8月1 日 (星期日) 雨天
今日行程非常隨意。 瞓醒看看窗外~噢! 又落雨...咁食咗早餐先算吧! 餐廳都幾舒適, 食物亦可以。 呢間酒店又係好大方, 我兩位小姐又竟然唔駛錢, 因她們都唔係幼兒, 好多時都要另收費喎, 真好! 
等小姐時見洗手間無人又幾靚影底咗, 我的無聊因子又發作啦! 
返房商量去邊, 大家見今日天氣都唔會好轉, 一致決定去室內的地方行吓! 從房及浴室的窗都可看到電視塔啊!
型格酒店連電話都幾型...
終於都有定案出發喇! 就係先去Tokyu Hands, 因大少想慢慢行吓喎! 我們先落2/F Front Desk搞一搞泊車的事, 因昨晚酒店停車場滿咗, 要泊在對面的露天停車場, 收費方面有點亂...呢個corner介紹有什麼人在酒廊唱歌...
我訂酒店時見網頁影的Lobby係有座紅色鋼琴在紅色那棵樹的位置, 好有型o架, 點知去到變咗呢棵樹...後來落到地下近一間store room門口見到座琴, 佢好孤獨呀!
今次我們好認真咁行Tokyu Hands, 各有收穫 不過俾我發現Tokyu Hands的透明遮有唔同顏色之外(骨幹顏色), 比便利店平啊! 成人的在便利店要600yen, 但Tokyu Hands 500yen咋! 
又行到食午餐時間, 就去大少至愛場外市場喇! 其實都晏咗, 無咩人lu..
o係香港成日掛住的北海道海鮮, 食得好滿足!
食飽又行吓其他店舖, 蜜瓜都好靚喎, 不過唔買住, 食埋個夕張先...
白粟米, 買咗少少這幾天當生果食...
好! 去今日新景點, 北廣島三井Outlet...入三井的電話帶我哋去咗住宅區, 入其他三井內的店舖電話都係一樣???唔通太新??? 咁大少就唯有睇地圖自己揾...得咗!
先去北海道Farm Village, 大Furano Marche幾倍(賣土產, 食品部份), 去機場前都可以黎一次過賣齊想帶返香港的手信, 應比機場平同多種類。
想揾邊個北海道地方的特產都有...少不免又要食番杯雪糕先。
家姐仔唔鍾意行街shopping. 於是貪靚的妹妹就倍我行街街, 大少同家姐仔去Food Court睇吓有咩食....
個outlet算細, 好快行完, 外國品牌就唔覺好平(不過Coach就特別多人), 連呢個場sell Burberry只此一家的outlet都無咩人行。 反而去那些地道日本牌子就有些幾抵有70% off, 我買了一條裙之後在Rera Outlet都見, 但三井就平幾百yen, 所以買日本衫可以在這買而且款式唔out的! 妹妹無收穫於是佢問我: 媽咪你買d裙好靚呀! 你可唔可以留番俾我大個咗着呀? 我就話: 到時你唔話老土咪送俾你囉! 
行完就去同大少組會合, 佢哋報告話無咩o岩食喎!
既然係咁, 撇喇!..離開時已經係夜晚...
返到札幌本來想去食蠔的, 但原來星期日休息? 好奇怪休星期日! 唔知想食咩之際, 突然醒起酒店旁的串燒店, 咁不如返去食囉! 就係"串鳥"啦, 反正未試過 
我們被引到最入的位, 不過旁邊所有人都食煙o架! 所以速叫, 速食, 速閃...
串燒牛肉好得, 好juicy, 小朋友都好夠, 有飯團又有湯...
雞亦都好好味, 一邊飲啤酒一邊食串燒真係好夾喎! 唔怪得旁邊的日本人飲得咁開懷, 傾得咁開心啦!
晚上的Cross Hotel 係另一浦點, 不少俊男美女出入啊!
好想試吓頂樓的風呂, 家姐仔倍我一齊去。 入面好似一個大浴缸, 周圍都暗暗的, 不是我哋喜歡的環境, 所以浸咗一陣便返房浸自己的私家薰衣草浴lu 
雖然今日係hea爆的一天, 但都其實都唔錯吖, 咁又開開心心去休息啦!
Tokyu Hands Tel: 0112-18-6111
場外市場 Tel: 0116-21-3545
Map Code: 9 548 205*68
北廣島三井Outlet *Tel: 0113-77-3200
*GPS 用不到
不過都唔可以瞓好耐, 因要準備7時半會有人送早餐來呢! 今日終於見到小田太太, 她親自送早餐到來, 很日劇的家庭主婦啊! 打個招呼知道我們打算在屋外食, 放好東西便回主屋了, 很怕醜的。 
好唔捨得離開, 又周圍狂影盡努力留住呢一刻。
我們的小屋+車仔。
第二個要去的地點就係雪之美術館... 
