2010暑假北海道悠悠閒之旅 - 第十二天 : 定山溪 - 千歲 - 香港

8月5日 (星期四) 天晴

家姐仔今早問: 點解去旅行的時間過得特別快嘅? 唔想走住呀! 阿女, 我哋兩老都唔想走, 都有同感, 不過呢D珍貴回憶我哋會永遠記得(唔記得可以睇相), 而且完滿結束旅程真係要好感恩啊!

昨晚小姐們瞓的tatami都好舒服, 其實呢間酒店已好過洞爺湖o個間好多好多啦!

又再去返昨晚的Grand Chariot食早餐....

真係幾grand o架, 好彩早餐都好正常, 食得飽....

山景的房都唔錯, 看到溪流, 妹妹正在欣賞中...

無咩搞早些走lu, 睇吓大堂已經好多人準備走啦....

我見有間房好似有小丸子活動, 但無時間研究做咩(其實興趣都不大), 在大堂影咗佢哋一家叫參與咗...

o黎到定山溪無理由淨係在酒店唔行吓喎!  遊吓車河先。  酒店附近的足湯....

兜吓兜吓見到個公園, 緊係要玩吓啦....

又可以扮泰山啦...呵)))呵))))

公園都幾大可以玩好耐吓, 但一來只係路過玩咗就算, 二來好晒又好熱呀! 走喇...

在公園見的第一個河童...

之後順路再揾吓其他...

呢兩個都算係定山溪大使喎....

一次過見晒咁多隻河童, 唔駛周圍揾...

我哋行我哋行, 見到呢個湯之滝, 個石像人都好歎吓喎!...

路邊的繡球花好靚呀, 大少停埋一邊俾我落車影相, 唔知點解在路口休息的大叔我一落車就鬧直至我上返車, 我無理佢呀, 因我哋無阻人又無阻車...

在去千歲途中見到西松屋, Seria, 藥房呀咁...又入去睇吓先。 西松屋已經唔太o岩兩位小姐, 幼兒或BB就好多好o野, 但在Seria我哋又有收穫, 真係好抵因為有好多東西都唔止值100yen的, 我買咗兩把可掛名牌的雨遮俾小姐們返學同一大埋生活雜貨....全部100yen! 品質好過好多100yen店。

早些去千歲係因為要去新開的小朋友"筋肉雷台", 就在Rera Outlet對面(魚一心壽司那邊)...

先選擇不同價錢的套票, 其實又唔可以話係票。 每個遊戲可個別計錢, 但你在門口買套票就會平少少, 如你預計玩的遊戲共約3000yen, 在門口買套票就2xxxyen咁, 銀碼記錄在入場的手帶, 如你的小朋友玩完手帶內金額而又再想繼續玩, 工作人員會先問家長可否增值才俾小朋友再玩, 以防小朋友放肆地任玩...

另一邊係Kids Park, 後來先知係另外入場的...

好! 小姐們接受挑戰啦....好似話係障礙比賽, 又扒又跳又"冷"之類, 大少講的因我去咗outlet巡舖...

妹妹話好緊張喎, 家姐仔又話阿妹整到佢好痛...

睇吓妹妹幾認真咁玩, 我睇返d相都覺得好笑, 駛唔駛瞄咁準呀...

日本姐姐話俾家姐仔知點計分....

係佢哋玩傻嘅時候, 真係連阿媽走咗去邊都唔知, 好近啫, 去買o野...

Rera 無咩好買好快就行完, 回Muscle Park會合團友而且都係時候去機場喇。 大少話其實入面唔係太多遊戲o岩小姐們玩, 大個少少好玩D。 由於時間關係, 她們無得入Kids Park好唔開心, 因為好似好多o野玩咁! 我便答應她們出年去雪祭時留多些時間俾佢哋係度玩囉!

還咗車就先去內陸線呢邊行吓同買吓手信, 本來想買一箱粟米, 但唔靚又貴好多, 最後都係買朱古力之類的大路o野...

以前國際線就在隔離, 但今年要行遠些....

