4月8 日 (星期四) 天晴
今日最後一日o係九州有行程啦, 瞓醒嘅感覺係"咁快又一日喇!" 起床在窗前再欣賞吓充滿渡假感覺嘅景色。
係時候起身啦, 就o黎食早餐呀 
有無"宜X傢C"catalogue feel呀?!
Check in 時已訂定早餐, 他們建議我們在餐廳食, 但我哋一致想在房食, 於是就有人準時送上豐富早餐喇!
早餐後, 先到外面走一走, 陽光好猛烈呀!
藍天, 白雲最適合出海啊!
我們在Outlet再行咗一陣, 小朋友又再放咗一陣電, 就係為等呢間九州特產市場開門睇吓, 不過就無收穫。
再行吓Outlet外圍。
有間好靚嘅教堂。
沿外圍行返去酒店攞車走喇! (相信如有機會再去Marinoa City, 唔會再見到呢個摩天輪啦!)
昨日入住時在大堂見到海之中道的單張, 小姐們同大少都對能古島興趣不大, 而且大少話唔好成日睇花啦, 俾佢哋玩埋去啦! 就係咁, 我哋便去海之中道海浜公園-----又踏單車喇!
今次一人一架! 呢度係櫻並木單車道, 可惜已開始散落, 如果唔係真係好靚, 好有feel! (現場睇比較粉紅的)
無幾耐就到咗呢個遊樂場, 睇吓佢兩個一支箭咁飛去玩呀!
家姐仔話呢種滑梯令個pat pat好痕, 好搞笑又好好玩喎!
妹妹最鍾意滑梯但咁高又驚, 要睇咗好耐先肯俾大少倍佢試玩咋!
大少同佢試咗一次, 佢發覺原來唔係好驚喎, 於是大少同家姐仔鼓勵佢自己玩。 睇吓妹妹戰戰兢兢咁行埋去
嘩! 發覺好好玩之後, 笑到咔咔聲呀, 好o野!
一如以往又係玩到唔知時間, 再三催促先再向前行。 去咗動物之森, 噢! 又餵。
原來呢度都有油菜花田, 都幾靚, 唔駛去能古島都睇到, 好開心呀!
上次o係九州自然動物園已經想抱龍貓/ 白兔, 可惜唔夠時間, 今次見到梗係要一嘗心願啦!
好肚餓呵, 唔記得食午餐添! 大少去揾食時, 小朋友就o係兒童廣場玩。
我哋在玫瑰園席地野餐, 好溫馨呀! 可惜未有玫瑰花又忘記影些相
個公園好鬼大, 有單車都要行好耐, 由於關門前半小時要還車, 我們雖然未去晒其他地方, 都要走喇! 經過五彩的滑梯 (有5隻色, 唔同高/彎度的), 梗係要玩陣先, 有幾好玩? 睇吓連狗仔都要玩就知啦!
呢條最無難度。 梯頂可以望晒摩天輪o架!
天色開始轉暗, 又係回程嘅時候...(哈! 今次旅程見咗好多個摩天輪喎!)
同西口嘅海龜講再見啦!
好快就到酒店啦! 一埋去check in就送上我的包裹--我的手機呀! 失而復得, 好感動啊!
趁未亂, 影吓間房先。 洗手間。
沐浴間。(唔知係咪Hyatt的沐浴用品係一樣? 香港都係呢四支o野喎!)
妹妹第一時間褸都未除, 就拆開酒店送的曲奇餅食喇!
睡床夠大, 舒適。
我們的訂了7:30pm在Aroma晚餐, 趁有時間先行吓Canal City, 明天一早走無時間啦!
我哋三位女團友好鍾意呢間舖, o係Marinoa City已經出咗一次血, 呢間又要放低少少銀兩lu。
都唔行到好多地方就夠鐘返去食飯啦! 剛巧有音樂噴泉表演, 勁舞Dancing Queen...我倆隻馬騮一邊唱"ooh...see that girl...diggin' the dancing queen...", 一邊跳....high咗! (相中係另外一家日本人, 如果唔係有人, 佢哋會企係中間跳!)
又靜番! 從酒店連絡道影的Canal City。
我訂房時揀晚餐唔揀早餐, 因價錢差唔多, 而且明早8點就走, 食唔切酒店早餐lu!
我們被領到balcony位, 可以一邊晚餐, 一邊聽lobby的live band。
頭盆, 唔記得係咩, 不過好好味!
外脆內軟的法包, 香醇的橄欖油, 再加上烤焗得剛好的蒜頭, 一塊麪包都令人滿足。
由於訂房套餐唔包小朋友o個份, 而且她們兩位其實想去食拉麵, 所以叫咗比較簡單的食物給她們。 妹妹的漢堡扒。
家姐仔的三文治。 不過入面有mustard, 家姐仔唔肯食, 情願留肚食拉麵喎! 大少鼓勵家姐仔, 叫她請主廚出o黎傾計, 問他點解小朋友的三文子會用mustard? 家姐仔梗係唔敢啦! 不過大少真係想架, 但我自己試過真係有好食些, 但小朋友就唔係咁o岩口味囉!
