今次呢個旅程, 除咗package酒店住過之外, 其他都是新的體驗
可能有朋友/ 道友住過以下酒店, 歡迎大家俾意見。
1) JR Tower Nikko Click click 點解又係佢? 第一次就話貪佢近JR, 但今次揸車去札幌應該可以住吓其他啦! 就係因為第二次唔係住呢間, 更加發覺呢間係超方便。 點方便法? 之唔係當大少同小姐們要休息時(日間) 我可以用最短時間落樓shop..shop..shop.., 半小時已經搞掂第一round, 盡量利用時間, 第二個原因係呢間酒店服務都唔錯, 房又大, 窗又大, 浴室又大!
2) 中札內村 Feriendorf Click click 以前在雜誌見到呢間休暇村, 好想試吓, 唔知係咪真係可以自己去攞雞蛋呢? 去開帶廣順道去埋中札內見識吓! 我哋仲會去買餸煮飯添
3) 美瑛 Spoon Valley Click click 又係雜誌見到就超級愛上。 美瑛已去過兩次，大少本來話今次唔好去, 但因為真係好想住吓, 我用旭川拉麵村引誘大少, 得咗! 雖然只供應早餐, 我們要出美瑛搵食, 或者因為咁而有新發現呢! 不過我都有兩手準備, 萬一D主人們好攰check-in咗唔想再出去, 我就會去Bestom買定oldbean至愛"日清大碗麵"做後備...哈....
4) 定山溪View Hotel Click click 連續兩年都有考慮呢間酒店, 但因為行程編排都放棄咗, 今年一定會去。 點解? 佢係間好多團入住嘅酒店喎? 咪就係佢有個好似好好玩嘅兒童水上樂園囉, 我哋嘅唯一目標, 其他野不太在乎, 但當然佢哋酒店俾我的感覺都唔錯, 因為第一年路經入去問路, 他們好好, 好熱心, 心裡已暗說一定會黎!
5) 美國觀光House Click click 本來行程係在二世古住一晚, 但原先的住宿付款安排有點不便, 加上發現呢間住宿係食方面好"正", 完全o岩大少口味, 所以拍板! 而且住係呢樹可以順路到積丹一遊啦!
6) 小樽宏樂園 Click click好多道友都去過, 見到他/她們的相片真係好想試。 無論私人風呂同埋兩餐, 都係十分之吸引, 很期待
大部份的住宿都已經落實, 只有一,兩間未confirm, 希望呢個安排大少同小姐們都滿意啦!
之前一路都無興趣寫"部落格", 但今次突然好想玩吓呢個玩意又想更加詳細咁同朋友分享, 於是
登...登...登....登"一家四口周圍走"就面世啦!