白雪雪之旅的最後一天, 大家都睡得很晏, 小姐們更唔捨得間房添! 在房內食昨晚在Ikspiari買定的早餐, 慢慢享受這舒適的環境到check-out的12時。 由於回港航班是下午6時40分, 所以還可以周圍行吓, 影吓相同最後一擊 > 買紀念品, 住客在酒店精品店有折, 我買咗好多25週年紀念品同食品送俾屋企人同朋友呀!
以Peter Pan為主題的泳池要夏天先開, 無得玩添!
其實呢間酒店都同香港的那間很似, 當然日本版精美, 華麗同大很多啦! 灰姑娘旋轉木馬梳化。
公主屋, 好靚好仔細。
o黎個正/入面。
愛麗絲馬賽克畫。
後花園。
在酒店精品店旁有幫小朋友扮公主的美容店, 我見有好多日本女孩化晒妝好靚咁去玩, 我問小姐們試唔試反正有時間, 但竟然她們很一致認為太誇張唔"制"喎!? 不過睇真點又化得誇咗D。 逛完酒店便又去Ikspiari午餐, 之後返酒店坐機場巴士到成田返香港喇!
早餐後便乘在酒店預訂的廸士尼專車往東京廸士尼。 他們只停廸士尼樂園和海洋廸士尼, 所以我們到達樂園的巴士站便要拉住行李往廸士尼酒店check-in。
這便是2008年開幕的東京廸士尼酒店, 上年小朋友去廸士尼玩時它還是在工程中, 答應了如果乖便帶她們來住。 到酒店才11時, 不能提早check-in, 於是我們寄存行李便往樂園玩。 酒店的職員問我們想3點自己返去check-in或他們幫我們送行李上房再補check-in, 但如要他們送行李便5點先可以做到。 其實當時雞同鴨講唔太明, 諗住反正我們都打算下午先回酒店休息, 便選了自己3點check-in, 點知我們錯了, 容後再講。
東京廸士尼25週年Grand Finale "The Dream Goes On"。
因之前小朋友兩次去東京廸士尼都只停留在Fantasy Land 及Toontown, 所以今次約法三章唔去呢兩樹, 去了Westernland, Adventure Land 及Tomorrow Land。 因妹妹又比較細膽, 係呢3個Land好多野都話唔玩, 所以兵分兩路, 大少同大小姐去玩, 而我和妹妹去shopping...yeah! 就因為咁無影相
(大少唔鍾意影相, 無計!)
大約3點我們買了些廸士尼快餐回酒店check-in和享用, 於是出事啦! 我們返到酒店(之前已拿了一些我們的基本資料, 又無咩人, 諗住會好快) 他們叫我們排隊check-in, 無問題...但由我們排隊到終於有人幫我們推行李上房足足用了1小時, 等到我們4塊面都黑晒, 那些食物凍晒。 他們的效率用龜速來形容都怏了! 好了! 可以上房, 那位可愛的小姐很吃力的跟我們說英文, 好慢好似我教緊佢英文咁(因她想講咩其實估到), 佢又唔放棄一定要講完為止, 最後我忍唔住話" 唔好意思, 我完全明白你的意思, 我們很攰你可以離開了!" 可是她仍堅持講晒要講的"稿", 救命! 我終於明白點解他們幫忙先送行李上房要5點啦, 時間真係差不多!
這便是小姐們指定的Cinderella Room - 睡房。
從房影出客廳。
梳妝台。
(網頁照片) 客廳太亂無影到。 黃昏我們再回樂園玩。
我們趁夜間巡遊比較少人時(以前睇咗), 去了次次都玩唔到的小熊維尼, 真係好好玩, 好想玩多次但要爭取時間去埋其他香港無得玩的遊戲呢! 如MicroAdventure, Haunted Mansion(又係之前兩次都維修)同又係好玩過香港的巴斯光年。 由於煙花不太吸引, 我們又肚餓, 所以未放煙花我們便去了Ikspiari晚餐。
(網頁圖片)
今晚食人形町今半的火煱。 食飽飽便回酒店休息了, 又是充實的一天!
