今年暑假終於都係由南去北而再由北去番南
北海道搞得七七八八, 點知俾個"朱劉 錦"太太打亂晒學校的安排, 為了妹妹唔錯失一生人第一次畢業禮, 但又唔想八月才去北海道, 所以又行番轉頭去九州喇! 於是妹妹的畢業旅行就唔同家姐, 各有特色。 
由於國泰無咗直航早機去福岡, 所以雖然話去8日, 但晚去早返頭尾無咗兩日, 好唔抵呀
, 但都無辦法唯有去少一, 兩個無瓦遮頭的地方啦! 行程大致完成, 但都要睇到時天氣同心情, 按實際需要加減, 希望妹妹都有個歡樂難忘的畢業之旅
第一天: 2:50pm坐國泰經台灣到福岡, 到福岡已經8:55pm, 相信到酒店都成十點喇! 我們會用最快方法去酒店, 就係坐的士, 希望可以仲食到"一蘭"拉麵, 因Canal City收十一點呢。 (住 : Grand Hyatt Canal City)
第二天: 早餐後約十點往Tocoo博多駅前店取車, 今次唔租Serena 想慳點租Cube, 但老公有點擔心小姐們唔舒服
, 不過我覺得她們長大了應該無問題的! 第一站是Marinoa City, 有得玩, 有得買又有得食
午餐後便往豪斯登堡, 預計約三時到。 Check過這晚有特別煙花放, 所以訂了阿姆斯特丹酒店看煙花的房。
第三天: 離開豪斯登堡便往鳥栖Outlet, 然後到久住花公園, 因聽聞這裡像北海道富良野, 很想一看, 但會臨去前看看開花情況或天氣是否合適先最後決定去唔去。 黃昏前會到湯布院住宿享受豐富晚餐及歎溫泉
(住: 吾亦紅)
第四天: 慢慢享受至十點半退房便往城島高原遊樂場悠閒的玩一天, 希望小朋友盡興。 又係黃昏回湯布院, 先到金鱗湖一遊再到酒店休息等食。 (住: 旅所佳舍)
第五天: 早上閒逛湯之坪, 午餐後便直往 Harmony Land 玩到關門五點半, 然後回別府的酒店。 (住: 悠彩之宿 望海) 註: 我們選擇這酒店主要是因為比較少酒店是食海鮮, 九州很多時食牛, 雞同豬, 見這間有龍蝦餐再加上他的評價都很正面, 所以期待一試。
第六天: 九州自然動物園, 在長隆都看過類似動物園, 興趣不太大志在一遊, 反而小朋友對外圍的小動物感興趣, 玩至下午食埋午餐便往杉乃井了。 希望三點前到讓小姐們可以在Aqua Beat玩餐飽。 (住: 杉乃井)
第七天: 行程一 > 往Space World 等小朋友可以盡情玩多次遊樂場, 但如果到時她們唔想去便有; 行程二 > 別府地獄, (其實興趣又不太大)再去 博多, 天神一帶行, 還車後回Canal City行街食飯, 最後返酒店休息。
第八天: 一早食完早餐便要打的去機場坐10:50am機回香港。
