2010櫻花初見之北九州 - 第十天 (返香港)

4月9日   (星期五)   天晴

又係唔駛鬧鐘響就起床,  那就早些吧! 反正想落街行吓, o黎到福岡都無正式行過, 而且都要去買早餐給團友啊!  早上的Canal City好靜, 同昨晚相比好大分別。

只有一家有自助早餐嘅餐廳開咗, 於是過對面的便利店買些三文治做早餐吧!

從對面影過來的酒店及商場。 再沿河散了一陣步, 那條河其實有點似沙田的城門河, 但城門河好些。

返到房再影下窗前景色。

終於都要走啦, 我哋都比預定時間晏咗半個鐘先出發。

先到油站入滿油, 就o係臨出油站時, 有個西裝友踏住單車閃出o黎, 大少已經左望右望好小心吓, 車頭整花咗佢對靚鞋少少, 佢係咁話我哋, 但知道我哋係遊客就大概係叫我哋小心D就走, 好彩無撞到佢咋, 唔係就大件事喇!就係咁又阻咗一陣, 加速去機場還車呀! Toyota福岡空港店好唔方便, 還完車要推行李去對面馬路再坐shuttle bus去國際空港, 我見到條馬路就同店員表示我們不可能自己推5件行李再帶兩個小朋友上天橋過對面, 他們便車我們到對面。 我好奇怪點解唔車我哋去埋國際線o個邊, 原來都有段距離, 我們坐shuttle bus都坐咗好耐 (架車行得好慢,30都唔知有無, 中途又要俾返工的日本人落車...於是去到國泰櫃台已好趕, 立即過海關呀!

順利入到候機室等上機啦!

都係坐番呢款舊機, 停桃園機場。

小朋友去到桃園機場最後一擊玩一陣C3 Kitty遊戲區, 下午3點就按時返到香港lu! 一切又回復正常, 心情有點忐忑, 失落, 要時間適應啊!