今次到輕井沢真的比較"到此一遊", 很多地方都無去, 希望有機會夏天再來住兩、三天慢慢行睇清楚呢個日本避暑勝地。
我們走了, 住小屋就要靠酒店專車接去大堂。
再去Prince Outlet, 其實主要去Agnes b買禮物, 其他店都只是門口看看便算了。 跟住便返回東京。 GPS帶我們行的路因有部份要清理雪要封路, 我們唯有看地圖自己搵路走又嘥了點時間。大少先在台場日航放下我們check-in, 然後自己去還車, 我和小朋友安頓後便先刲Lalaport Kidzania, 因訂了4-9pm時段。 很趕的在Kidzania對面食完午餐, 大少再來會合便入Kidzania玩了。
先到銀行換錢。
第一份工是整雪糕, 自己整特別好味!
第二份是整Pizza, 真係全是自己搞掂o架, 先搓麵粉。
再放茄醬同料。
焗十多分鐘便跟番號碼取回自己的Pizza。
小姐們仲玩咗暑假排唔到的空中小姐同飛機師。 這種職業都在機艙進行, 大人只可以在外看電視, 空姐沒有影電視因諗住唔會影得好, 反正都會買他們影的相, 但眼見其他家長都好緊張咁影, 在做機師時便影下少少片段。 妹妹做空姐時嚇親, 因工作人員俾咗份日文教她讀, 然後要自己向住所有人講! 嘩! 點講呀, 見佢驚到想喊咁!
近大哥哥, 姐姐的兩個小朋友就是小姐們喇! 佢哋成日撞山又衝落海, 我見呢兩位工作人員望住她們揸飛機笑到彎晒腰, 可能講" 嘩! 坐佢哋機, 死得啦!..." 因我們不太進取, 雖然算少人但都只玩了4種職業。 下次要做廚師喎!
去Kidzania大人, 小朋友都好攰, 走時都成9點, 於是在附近超市買了很多美食回酒店房享用, 盡快俾小朋友休息, 又開心的過了一天。
早上的白樺湖, 其實周圍環境都幾靚。 又到我們的"無敵靚景私家房"食早餐, 池之平酒店的食物水準都可以的, 一般大型日本溫泉酒店沒有驚喜沒有失望。
退房後決定再去Snow Kids Park玩, 昨天實在玩唔夠
去到Park又係那大叔, 他問我們取票, 我們一頭霧水, 他再查記錄有我們的名字但酒店登記是昨天入Park玩, 但我們沒有用入場卷他叫我們返酒店取, 可惜我們已check-out於是要俾錢玩! 本來是包的但那小姐忘記了!
"sir"滑梯! 唔用雪兜, pat pat好凍呀!
同爸爸一齊砌雪。
妹妹又有新意, 玩運雪。
各行各路....哈.....
玩了個多小時便出發, 先去士多啤梨園, 再去輕井沢。
約一小時便到了佐久市的士多啤梨園, 好偏僻吓而且在山上, 無車基本上係去唔到。
士多啤梨在溫室的, 又係室外很冷室內好熱, 我們一家都無幾耐要除下身上厚衣物。士多啤梨雖然不太大粒但超甜, 連唔食士多啤梨的大小姐都食了一盒。 食飽又出發去輕井沢啦!
由佐久市士多啤梨園往輕井沢約半小時, 去到舊輕銀座因找泊車地方花了時間, 很晏才食午餐, 到了一間烏冬店食晏, 人家都差不多關午市, 可選的餐也不多呢! 基本上冬天的輕井沢好多店都沒有開, 很冷清沒有氣份, 我們只到了Trick Art美術館玩便往酒店了, 後來先發現竟然沒有在輕井沢銀座去過的地方影相?! 相信熱鬧的夏天會更吸引。
我們住太子酒店木屋仔, 很多人都介紹過不詳加說明了。 由於早兩天淺間火山爆發, 酒店一帶地上滿是火山灰, 而今年不太冷, 輕井沢竟然見唔到雪, 個雪場仲假過Grinpa那個, 我們完全無要去玩的意欲。 小休一會, 去Prince Outlet逛及晚餐。食之街也很早關門, 我們約七時去到很多食店都last order了, 不接新客, 最後吃了拉麵。
今天一早食完早餐再浸多次按摩池便要起程了。 我們先到車程5分鐘的八岳Resort Outlet行吓, 在山林中的outlet, d 貨真係好out吓, 不過都買了少少衣物, 跟住食埋拉麵便往白樺湖啦!
