2011雪祭王國~北海道限定行 : 第三日 (下集) 阿寒湖 - 鶴雅

黃昏便到達阿寒湖遊久之里 - 鶴雅, 又係另一家好受歡迎的住宿。 不過睇多了近年的評價, 所以唔敢抱太高期望。  接待我們的係一位中國的實習生, 這也有心理準備, 基本上問題不大, 可是該女生告訴我們希望用餐的時間已滿, 只可以選在7時用膳時, 這樣的話去冬華美的計劃就太趕了!  那女生建議我們先去冬華美一會, 再回來晚餐, 會在餐廳安排看到煙火的位給我們, 那好吧而且想去冬華美也沒有其他辦法了。

她負責引房而另一位日本女子就推行李, 由於電梯不能容納, 她便先帶我們上房。 可能她是新來的, 上到4樓走遍全層也找不到房間, 我們便一同站在電梯口等日本的行李生, 數分鐘過去當然係等唔到, 於是她去找而我們繼續等, 再過幾分鐘她氣沖沖說去錯了樓層.... 終於到了 580號房....

先有美點三輝同好香的綠茶....個蟹包幾好味正合我們有點餓又有點冷.....

大家都知她們會好盡責地要介紹所有房內, 外設施先可以離開, 就係咁時間唔覺唔覺咁過咗, 就算去到冬華美無耐就要返轉頭, 而且大家都有點疲累, 不如在房浸吓溫泉輕鬆的去吃晚餐吧! 既然係咁又參觀吓房先....

吚! 唔係我多數見到的那間房, 唔知係咪有小朋友所以安排長方形的房給我們呢? 不過好奇怪地浴室在近門口, 咁浸溫泉前咪要從房的一端沖洗再去另一端囉浸囉?.... 

茶水間、書枱 、簡單的洗面盆都同在一桌上....

這部屋食事處幾靚, 可惜無機會用, 因我哋想試呢度的自助餐....

從另一角度睇, 我好喜歡這小椅...

有些舊但算企理....

我們先淋浴再去享受溫泉, 黑麻麻無影個風呂....

之後好悠閒咁周圍行吓, 有薯仔食, 試吓先, 幾好味啊....

又係大型的紀念品店...

木製飾物都幾靚, 不過好貴當然睇吓就算啦....

去我們的房要經這花見小路去到豐雅殿對面的電梯.....

妹妹好想買呢隻限定版雪花Kitty, 當然俾我X咗佢啦, 嗱!買晒喇....

無機會坐船去看這些阿寒湖"原居民", 好彩呢度都睇到....

坐呢部好民族風的電梯落"天河"....,

見到呢個遊戲室, 緊係玩返轉先啦.....

準時入座, 被安排了對湖的卡座...

可能早一批的客已去了冬華美lu, 眼見多數係上了年紀的人....

以大型溫泉旅館來講, 食物的種類正常, 無多野食到唔知食咩先的感覺, 我就比較喜歡魚生飯....

選自己想食的唔浪費, 賣相可以吧!

當快要放煙花時, 整個餐廳的燈光會暗下來, 我哋就可以欣賞到而又唔駛捱凍, 咁當然不及現場有氣氛吧!  食完又去大堂行吓。 有無高人可以話我知, 鶴雅的代表或吉祥物除咗鶴係咪貓頭鷹呢? 就連之後水之謌都係呢隻鷹, 唔通因為有保證?...

好喜歡這類傳統日式擺設 。 後來去了在一樓花見小路盡頭的花ふる里找到電腦上網, 可惜去到香港的網站字都全出符號，部機係MAC黎唔知有無關係  所以老友們, 我係記得揾你哋架.....

我們房外的走廊....

返去休息lu.....

宵夜已送上, 不過唔好食呢....

其實我黎阿寒湖係因為想去冬華美, 願望落空整晚都有點悶悶不樂, 但又明白如果我堅持去實際上係會令團友好攰, 唯有安慰自己呢d"殘念"係下一次黎最好的藉口啊!  於是好安樂咁浸個熱騰騰的溫泉早點揾周公子吧!