我們只在酒店休息, 沒有去樂園玩。 第二天, 食完早餐又去游水同浸spa, 約了Winnie EE和Tigger Uncle來酒店食Tea Buffet, 午睡片刻便去了東薈城行吓同晚餐, 趕唔到返房睇煙花小朋友有點唔開心, 但其實睇咗n咁多次喇, 氹吓玩吓捉迷藏又無事啦!
第三天, 又係食完早餐去游水
之後去了King Triton Room玩玩具, 隔離的房便是扮公主的地方, 都好多小女孩扮唔同嘅公主喎!
玩到唔願走, 家姐仔話唔想返屋企, 次次都係咁
唔得, 攞行李喇!
大少話架車實好熱要煲吓冷氣先, 叫我哋遲D先出大門, 於是去迷宮同遊樂場, 但好晒, 行一圈便要返入室內
行去宴會廳那邊, 家姐仔話: Alice EE結婚10週年咪o係Cinderella Room囉! 妹妹你記唔記得呀? 妹妹: 我唔記啦, 你係唔係想o係呢度結婚呀? 兩個妹丁: 哈....哈
兩年前, 家姐仔幼稚園畢業, 我們一家人第一次去北海道留下難忘回憶及不斷想"安哥"! 本想今年妹妹都有"同等待遇", 可惜太多不能預料的事情發生, 令我送給妹妹的畢業禮物一改再改, 終於要取消!
見發生了事情小小年紀的妹妹(家姐仔都係)很乖很懂事, 待大人的事情有了定案後, 我和大少決定安排一次香港酒店package和兩位小姐玩玩(雖然大少其實不在狀態), 但這麼短時間很多酒店都滿了, 有些評價又不太好, 最後我們去了對大人來說沒有新意的 - 香港廸士尼酒店, 三日兩夜, 小姐們一知道當然開心得緊要啦! 要自己執行李添呀
都住過呢間酒店六、七次, 但第一次有"Magic"。 我們訂國賓房的, check in時竟然up-grade咗我們去國賓套房
, 小朋友開心到叫, 因為可以玩捉迷藏。 家姐第一時間去開Disney Channel!
媽咪就周圍影, 記下所有開心回憶。 左下角的矮櫃, 大少入咗去, 妹妹搵極都搵唔到, 好好笑!
第一個節目就是去游水, 見到大少同妹妹呀!
快樂小妹妹
歎spa的家姐仔
游到攰又瞓吓
游完水便趕快沖洗去Hollywood Mickey Chef食晚餐, 我們專登唔去翠樂亭, 因沒有心情應酬卡通人物
悠揚的音樂及美麗的燈飾。
等大少車, 小姐們把握時間睇卡通。
去到Hollywood時候尚早, 去遊戲室玩吓先。
米奇晚餐!
食飽飽回房看煙花
之後去國賓廳聽故事。
有穿睡衣的米奇同小朋友影相, 好多人好亂吓, 因好多同胞慌死影唔到咁
最後當然影咗張, 實影到駛咩迫???充實的一天又係時候休息, 浸個舒服的Jacuzzi真係成個人都鬆晒! 家姐仔本來話自己一個瞓, 但始終唔係屋企, 瞓瞓吓驚要入房一齊瞓。
8月8日 (星期五)
呢日係全個旅程最不快的一天, 因為天氣實在太熱, 早上都有37度, 大少, 小姐們好唔願意出街, 但係我一早在香港買了三鷹的票, 無理由唔去啫! 諗住去大黑屋買Puroland優惠卷又買唔到, 唯有買平了少少的全日Pass。 三鷹的部份差不多無影相, 一來入面唔影得, 二來熱到想殺人喇, 點肯俾我影吖
咋咋林玩完三鷹去番有冷氣的地方食午餐, 唔記得點解去咗吉野家lu! 食玩又長途跋涉去Puroland, 去到已過4點, 又發覺蠢多次, 有4點後入場卷平好多喎, 熱到咩到唔記得啦! 成團人其實心情都唔好, 小姐們都係咁依玩吓就算了。
我就周圍影吓吉蒂啦!
其實如果唔係咁嘅心情, 呢到都幾好玩o架。
晚上的Puroland正門。
在Puroland外的烏冬店食過晚餐便回新宿了。 坐JR中
回酒店看奧運開幕禮, 好精彩喎!
8月9日 (星期六)
最後一天了, 吃過早餐寄存行李在酒店便往原宿一遊。 小朋友主要去Kiddyland買玩具, 而我就去原宿血拚啦! Snoopy Town已經無咗啦, 我們在旁邊的樓上吃過壽司便回新宿取回行李坐機場巴士返香港啦! Bye bye原宿。
18日的旅程結束了, 帶給我們不少快樂回憶呢!
8月7日 (星期四)
今日又係要去Toyota取車, 前日已經投訴了架車臭之餘, 在高速公路行快些會有怪聲添, 好似有點危險要求他們換車。 點知他們竟然又係俾番同一架車我哋又話應該無問題, 仲話呢個店同級只有一部車, 我咪就係早兩日同你講要換, 你又唔安排從第二間運過o黎, 真係好少見日本有這樣的服務
又係唔想再嘈, 出發啦! 全日森林家族樂園/ Grinpa。 到達時又係近午餐, 我們先去餐廳食飯, 好多人serve得好慢, 我講係排隊買票及取食物。 建議去呢個樂園玩最好自備食物, 因為又貴又難食!
太陽伯伯又好熱情, 我哋就先去室內的玩具屋同遊樂場玩, 小姐們開心到唔肯走呀! 妹妹仲第一次俾家姐"昆"咗去玩兒童跳樓機, 升上去仲笑得好開心, 一降就嚇到喊要落番o黎。
約四點要把握時間去埋咸旦超人樂園玩機動遊戲啦, 基本上係家姐仔玩, 妹妹驚驚! 呀, 醒起一樣o野, 如各位帶小朋友去呢個樂園, 小朋友買pass, 而大人可以只買入場票, 我哋就係蠢咗, 不過如小朋友太小, 他們一定要大人部先可以玩, 咁其中一人買pass便可。 好多樂園都係咁, 當時唔記得買了4個pass添 家姐仔最愛過山車! 不過呢架好慢, 無料到, 家姐話好悶好似遊車河咁, 只玩了一次就唔玩喇! 我們3個人倍大小姐玩完一樣又一樣, 媽媽想趁關門前行吓森林家族呀。
都好靚, 幾童話feel o架, 本來對D白兔家族興趣不大, 但去完之後竟然喜歡了。在紀念品店都買了些東西, 唔知係咪平過香港呢?
入咗其中一間屋又玩一餐!
富士山下的Grinpa。 笑話一側 - 話說呢個樂園其中一個買點係見到富士山, 但我們往樂園一路都唔見富士山, 原來第一有雲, 二來沒有雪的富士山, 我哋差點唔認得呀!
臨關門要走喇, 小兔們bye bye啦! 小姐們又唔肯, 我便答應她們如果乖冬天再來! 其實係我自己想去, 因看見他們的海報, 冬天都好靚, 富士山下玩雪兜, "正"!
回到新宿還車後, 大家又係攰到唔想周圍搵食, 在酒店附近吃了拉麵便回酒店休息了, 開開心心的一天
Grinpa MC: 50 724 733 *85
