嘆完溫泉剛剛好, 5點半準時到達食事處"春秋" 。 我們被引領到最入的個室, 很大很闊, 坐在對面都好似好遠咁 
大嬸先安排餐飲, 小姐們飲葡萄汁, 紅、白各一, 由於係用酒杯, 她們覺得自己好似大人喎! "三余庵" 呢三個字, 真係好似有魔法咁....
呢個就係我們要求的兒童餐啦! 
大人份啦, 先附係豆腐，好香豆味....
前菜有6款, 其中鴨肉一般我係唔會食, 但今次因為三余庵, 我食....成碟掃晒!
呢兩件壽司，蟹肉那件被小姐們打劫咗....
呢個湯味道剛好, 唔太咸好鮮, 飲咗一半又被妹妹劫埋...
唔駛多講, 新鮮, 美味, 不過又係難逃一劫...
出主菜啦, 我揀牛, 大少要kinki.....大嬸好強調個醬汁係板長精心調配的, 真係好好味, 但我個人覺得灑少少海鹽已經可以帶出牛的原味 。我係KO唔到碟牛, 要大少幫手, 自己就搞掂晒d配菜....
睇吓, 我都話坐對面都好似好遠咁啦 
檸檬雪葩正好清清口腔的味蕾和油份....
這時已經想瞓低, 但跟住要挑戰煱物, 好彩雞肉小姐都o岩, 好少要佢哋幫手架。 個醬又係板長自製的(大嬸話), 有得賣的, 有點像我們的XO醬....
好彩呢個得一隻蜆, KO無難度....
仲有飯呀!!!有筍又有蝦, 好入味, 我已盡咗最大努力, 都食剩少少...
大人同小人的甜品都係一樣, 我好喜歡那個蕪花果, 好清甜! 小姐唔食我食咗3個...呵....都話一食甜品, 女人個胃會大咗或者多咗一個出黎啦....
最後還有宵夜帶返房....
當我們被帶入這房時真係"嘩"咗一聲, 好大啊! 食物就係直接從吧枱後的廚房出。 在這裡太忙了, 無時間影張餐前相添....
咁早食飯係要去附近的彩凜華。 大嬸知道我們出去想幫小姐攞宵夜上房, 但我們要攞戰衣, 她便在地下電梯口等我們, 為的是準備了資料同地圖, 見我們駕車又叮囑要小心同穿夠衣服，又幫我們揀好各人喜歡的枕頭準備在房內....真係好似媽媽咁! 佢仲行出去送我哋上車, 唔駛啦, 好怕佢冷親呀! 佢就話日日都係咁凍""大丈夫"喎 
好快就到會場...
通過呢個燈燈隧道, 原來係有野食賣的....
不過仲食? 而且好多人好迫, 睇吓就走lu....
出去玩冰梯, 無人理嘅? 唯有D阿爸阿媽企係度接返住D細路, 條冰梯又唔平滑比較危險, 妹妹就睇定d先玩....
爛玩精家姐仔已經不顧一切sir咗落黎lu....
大少唔俾再玩, 佢哋就去吹泡泡, 又話唔爆嘅? 同一般的無分別喎! 小朋友好失望無實驗做....
正當她們不斷嘗試時, 我上展望台諗住影張standard相啦, 等好耐都未着晒燈嘅? 又凍又多人, 都係落返去啦....
落返黎又着晒喎, 激死!
團友又玩另一樣玩意，自製雪燈。 先剷雪填滿個桶....
倒轉在地上, 再放燈芯點火....
得咗, 搞掂
實在太凍啦, 在門口享受一吓個手湯就返酒店啦! 返到去已經黑麻麻, 但又有另一番美感喎 
上到房各有各忙, 大少就去浸溫泉, 家姐仔就KO好好味的腐皮卷, 妹妹就玩執床...
我就去飲杯茶....
聽吓音樂, 放鬆吓先再去浸溫泉....
小朋友好快就瞓着晒, 我凝視兩個小臉, 看見她們帶住微笑瞓得好甜, 此刻有說不出的感動, 好幸福的感動! 那個空間, 那刻的觸動, 深深的印在腦海, 而我亦懷住感恩的心, 在悠和的音樂下睡了!
不錯! 希望你以後發掘多 D 比三余庵 更好住宿
回覆刪除[版主回覆02/19/2011 18:15:00]我覺得間旅館好唔好真係唔在於佢的硬件, 三余庵令我感動的係佢哋真心的對待, 唔係禮貌式咁簡單, 臨走時我好唔捨得招待我們的大嬸, 好想攬吓佢, 但又驚嚇親人, 而我個人又比較含蓄(可能有人會忍唔住笑), 好後悔無同佢影返張相呀! 希望有機會再去揾佢啦!
D燈係有時間先著, 配合埋樂曲&旁白, 好似個故事咁, 當然我聽唔明講咩! 吹泡泡我地都睇唔到效果, D雪硬到冰咁摌唔起, 做唔到雪燈. 可能我果日比較熱, 帶廣路邊完全無雪.
回覆刪除[版主回覆02/19/2011 18:20:00]我就係企在展望台上一邊睇一邊等, 等佢轉齊咁多色都未開晒, 太凍又多人先走咋! 可能有耐性多一分鐘就影到, 不過算啦! 係呀d雪好硬, 要好努力先完成到一桶
你講我信 , 你係唯一一個我睇完人寫三余庵會感動的人 only only one 其他人着眼點只會放在食物點甚麼精緻(但說實話相信要好味過佢旅館實在比比皆是 , 食材也不是最吸引地方) 真的要從精緻度出發去欣賞 , 這類旅館唔多了就昰吸引人之處... 或房那麼大 , 若只是這些 , 我便住過比更欣賞更值得去旅館(我都係注重風呂多些) 温泉區祭典也不是最吸引 , 亦要接冬天冇咩玩帶廣 , 實在接近差不多純為住宿而去.....
