白雪童話國賀新年 - 第一天 Part 2 (長島Resort)

食飽飽見有時間, 於是行去另一間酒店"花水木", 比較日本而且係Resort三間酒店最高級的。

這個給人休息的走廊是連接兩間酒店的。 在花小路有遊戲室, 日式料理, Bar 和紀念品店。

8:00pm坐酒店巴士去看燈飾。 只有冬季先有得睇, 我就係在網上俾她吸引, 也是要來長島的其中一個原因。 冬華之兢演入口, Peter Rabbit係Resort代言人。

可能空曠很冷呢!  由於燈飾的展示點不是很集中的, 所以現場沒有網上的美, 但都值得一看呀!  以下幾張相由大少操機。 小姐們話呢到好似俾人結婚咁, 重叫我同大少行中間條路扮拍拖喎...

另一個影點...

這張有些似酒店附送的postcard.....

鏡池, 真係好似鏡的。

為咗影呢幾張相, 大少的手凍到痛, 要開暖包給他啊! 我們是最後時段的一批遊客, 都未行晒已經夠鍾關門啦, 都無行到有好多燈的隧道..."殘念一"。 坐9:30pm的車回酒店, 我們在花水木下車, 先到紀念品店買手信, 再在花小路的Bar享用附送的welcome drinks。 一般都係送些果汁之類的, 但這間酒店就很有誠意, 係俾你在menu任選一款同埋有小吃的。 休息一會便又要倍小姐們去遊戲室玩... 家姐仔同大少賽車, 我就倍妹妹玩小兒科遊戲....

 

小姐玩跑馬仔...

第一天都算做咗好多o野咁, 少有所以太攰啦, 連免費的溫泉也有心無力了..."殘念二"。不過房內也有溫泉浸, 是溫泉水來的。

一家人浸了溫泉便瞓了, 可是這酒店的床及枕頭太硬, 我成晚都瞓得唔好啊

有用資料:

長島樂園 Map Code 38 807 302

長島Resort http://www.nagashima-onsen.co.jp/index.html/

白雪童話國賀新年 - 第一天 Part 1 (長島Resort)

2月18日 (星期四)

成年無去日本, 一家人都心情興奮。 早上兩位小姐一叫就起床合作到少見 由於已做網上登機, 我們好滋"悠"先出門口, 就係咁差點趕唔切, 我哋係最後登機, 坐定就關飛機門啦

小姐們一馬當先去寄行李, 其實真係大部份行李都係佢哋嘅!

本來想幫小姐們影些出發相, 但俾地勤姐姐趕上機, 只可急急的影了。 看! 最後召集啦!

坐國泰最大的好處係娛樂節目合口味, 小姐們看看電影, 玩吓遊戲好快就落機。 好準時3點到名古屋中部空港, 機師話天氣很好但有些冷, 果然係! 

我們到了名古屋啦!

先經過長長的走廊....

便看見Toyota Counter...先確認, 然後再落一層去取車點...

在妹妹的帶領下....

就正式辦手續, 俾錢同取車。 因在我們之前都有兩組香港人, 所以都要搞一些時間。

呢架就係今次旅程第一架車。 車廂都夠用而且價錢合理, 不過GPS有時老點, ok 針無兩頭利丫嗎...

出發去長島Resort 啦! 理論上唔駛1小時應該到, 但去到個有3層的路口位GPS又唔清楚(可能係日文講咗唔識聽), 兜咗15分鐘先行番上橋...

終於到了, 這便是酒店大堂, 好簡單(唔係簡陋, 因好整理的), 接待的姐姐俾晒那些入場卷, 折扣卷, 餐卷....一大堆東西, 預約埋Shuttle Bus去"冬華之兢演"便上房喇!

要專登講吓條走廊, 影出來無咩特別, 但其實好雅緻, 牆身的和紙好有質感, 整體好現代日式。

家姐仔就瞓梳化床, 房間簡潔舒適。

稍為休息便去吃自助晚餐。

我最喜愛的水果

白雪童話國賀新年 - 行程篇

去年暑假取消旅行餓咗好耐旅行癮, 終於就快出發啦! 雖然今次唔係去好多日, 但都十分期待, 特別係兩位小朋友, 日日睇日曆倒數....大家都好心急呀! 等我同大家分享呢次行程先!

Day 1: 上午10:30機往名古屋中部空港, 約3時到達。 租了Toyota Sienta直去長島Resort, 睇時間而決定是否即晚去"冬華之兢演", 晚餐後去浸溫泉。 (住: ホテル　ナガシマ)

Day 2: 上午主要係倍小朋友去遊樂場玩餐飽, 下午便去Jazz Dream Outlet, 如前一晚已去了看燈飾, 便會黃昏時回名古屋市, 由於住係榮附近, 會行吓同食一蘭拉麵。 (住: Hilton Nagoya)

Day 3: 早餐後先到附近百貨公司一遊, 再去松板屋食鰻魚飯, 之後去名古屋城到此一遊。 然後去Monkey Park, 小朋友又有半天玩個夠, 至4:30關門便回市中心還車及在高島屋附近行街食晚餐。 (住: Hilton Nagoya)

Day 4: 早上取車往高山。 今次租了四驅車因白川鄉都幾厚雪同間中都大雪, 可能連公路都清唔切積雪, 不過就唔用雪鏈喇, 好難搞 我們先去土岐Outlet一行, 聽間都無咩好抵買, 但她有Nikon便即管一去吧! 預計5點前到高山, 先放下行李小休一會便去飛驒之里看點燈 (因看不到白川鄉點燈, 這算是少少補償), 然後回旅館晚餐同浸溫泉。 (住: 古都之夢)

Day 5: 早上主要遊高山景點及食飛驒牛午餐, 之後便去白川鄉了。 開了新路去白川鄉應該1小時內到, 約留1.5至2小時便回程返名古屋。 希望可以早少少到酒店讓小朋友可以去泳池玩吓水, 晚飯行街又一天了。 (住: Associa Marriot Hotel)

Day 6: 最後一天。 我們訂了愛 . 地球博的龍貓之家參觀, 早餐後便要執埋行李走啦! 小朋友好開心可以去草子同次子屋企呀! 之後便直去中部機場行吓就返香港lu

希望天氣好, 可以影多些相回來同大家分享...yeah......