4月19日 (星期二) 酷熱
好快到咗行程最後一日 
都係差唔多時間去食早餐, 但人龍比昨日長了, 今日主動要求坐戶外 
後來發現其實唔係無位, 係人手唔夠執唔切咋, 到咗復活假正日會係咩景況呢? 離開時條隊仲誇張過昨天, 各位如假期去真係早點開餐啦....
同酒店delay check out(都只可以1小時咋), 便出發去Beach Station那邊玩。 先玩小朋友在日本無份的Segway, 第一次有教練一齊同埋要聽講解....
妹妹好擔心又怕醜, 要大少倍上課....
家姐仔好快就上手, 自己搞掂, 在空地練習一下先....
好! 正式出發, 一個教練跟一個....
基本上家姐仔玩得唔錯, 佢個教練好輕鬆....
妹妹就好緊張, 因為唔俾家長同行的, 她的教練就"辛苦"少少啦....
原則上好安全, 教練有First Aid Kit跟身....
但! 妹妹"炒車", 直飛落小山坡, 教練追都追唔切, 已經第一時間救番佢, 但都幾傷 
又係同一隻腳, 早兩日的兩隻瘀旦無咗, 今日就多咗兩條各長4及5吋的傷口, 剷落小山坡時兩塊皮甩咗....
唔好講笑, 真係幾痛架!
下一站去玩滑浪....
其實應該唔太難, 不過小姐怕水又"蛇kwea", 成碌"葛"硬晒唔敢郁 
妹妹坐在一旁好抵死又招積話: 唉! 其實我敢玩架, 不過受咗傷之麻....車! 下次如果再o黎又睇吓點???
個女教練都無佢咁好氣坐埋一邊由佢自己摸索, 旁邊的bb都唔知幾掂....其實呢刻我覺得幾瘀架, 小姐好港孩咁, 淨係瓜瓜叫, 玩咗大半個鍾佢放棄唔玩, 好傷心地坐在一旁喊, 大少連忙安慰, 見咁形勢我都早點帶她沖洗換衫返酒店....
Wave House....
在等beach train時, 有隊Segway行過, 家姐仔問點解佢哋可以出馬路行嘅? 大人咪得囉, 細路....
有車啦, 上車吧....
在Beach Station見到 Song of Sea的表演場地, 我們都無抽時間睇, 有機會下次先啦....
日日都經過呢個"夢之湖", 晚上有噴水配合燈光的表演....
回到酒店房門口入唔到, 原來delay check out要去Front Desk換匙卡的, 我們等大少時發現房外的兩邊窗分別望到Festival 及 Hard Rock的泳池....
好明顯Hard Rock好玩好多啊....
大家都要沖涼換衫, 寄存行李又返去Beach Station, 先去醫肚, 食日本料理"榮"! 新加坡之行一頭一尾都係日本菜....
對着蔚藍的海, 陽光很刺眼....
大少要鐵板燒海鮮餐, 家姐仔去睇廚師點煮喎....
我的蜆仔意粉同巨峰提子綠茶特飲....
妹妹的味噌湯, 三文魚茶漬飯....
大少的鐵板海鮮餐, 都幾好味架....
家姐仔的烏冬同燒鰻魚....幫襯呢間的多是西方人, 八掛聽到他們想食壽司 
旁邊有雪糕屋緊係要整番杯先啦!
旅程最後一項活動Luge & Skyride, 我們買一次4-ride試吓先....坐吊車上山時好晒, 雖然幾分鐘但一定燶, 要出動遮先得 
我畏高的, 沿路唔敢向下望, 如果唔係要倍小姐們我就未必會坐....
真係好好玩, 有賽車feel! 妹妹本來可以自己一架車的, 但她成為"炒車皇"之後, 對自己失晒信心, 要同大少一齊先肯玩, 又唔肯玩多次, 於是家姐仔一個人再上....
玩到成4點先在酒店取回行李坐的士去機場 。 我們今次沒有帶電腦而Festival 又沒有internet可用, 不過在concierge他們代做了網上check in, 所以都唔駛太早去機場!
大少幫妹妹包好傷口先上飛機....
我們在Terminal 1, 但同事又指定要買的班蘭蛋糕在Terminal 2, 見有時間便遊車河去買...
就係呢間啦, 買完便上機返屋企lu.....
回港機上不幸地遇上討厭的後排乘客, 有點不愉快, 連空姐及空中少爺都話過他們但都無計, 不過唔想記住佢哋唔寫唔開心o野lu, 希望下次如再去新加坡唔會咁啦, 唔知坐星航會唔會好d呢???
....
....
....
....
.....
....
又肚餓, 大少又唔想在park內食, 而且我們又有另一地方想去, 於是又出Vivo City Foodrepublic食個地道雜食午餐....
...
.....
.....
....
