用黎影相, 未食得住)
食完飯我哋兩老又要洗晒D碗呀, 碟呀, 廚房呀先有得休息! 唉! o個晚大家都唔瞓得唔好, 好焗, 張床又硬...大少話呢度真係似學生時去宿營咁! 亦係全旅程最不喜歡的住宿
紫竹花園 Tel: 0155-60-2377
中札內農村休暇村 Tel: 0155-68-3301
嘩, 冇冷氣? Web-site 冇講? 咁訓唔訓到呀? 夏天我最怕冇冷氣, 北海道的Pension 有冇冷氣架?
回覆刪除[版主回覆08/11/2010 18:50:00]相信呢度係sell大自然所以唔會專登去講明無冷氣, 而且中札內都偏涼嘅。 但你預人開窗有自然風就應該整紗窗, 咁多蚊虫(可能因為落雨), 真係無可能開窗瞓 唔冚被都好焗瞓我唔好啊! 我以前住的民宿都有冷氣的。 不過, 幾日後的Spoon Valley都無冷氣, 但就整晒紗窗, 晚上開晒窗瞓都好涼快。
宏樂園好懷念呢! 上次我哋住過一晚, 我老公十分鍾意, 佢都依家都成日介紹比身邊朋友到小樽必住的。
回覆刪除[版主回覆08/13/2010 14:01:00]有時真係覺得我們的大少都好似, 是嗎? 宏樂園真係值的, 可以一去再去, 不過冬天就無得在自己房沖涼要到大浴場就唔太方便。
同意. 我跟你的家庭組合相近. 所以睇你個blog好似親切.
回覆刪除[版主回覆08/14/2010 15:43:00]大家咁話
咁搞法剩係小樽現在己經有四間住宿想去
回覆刪除當然宏樂園是FIRST CHOICE , 不過希望秋天去.....
你未講住宏樂園邊間房 ?你地成日玩煑飯仔 , 我地都想試下 ~
[版主回覆08/14/2010 15:48:00]好啊, 秋天紅葉有另一番味道! 我咪住Sumere囉, 影咗門口燈箱架 至於煮飯仔呢家o野, 真係玩一, 兩次好啦, 呢次就唔好玩嘅...
北海道物產中心夕張店，我哋上次都有去 !!
回覆刪除妳係唔係睇咗 北海道季節，先去打算去探 紫竹婆婆 ??
[版主回覆08/22/2010 13:06:00]咁你有無食炭呀 我哋好少睇電視, 因個電視長期o係Disney Channel, 北海道季節可唔可以網上睇番呢? 揾紫竹婆婆係看過旅遊書有介紹, 小朋友知道她會講英文唔駛"雞同鴨講咪好開心諗住去傾計囉! 點知"唔係度喎!"
我 28 号去 , 落大雨落到 30 号上晏 , 好彩去睇花出太陽 ja
回覆刪除[版主回覆08/24/2010 14:07:00]今年去北海道真係天氣唔太好, 我的朋友6月尾已經成日落雨...所以天色稍為好點就要把握時間睇花花啦! 你都影唔少靚相喎!
嘩 ~ 好多夕張蜜瓜呀 ! 你地買呢個貴唔貴呢 ? 「北海道物產中心夕張店」有得影又有得食，好似好吸引喎
回覆刪除[版主回覆10/07/2010 20:44:00]店主特價賣俾我, 好似3000yen 如果順路一到食個午餐都唔錯架!