呢個聖誕節大少有個Project要跟唔可以外遊, 但我哋又好想同兩位小姐渡吓假同慶祝聖誕, 於是大少訂了本地酒店聖誕package, 讓大家可以扮吓旅行, 去些未去過的地方
在沙田開咗間Hyatt好新吓, 雖然都有聽過話一般, 但好少去o個頭幾有新鮮感就試吓啦!
大少訂了嘉賓軒, 類似廸廸尼酒店的國賓廳, 有個Lounge任飲任食同包早餐。
在等check-in時我們先在這裡飲吓o野, 面對吐露港及馬鞍山一帶屋苑, 可惜天氣不太好很大霧
等了一陣子他們說本來安排了給我們的房間要再等多一小時但有間吸煙房問我哋要唔要, 大少先去睇環境同聞吓有無味。 可能是新酒店, 大少話都可以我們便快快安頓好去玩lu
又參觀吓間房先!
當日天氣還不太冷, 勉強可以遊水, 雖然話係恆溫泳池但始終在室外, 我就無勇氣落水啦!
落水之前他們會要求你先沖身, 三位團員都很聽話沖完身再落按摩池暖吓先落水, 不過後來有一家外國人到泳池, 他們又沒有被要求先沖身, 很奇怪? 唔通我哋有異味???
後來妹妹話個鬼仔係幼稚園同學但她怕醜唔敢上前相認
其實都幾凍吓o架, 遊了唔夠30分鐘見小姐們面都青埋便要她們上水喇, 病咗就唔抵啦! "拿拿林"返房沖個熱水涼, 再到lounge飲酒同食小吃, 然後去食dinner buffet。
如果我哋一早知在lounge都可以食飽就唔去訂晚餐, 因為間餐廳完全無聖誕氣氛, 食物又一般。 成間酒店都無咩聖誕裝飾。
呢3個聖誕老人係提醒我哋係o黎食聖誕餐! 最搞笑係大少問個廚師點解聖誕節都無薑餅人嘅? 佢好靦腆咁話唔好意思無薑餅人但有玉桂餅
食完晚餐酒店又無咩行便返房玩自備遊戲, UNO同埋大富翁!
開開心心的玩了一晚。 加了一張床給家姐仔而妹妹跟我們瞓, 但唔知點解大家都瞓得不太舒適? 酒店的人提醒我們早餐最好9時前到, 如果唔係就要等位很多人。 於是我們8:15am到, 由於少人我們很有去了旅行的感覺
果然9點後, 呢個唔o係香港嘅"幻覺"隨住嘈吵的"阿仔呀...."而消失...
咖啡及開胃水果
妹妹自己去攞飲品
食飽飽又去搵o野玩。 呢個所謂Hyatt Camp重無料過D屋苑嘅兒童遊樂園, 一眼睇晒係咁多咋!
間玻璃屋入面應該係俾小朋友畫畫嘅地方但無開?!
周圍行吓見到俾人結婚的地方, 唔知呢樹係咪Mimi & BonBon結婚o個度呢
跟住又去咗Gym Room旁邊玩跳繩同大波波, 玩玩吓有個staff話未夠12歲唔可以入去, 咁唯有返房再hea吓到中午便離開酒店去大埔的"小白露"餐廳行吓同食lunch。
我們第一次o黎覺得唔係好似香港, 唔可以話好靚但幾有特色, 可惜食食吓飯開始落大雨, 想餵山羊同騎馬仔都無得玩, 只可以在室內學做手工 - 聖誕老人同玩跳吹氣床。
本來想帶小姐們去踏單車但天氣突然差了而且真的感覺到凍咗, 於是呢次旅行便提早結束回家休息了。
後感: 沙田凱悅無咩特色, 唔明點解咁新的酒店都算比較污糟。 Regency Club的餐桌無人抹, 地上的垃圾好耐先有人掃, 個聖誕自助餐真係有被"搵笨"的感覺, 酒店設施不見細心, 叫做有咁啫...應該唔會再去了。
唔得, 攞行李喇!
見發生了事情小小年紀的妹妹(家姐仔都係)很乖很懂事, 待大人的事情有了定案後, 我和大少決定安排一次香港酒店package和兩位小姐玩玩(雖然大少其實不在狀態), 但這麼短時間很多酒店都滿了, 有些評價又不太好, 最後我們去了對大人來說沒有新意的 - 香港廸士尼酒店, 三日兩夜, 小姐們一知道當然開心得緊要啦! 要自己執行李添呀
, 小朋友開心到叫, 因為可以玩捉迷藏。 家姐第一時間去開Disney Channel!