這便是從房影的白樺湖黃昏。 我們從小淵沢沿途愈來愈多雪, 去到白樺湖只見冰唔見湖, 經過Teddy Bear Museum, 剪影館都無入, 本來這兩個地方都是安排一到的景點, 但去到竟然無興趣, 可能是太凍, 太靜, 太舊....總之沒有落車的意欲, 直接往池之平酒店check-in。 接待處的小姐正是他人網誌經常提的香港人, 她不是傳說中的helpful而且仲俾錯資料添, 後來我們仲發現她忘記給Snow Kids Park的入場卷呢!
我們的房Excel Room。很焗, 你看小姐們除剩件衫咋, 大少仲要開窗等d冷空氣入房呀!
浴室。 從網頁好似好靚, 但實際有點出入。
從梳化影去浴室。
搞笑吧, 四張床是這樣放的! 小朋友就好開心可以轆個夠。
休息了一陣便去Snow Kids Park, 點知個大叔話就關門只可玩一陣, 連問我們是否住客都沒有。唔係掛那位小姐話仲有成個鐘喎, 唔理玩一陣先。
大小姐好開心, 出發啦!媽咪!
妹妹扮小天使。 都玩唔到幾耐便要走了, 周圍又無咩行又凍, 唯有回房休息。
搞笑事情又發生, 他們用酒樓般的圍板"圍"起我們在一角, 話有270度景觀同private area喎, 但好求其吓喎!
從我們的所謂私人房影出去大廳, 搞笑及想像到嗎? 呢間酒店我唔會推介給朋友, 無論那方面都好一般。 晚餐後, 又係睇吓電視便睡了。
昨天讓大小姐休息了一天, 今日要把握時間, 所以沒有再遊森林家族了, 不過也買了森林家族玩具。 由富士Grinpa去小淵沢約兩小時, 點解要去小淵沢? 因為我們再下一站係白樺湖, 本來的行程直接去的話太長途, 想找個中間點停一晚, 而咁o岩又發現小淵沢有間Resort有好似北海道Tomamu Alpha Resort的室內沖浪泳池, 於是便去一個比較少人去的地方啦!
這裡便是小淵沢 Risonare Resort 了。我們沿途都只是經過鄉間, 很多雪山, 其他都沒有什麼好看的, 到了小淵沢再上山便是這間酒店。 這裡似乎專做日本國民生意, 成間酒店得我們是"老外"。 在Lobby再坐升降機便會上到呢條大街, 兩邊是商店。 咪睇有陽光呀, 好凍! 相信只有0度
我們的房在街尾, 另一角度影番轉頭。
差不多到啦, 樓上就是不同類型的房喇!
到喇! 在三樓的Jacuzzi Room 。仲有個原因令我覺得呢間酒店主打本地人就是上房竟然無"車立", 外國人的行李應該不少吧, 十分不好意思難為了酒店哥哥幫我們抬行李(我們有2個30吋行李箱, 一個大袋各重2x kg)
從網頁的相片, 不差太遠吧!
就係呢條攞哥哥仔命的樓梯(我一見到立即講"唔係化", 再望吓哥哥仔), 我們其中一個o急的手柄都給他太用力整爛了, 不過也沒怪他, 佢抬完行李上去面都紅晒, 索晒氣! 但他仲要介紹房間及酒店設施俾我哋(他是當日唯一會講少少英文的人)怪可憐的樣子!
(網頁圖片)呢個泳池就係我們來的目的, 但大小姐玩完雪可能太攰又開始唔太舒服, 佢都好無奈地放棄了! 於是出大街行吓同去晚餐。
在Y.Y.Grill晚餐, 前菜同甜品是buffet另叫主菜, 賣相同味道幾好但份量好少(又好貴, 唔值)
兒童餐, 旦包飯。 食完飯便回房享受那個重點之一Jacuzzi! 可以一家四口一齊都卓卓有餘呀, 妹妹仲成日玩燈制將D水變色添!
P.S. 當日新聞話輕井沢淺間火山爆發, 過兩天我們便是去輕井沢, 小朋友好驚問可唔可以唔去火山...?