回覆刪除[版主回覆02/19/2011 20:02:00]多謝你! 呢d感覺我當晚好深刻, 我同自己講一定要記住記錄下來, 好想那刻停下來唔想那晚咁快過!
三余庵令我感動的係佢哋真心的對待 , 我便希望都會有機會去 , 因這陣子聽過多讚美的說話 , 己令人有生厭的地步, 我可能看嘢習慣了好宏觀....
回覆刪除[版主回覆02/19/2011 20:07:00]其實可能那位嬸嬸做的在很多人心中都係必然的, 我俾錢你serve我, 但 當你見到她用盡佢的方法去使你住得舒適時, 又當你見到佢穿單薄的製服仍堅持晚上都送你上車, 又當看見她忙得一頭大汗時, 你會明白呢間外表唔太起眼的酒店會咁受人愛戴
你講出 佢哋真心的對待 , 這點好重要 , 不能太 hardsell 因為會有人睇 , 北海道好多人去 , 會每類估唔到嘅人都有出現 , 而又會去 尤其日元高企 , 更要小心 ,未必每人會欣賞 精緻度 , 若與心中不同便會失望 ! 而事實上亦講味蕾的人不是太多.....
回覆刪除[版主回覆02/19/2011 20:15:00]坦白講, 如果我再去三余庵我好大程度係想去揾返嬸嬸, 我可以問她的名字, 同她合照, 因為我真係好掛住佢
Zason+2T : 去旅行能夠有D咁深刻既感受 , 呢間酒店真係唔簡單 .
回覆刪除不過我住 "十勝第一" , 都覺得好正 .
Bye Bye !
[版主回覆02/19/2011 23:09:00]我相信係三余庵好重視人與人之間的接觸, 你所感受到的係人性的交流, 而唔係千篇一律的機械式服務 十勝第一同一集團, 水準應該也很正啊! 所以我真係希望有機會再去十勝時會三余庵同第一都住...
你啱啱探完我，宜家我又過嚟探你。
回覆刪除我非常認同你嘅感受，因為我都住過，我係2009年5月時入住，當時網上都未係好紅。我都覺得三余庵不單只是食物好食，佢嘅服務真係幾窩心，我記得當晚餐食到一半時，料理長會過嚟同我哋傾吓計，問我哋對食物有咩意見，食完後又有宵夜帶上房，到第二日離開酒店時還親自送我們離開。我去過咁多次日本，亦住過不少溫泉酒店，三余庵係第一間俾到我依種感覺嘅酒店，有機會我都想住多一次。
[版主回覆02/20/2011 00:31:00]我哋食主菜時我知大嬸有留意我們的反應, 佢見我食唔晒d牛俾大少仲笑咗一下。 死啦, 唔知料理長有無以為我唔鍾意呢? 我真係太飽咋! 我終於明白jokelib點解會因為去三余庵而去三余庵啦! 我都會, 不過唔知幾時啫
咪就係會為咗嗰種感覺, 不知不覺去完又去o羅.......
回覆刪除好 hard ssell ,bye bye
回覆刪除嘩, 你地講到咁好, 真係第日有機會要試吓。其實第一次接觸佢個名係舊年年頭睇一位台灣旅遊作家的書, 之後上網check 就揾到Jokelib 的blog, 當時都唔係咁hit, 但見只得11間房, 所以1月已經book 咗12月尾的房間, 老公其實唔係咁喜歡, 佢話房入面個風呂唔吸引 (咁的價錢有更多選擇), 當初三余庵仲accept 我地book twin room, 不過之後話2大+2小唔可以住Twin room, 要和室, 可惜最後轉咗去福井個边, 所以冇機會試.......
回覆刪除[版主回覆02/21/2011 14:57:00]我相信我係遇上一位好好的大嬸, 而這位女士令這酒店在我心目中的分數增加, 所以"人"的因素好重要! 其實大少唔覺得間酒店有咩咁特別的, 他的意見同你老公一樣, 這個價要好過他有好多, 但正如日本人所講的"一期一會", 有緣遇上又幸運地有好的體驗, 已經好難得。 希望他日你都會同樣有難忘的"一期一會"!
Zason+2T , 你講位 嬸嬸係咪英文好叻架? 可能我知佢個名
回覆刪除[版主回覆02/24/2011 00:24:00]可以溝通到咁啦! 佢扎起一條短短的馬尾架, 你會唔會同佢影過相呢?
您好
回覆刪除看到您三余庵的遊記,我有幾個疑惑不知道可以請您幫忙回答一下嗎? 我想請問您的小孩是幾歲?上面照片的小孩餐食是小學生的還是幼兒的?因為我女兒剛好6歲多不知道要幫他訂哪一種的...謝謝
[版主回覆01/01/2012 14:20:18]我兩位小姐當時係7和9歲, 小學生價。 晚餐係我要求的內容, 不是standard的, 因我家小姐唔太喜歡傳統日式餐, 你的女兒如剛6歲, 都可以係幼稚園生, 幼兒價吧! 你訂房後可電郵三余庵小朋友的食物喜好, 不過他們也會主動聯絡你的, 放心! 農曆年去嗎? 十勝真係比較凍, 準備好小朋友的預寒衣啊!