新的國際線離境大堂, 好光猛好大, 國泰在最盡頭的A櫃檯...

過咗海關上二樓揾食...

好大個food court, 環境好舒服! 家姐仔要的炒麵好食到要encore, 一個人仔食兩碟破晒紀錄...

另一邊有史諾比遊戲室, 佢兩位真係超齡咗少少, 但幼稚的小姐又玩得好高興喎...

望落登機大堂....

離開food court落扶手電梯先見到呢個lounge...

我們去65閘, 旅客已排隊上機啦! 但我哋重去左手邊的紀念品店最後衝刺...

上機返香港lu, 暑假旅程又好快樂, 豐富, 完美咁結束啦!...

下次探北海道應該係白色嘅世界, 好想快D呀!

2010暑假北海道悠悠閒之旅 - 第十一天 : Part 2 定山溪

再沿國道230行, 唔夠一個鐘就到定山溪。 揀定山溪View Hotel除咗因為水上樂園之外, 就係第一次去北海道時在這酒店問過路, 他們好熱心咁教我哋行而對他留有非常好的印象, 可能係對他有期望以致有失望。 咁大間酒店check in後竟然叫我哋自己攞行李去揾路上酒店房  我唔係扮大爺要人推行李, 但領房呢個係基本酒店服務, 又唔係商務酒店..(唔係喎九州Green Hotel咁細都有呢個服務喎!) 仲要新館又比較遠, 要個客自己去揾都幾奇怪...

不過精靈嘅我哋又點會被難到  住新館和洋室, 貪佢近水上樂園....

和洋室都幾大吓, 又可以玩捉迷藏  小姐們晚上瞓tatami...

快速換好泳衣即去水之王國玩啦.....

近大落地玻璃窗的呢邊有陽光感覺比較好, 另一邊玩浪的池好陰暗又多人, 唔係咁o岩玩...

又係流水池, 唔知係咪日本水上樂園的基本設施呢? 我見好多都有...

呢條滑水道好弱吓, 大個少少都sir唔到....今日呢個場小姐們主打呢個玩意...

有人玩滑浪板呀, 大家都圍觀為他打氣, 好似好難玩, 個男仔失敗好多次....

後來出咗去露天的溫泉池....

又玩滑梯, 呢個溫泉好多枯枝, 枯葉, 虫虫....真係大自然啦...

呢度令我諗起箱根的小涌園, 當然小涌園大好多又好玩好多啦...

最後去幼兒池那邊玩, 小姐們好想坐呢個BB氹氹轉, BB玩真係幾開心, 可惜佢哋無份...

其實整體呢個水之王國唔太清潔, 睇吓滑梯邊起晒漬....

玩飽就返房梳洗後, 去食晚餐啦!  一早預咗會好多人同食物水準會好一般, 但意想不到嘅係.....

明明係自助餐, 但好多受歡迎食物都要另外俾錢...蜜瓜仲貴過真係在夕張食...

各類海鮮全有供應, 請看價錢付錢, 你就可以食佢落肚啦....

拉麵都要另計, 真係無話可說....

牛呢d高檔特產, 又點會俾你自助呢!? 想食, 放底銀兩啦....

大少睇介紹, 呢個廳坐2千人, 嘩! 2千人一齊食飯都真係幾"熱鬧"...

人人都排吓排吓但都唔知食咩好, 因為想食的都唔會在自助餐枱上揾到, 幾苦惱呀...

大少下令以後唔好去呢類溫泉酒店喎...之不過有時大型的溫泉酒店又多野玩d, 一個旅程住唔同的住宿類, 都係一種體驗, 最多小心選擇啦.... 我都估唔到會令大少無啖好食o架?!  後來返房大少睇到酒店集團的資料, 原來係同洞爺湖太陽皇宮同一系列的, 佢好認真叫我認住其他酒店, 一定唔可以揀喎..收到, 收到! 明天就返香港啦, 無論點都好好享受吧!

中山峠 Map Code: 759 672 362

定山溪View Hotel Tel: 0115-98-3339