2010櫻花初見之北九州 - 第八天 (豪斯登堡 > 佐世堡 > 福岡)

4月七日   (星期三)   天晴 (強風)

清晨被些呼呼聱, V...V...聲的強風吵醒, 望窗外好似打風咁但又有太陽喎!  見瞓唔番就早點起床看看電視吧!  原來真係有強風警告呀! 

早餐在地下的一間餐廳, 可能早唔係太多人。

食飽飽又出去踏單車。  呢個花鐘好靚呀!

昨天我已用晒"小宇宙"去控制架單車, 今早D肌肉好痛, 手震腳震完全唔可以同妹妹坐單車, 而且好大風, 我一踏上車已經被風吹跌, 好危險。(其實好大壓力, 妹妹坐後面比較難平衡, 自己技術又唔係好, 仲受咗傷添!) 大少話不如早些還車吧!  於是還車前在活動中心外, 大少同兩位小姐輪住玩, 成個廣場都聽到佢哋嘅笑聲!  負責租車的係一位荷蘭人, 佢見我哋玩得咁開心, 仲俾佢架自製的三輪車給三位團友玩。

同友善的荷蘭人講再見後, 我們便步行去森林小屋o個邊。 環境相當唔錯, 如有機會住吓呢邊都好喎!  不過唔知幾時。

團友好鬼鍾意餵動物, 早餐已有所準備帶咗D包o黎餵鴨同天鵝, 佢哋又好知"掟"咁游過o黎喎?! 真奇怪!

森林別墅不遠就係豪斯登堡皇宮, 先進入前園。

再入後花園。

迷你版歐洲小城堡, 其實係博物館, 不過無上去參觀。

呢度有淺紫色的鬱金香呀!  好鍾意呀!!!....

再行返去酒店check out。 碼頭與Tower。

妹妹話: 等我o黎!

請酒店將行李送出出國口後, 又去玩多陣先。 坐馬仔。

探吓Miffy!

又助養吓呢隻兔

再經過阿歷山大廣場。 無睇呢套戲, 哈日媽媽話哈日爸爸悶到瞓咗o架!

本來兩位小姐要睇多次太空電影, 可惜今日有學校團體o黎玩, 好多人! 無可能排到(因要12:00前走), 咁就去Trick Arts美術館玩吓啦!

今次係第三次玩trick arts喇, 團友其實興趣不大, 但我就覺得好有趣喎!

要同呢個靚景再見啦, 雖然好多人覺得呢度好悶, 但我哋一家人就好享受。 將來小姐們大個點同她們去歐洲睇真嘅靚景!

臨出國前去埋Teddy Bear Museum先。

其實點解呢隻熊會有咁多Museum, 我覺得Hello Kitty都可以有番個喎!

在正門我再三回望, 原來真係唔捨得, 可能不只因為美麗的景色, 而係我哋o係呢一整天(足足24小時)實在很愉快, 很多笑聲...好一切已經在心裡! 出發...

約半小時車程就到咗九十九島的"燒蠔海上小屋"。 應該係魚民自家開的小店。

海報的老伯應該係店主, 就係佢招待我哋啦, 佢好似幾出名, 因有好多日本明星去過呢間小店(相架的相), 我哋食食吓又有人來訪問佢!

850yen1公斤, 約有十多隻, 我哋要2公斤, 兩隻螺同一隻龍蝦。

雖然唔大隻但超新鮮, 好味!

有無流口水呢?

燒蠔嘅香味吸引到妹妹, 佢主動話想試吓。 嘩! 不得了, 一試就停唔到口, 食完一隻又一隻, 快到燒唔切俾佢。 佢一個人搞掂十幾隻, 我已經命令佢唔淮食咁多, 她對某些海鮮有敏感, 唔知對蠔會唔會啊!

睇吓兩兜蠔有一兜妹妹食晒!  家姐仔就咩都唔敢試食(玩同食兩姊妹各有強項), 所以龍蝦係為佢而要的, 呢餐係午餐喇, 唔食就餓到晚餐喇!

咁又嘆咗兩個鐘, 大少好滿足好開心!  由於o係豪斯登堡同燒蠔都用多咗時間, 我們唔去鳥栖Outlet直接回福岡Marinoa City了。 呢間Marinoa Evergreen Hotel真係要讚吓, 事原我一早已留意Jalan呢間房嘅plan, 但遲遲都唔出4月, 直到3月尾我覺得好奇怪便直接電郵問情況, 他們說由於摩天輪會4月拆卸, 怕有噪音影響住客, 所以沒有在Jalan出4月。 我表示很喜歡這裡, 而且工程在日間應該對我影響不大。 他們見我咁"欣賞"間酒店就租俾我, 仲計番我Jalan的3月價添! 其實工程在4月20日開始, 我都飛咗返香港啦!

睇吓, 係咪令人又有渡假嘅感覺呢!

小姐們從網頁見到呢條梯, 就話一定要呢間房喇!

閣樓係睡房。 不過呢間房缺點係唔可以加床。

如果我有間咁嘅屋, 再有埋出面隻艇就好囉!

明亮又大的沐浴間。

住呢度第二個原因係方便自己行街, 三位團友去食晚餐時, 我就用個半小時行咗呢個outlet一圈, 自己買麥當當蝦堡套餐就OK喇, 好合乎時間效益

酒店一出去就係食店同Family World, 那些童裝好貴, 完全唔係outlet價, 一件都無買! 反而買咗好多生活雜貨。

他們倍我行咗一陣, 見到呢度, 唔駛問都知又玩啦!  仲唔攰到謝晒?!  返酒店啦!