2月10日(星期四) ~ 年初八 天晴/ 強雪
Richmond的枕頭又係好硬唔好瞓, 而且濕度好低好乾, 我哋已經自己有帶放濕機, 但都係唔舒服成晚都醒, 呢個係我今日心火燥的"遠因" 
今早目標就係大通雪祭會場, 呢個小雪人立體佈景板好得意, 可以企入去影成為其中一份子....
地上的雪影出o黎睇唔到其實係好核突, 好似泥路咁架, 行上去感覺唔係幾好 
兩姊妹今早又一人一支朱古力香蕉, 妹妹仲睇中咗Kitty膠水樽自己買....
釧路代表海藻球產品....
我比較喜歡卡通的雪雕, 睇咗會好開心....
呢個卡通女孩好出名架? 有自家的小檔賣紀念品同食品喎.....
細路o黎雪祭最開心就係玩雪梯, 先玩有大水泡的.....
有新野玩, 先將雪填滿個有唔同花紋的模.....
在工作人員的幫助下整番舊雪出黎, 就有一個屬於自己的花花雪磚....
好多雪人仔呀, 唔知係咪有得自己整, 因為工作人員正在將小雪人砌成一行行, 我在附近又唔見有得自己整.....
又一大型雪像叫 "北京廣場 - 新年殿"....
有得玩"無阻隔直接sir"冰梯, 阿爸同阿媽又有排等lu.....
呢兩隻公仔d日本小朋友指住猛話"kawaii",....
Lion King舞台有野搞, 小朋友好似有表演, 不過唔睇lu, 我哋無去到最後個d丁目睇埋其他大雪像, 因為人開始多又係行年宵咁, 而且要11點前回酒店取車, 因11:00am至2:00pm要出車喎, 唔係就另計錢, 走啦.....
取車後先到幾次o黎北海道都無去的"紅磚屋"到此一遊, 反正路過啫.....
然後直去白之戀人公園....
咪去過囉又去? 有mission呀! 我要整冬日版餅罐同飲品罐, 餅罐就影全家福 x 3, 飲品罐就兩姊妹一人一個....
需等1小時45分鐘, 咁小姐們就去玩吓先, 所有屋仔都要玩齊呀....
睇吓, 當時仲係幾好天架....
但中, 港, 台團甚多, 所以相片只可以向上發展....
等咗好耐先無人, 按下快門唔知位小朋友係邊樹彈出o黎, 算!, 我投降喇....
成個多鐘好想去飲杯咖啡, 但小姐們要玩, 大少就睇女我去high tea 
先在門口寫下名字, 人數再等位, 本來寫1位....
大部份人都要求窗口位, 所以要等耐一點, 這時個腦突然"叮"一聲, 反正都要等一段時間, 小姐們都可能會肚餓囉喎, 於是人數就改為4, 慢慢等! 好彩改咗咋, 突然外面風雲變色, 風雪縱橫交錯, 又差唔多有位我立即叫團友上o黎避一避....
呢張相同之前一張, 天色係咪差好遠呢, d 雪係咁飛埋個窗度, ....
唔好理, 食野先, 只係部份蛋糕.....
風雪下玩都應該幾high.....
係咪好無聊呢, 但個馬桶真係好花, 令你辦公都辦得"心花怒放"....
停咗雪先去提取有靚靚相片的罐罐, 小姐們再最後一擊就要出發去小樽啦.....
冬日小樽, 我哋o黎啦......
HI, 你好呀~~
回覆刪除你講嗰堆雪人, 係可以俾小朋友自己整架, 我個姨甥女都有整, 應該係响呢排雪人後面, 有個婆婆會教你整, 其實佢係有兩片雪人模, 塞哂D雪入去, 然後將兩片模合埋, 再整走多餘既雪, 迫實D, 個雪人就會形成, 然後, 佢會教小朋友將D眼口鼻放上去, 就完成喇, 完成之後小朋友可以親自將個雪人放去嗰幾排雪人度合照, 都OK好玩架(雖然無乜難度)
[版主回覆02/27/2011 23:49:00]你好！我當時都估係有得玩, 不過佢剛開檔咁, 我行咗一周都唔見似有得玩, 咪以為係工作人員做緊裝飾咋! 不過算啦，在Tomamu都有呢個人模賣, 我話買俾佢哋玩整雪人佢哋又無興趣, 佢哋話自己砌都得喎! 有興趣係我咋
小朋友ear puff好靚呀 白之戀人...兩日嚮附近都無去
回覆刪除[版主回覆02/28/2011 20:21:00]兩對都係上次去倫敦時買的, 好睇唔好用成日甩, 都係帶有護耳的帽方便些! 去白之戀人係因為想整罐, 估唔到要留咁耐
Zason+2T : 果個 "北京廣場" 認真唔簡單呀 .
回覆刪除Bye Bye !
[版主回覆03/01/2011 21:18:00]man wai: 呢個大雪像我覺得係比較有氣勢, 所以有影....