6月30日 (星期三) 天晴
瞓到自然醒, 大家都精神奕奕去迎接玩程精彩的一天。 在聖馬可廣場的一間巴西餐廳食早餐, 肉類食品係有專人行埋你張枱叉俾你
水準一般, 隻太陽旦好鬼咸
妹妹好開心咁去攞咗杯牛奶, 點知唔好飲(因她以為好似北海道o個d咁, 期望高咗啫)
慢歎完早餐便行返去房準備游水, 順便睇吓邊度坐"貢多拉"!
成11點幾12點, 最猛太陽去游水, 地下熱到可以煎腳
不過小朋友一見到呢條滑水梯就v嘩鬼叫, 我哋兩老就暗叫"大鑊"! 大少就係咁企o係嬌陽下睇住兩位癲咗嘅小姐而晒燶咗...(梯口o個位人兄同飛奔上滑水梯的兩位小朋友就係團友喇!)
上上落落唔知幾多次...high爆!
好似真係幾好玩, 不過大人無得玩...
好鍾意呢張父女嬉水相, 又係好多歡笑聲...(唔好意思出賣咗大少)
小朋友池旁仲有兩個水深唔同嘅泳池, 呢個中朋友的(都有淺水區)。
最入的呢個係18歲以上先可以入, 其實水深關成唔成年咩事呢? 18歲都可以唔識游水喎
成個泳池區都好東南亞feel。
都晒咗好耐喇, 泳池又唔可以揸防晒, 再玩真係會晒傷o架! 返房梳洗後又去番美食廣場食午餐囉! Encore豆腐同蛋(唔好意思, 旦旦已經o係妹妹肚仔lu!)
今日食星加玻海南雞飯, 肉骨茶, 喇沙....好好味! 仲有澳門豬仔包同芒果沙冰....
一輪狂風掃落葉之後, 去做遊客坐貢多拉lu
其實就唔係好抵坐, 不過俾小姐們試吓!
有一年o係Tokyo Disney Sea都有貢多拉坐, 但那次寒風剌骨無坐到, 呢度雖然假假哋, 都叫做試過啦!
上船時有專人同你影全家福, 落船俾銀兩買咗套最平的。 周圍行見到呢間好多球迷鍾意的店舖。
賭場唔俾小朋友落去。
其實我有些想睇呢個表演, 但小朋友無興趣...因為之後會去另一個兒童樂園...
就係對面的新濠天地...
裡面嘅"童夢天地"喇! 今日小姐們叫做有穿長袖衫褲, 唔駛換衫。
一樣有彩色滑梯不過無布袋...
冰屋造型彈跳床...
幼兒區
電影區
遊戲機區
咁又玩咗兩個鍾。 諗住行過去Grand Hyatt食自助餐(朋友介紹話好食), 途經見到美人魚姐姐...
去到Grand Hyatt, 原來自助餐只係星期日午餐先有...於是又行返轉頭回威尼斯人...
終於食咗一個三個鍾的晚餐...點解? 因為小姐們話要食自助餐於是就去呢間, 點知一坐低, 兩位小團友已經體力不支瞓咗
就係咁, 大人食先, 等她們瞓醒就食第二輪...
今日連玩水陸遊戲, 真係榭晒!
7月1 日 (星期四) 晧熱
窗外景色, 對面係另一間將快落成的大型酒店。
今日早餐去返昨晚的餐廳, 不過早餐唔太得, d 包好似隔咗幾晚夜咁...
Check out後小團友要求去多次Q立方, 今次要俾錢喇, 成為每人$90兩小時(一位小朋友一位家長免費)。 再一次幫襯美食廣場之後, 本來想去科學館, 但去到原來休館...於是的士大佬就車咗我哋去永利睇願望樹。 好多人, 好迫人...等咗20分鐘倒終於有得睇。
棵樹出o黎真係好多人掟錢喎!
跟住帶兩位小團友去遊澳門入門版景點 - 大三巴! 嘩! 真係熱到好似火燒咁, 影到此一遊時旁邊的大叔都同佢老婆講"最熱o個日走o黎影相, 快d啦!" 大家咁話, 影完速閃!
返到威尼斯人要去買雪糕降溫...
三日嘅旅程話咁快又結束, 坐車去碼頭返屋企啦! 出自妹妹亂咁影的作品。
回程坐金光的船返香港, 都幾穩定。 家姐仔瞓咗無暈浪, 反而妹妹臨埋岸時"浪"到唔舒服。
呢三日兩位小姐真係玩得好開心, 話好玩過廸廸尼添! 訪問兩位小朋友那一個樂園好玩, 家姐仔話童夢天地多地方俾佢哋同其他小朋友一齊玩, 又有小餐廳可以食小食喎...而妹妹就鍾意Q立方, 因為佢愛上咗藍色o個條滑梯..但我兩老覺得童夢天地比較適合小的小朋友, 因多一些幼兒區, 而Q立方就o岩大少少的中童, 有電腦遊戲, 桌球, 同激點的滑梯。 不過兩個地方咁近, 如果去開緊係玩晒啦! 
相反家姐仔就飛得好爽
呢個美食廣場都幾掂, 食物水準唔係一般香港的food court, 好多都好好食。