似乎係洋蔥湯, 好飲!
唔知咩魚, 又係好好味!
o黎個雪芭清清口腔, 去迎接下一道菜。 (不過這個俾兩位小姐分享咗)
燒牛仔肉, 好香濃的醬汁, 有5小塊, 但我要食埋小姐的那份, 真在太飽只可以食一半, 其他大少搞掂!
比較一般的甜品, 可能我哋唔好tart吧! 嘆埋杯咖啡perfect!
好輕鬆, 愉快咁食完晚餐, 趁有少量店舖未關門, 又順便散吓步幫助消化。 我們在一家藥房又偶上韓國團, 可能韓國同福岡近, 成日都梗有一, 兩團o係左近! 佢哋的推人文化同我哋祖國的打尖文化可謂各有千秋...勁! 
今次家姐仔負責買票。
開餐囉! 我哋兩老唔食, 於是就好似罰企咁企o係後面, 好攰呀, 食快D啦!
呢晚, 大家都好夜先瞓, 好似唔想咁快就旅程完結咁...因為真係唔知幾時會再o黎九州(日本太多地方想去, 應該無咁快再去九州啊!) 望着窗外夜景, 雖然不是特別美麗, 但係唔知點解凝視着對岸...直到真的倦了才去睡。
我都有行Mother Garden有衝動想買，諗諗下..可能淘寶會有於是忍手，果然不出所料，返嚟淘寶慢慢Shop..Hehe.
回覆刪除[版主回覆04/27/2010 12:46:00]我公司有一班淘迷, 我又點會o係日本買Made in Cxxxx嘅o野呢 , 我只有買日本製造的東西。 那些傢俬, 玩具只會上網買啊! 如果你買大件的東西, 叫賣家包好些, 因我上次買的梳妝台運送時整爛咗個角。 同埋佢哋都講明有些貨如部份係日本那邊負責的貨件, 他們不包 (如梳妝台的小朋友化妝品)。Happy shopping la!
估唔到這個海之中道公園都幾多野玩 ，搜集資料時以為只是水族館而放棄了 ，走寶 。
回覆刪除[版主回覆05/08/2010 16:42:00]個公園真係超大, 仲有些地方未玩添o架, 不過如夏天去就要考慮吓, 好空曠好晒!
You book Hyatt from Jalan or directly from the hotel Webpages? I can't find plan with Dinner only. Please suggest. Thanks.
回覆刪除Btw...do you know whether they charge extra for kid of 2 yrs old?
[版主回覆05/13/2010 11:40:00]係經Jalan的, 可能已經無咗呢個plan掛, 不過你可以多留意, 經常有新plan出啊! 床很大, 我兩位小朋友都沒有加床及加錢。 仲有, 就算你係經Jalan, 他們都很快會自己contact你確實訂房及用餐內容
真係好有宜X傢C"catalogue feel呀! 有得選擇 , 一家人當然係屋入面食好啦 , 你地成個旅程多數遇好天!
回覆刪除我兩個成日都養龍貓/ 白兔之類 , 我地唔比 , 因為有事會好傷心 , 如果再訪九州經開一定要留意!
[版主回覆07/11/2010 11:16:00]係呀, 除咗第一, 二日落雨但在室內多, 所以好感恩呀! 至於養小動物我都有些分享~我係有少少潔癖的(強調只係少少), 一路對養動物都有保留, 但大少好鍾意貓貓, 講咗好多年我都反對, 直至到兩位小朋友兩年前加入埋"哦"我要養, 咁o岩同事又收養兩只BB貓問我可否養一只, 就係咁開始養貓。 初時都唔太習慣, 但原來貓貓本身好先自律, 好清潔(當然清理便便係要主人做)...後來其他原因養埋另一只添, 其實貓好有性格, 好容易處理, 只係去旅行時如工人姐姐又咁o岩要返鄉下先要找人代養。 如果你兩位小朋友想養小動物, 真係唔好養龍貓/ 白兔/ 倉鼠之類, 因一來壽命短, 二來其實這類小動物本身不太董自我清潔, 三來牠們不會同人類有交流, 只有你對牠有感情, 單向交流...養動物對小朋友認識生命有好大幫助, 小朋友會學識同理心, 愛心及學會照顧, 就算小動物不幸去世, 可以讓他們學會面對及正面地認識死亡...而且傷心及處理傷心都要學習的...不過養之前要同小朋友約法三章, 要尊重生命, 要一生一世照顧小動物先可以養啊!