4月4日 (星期日) 天晴
瞓飽飽, 精神爽利。 食過自備早餐又係出發嘅時候喇! 車後左邊有小露台的就係我哋間屋呀!
呢間屋o係對面, 本來想租的, 但我見我們的房有3張床便揀o個間, 但現場睇又好似呢間好D喎
湖畔入口。
轉個彎再出少少就係金鱗湖, 我諗比較少人從呢邊影個湖。
天色很好, 可惜湖面沒有霧氣, 如果有會更靚!
再駕車出番對岸, 招牌金鱗湖。
由於唔知會泊幾耐, 我哋揾到呢個停車場, 收費合理!
湖旁邊有呢間手打そば, 團友好有興趣咁睇咗好耐。
我哋同其他遊客反方向行, 即由金鱗湖行去B Speak的方向。 沿途有好多有特色的屋、小店。 屋頂的老伯在換盆栽。
湯布院美術館
玻璃之森
呢間小店相信10個女仔9個都會去買Kitty福袋, 當日有3個, 俾我掃咗兩個, 但下午唔見店員加貨。
Kitty店對面就係貓屋, 好多唔同種類的貓精品, 我家有養貓, 留o係呢度時間又長D囉!
我都買咗唔少o野呀!
無幾耐又有狗屋, o岩晒養狗人士。
今朝未飲咖啡, o黎呢間買木製品的店子樓上有咖啡店。 懷住開心心情入內, 點知俾個態度奇差的店員搞到好唔開心, 我們的咖啡及小姐們的芒果汁都好飲, 但對他們的服務就真係好不滿, 好似好唔想招呼你咁, 你不友善我又不友善的望番她, 佢先收歛少少
行行吓入了橫街, 有些賣地道產物的店舖。
好古雅, 別緻。
在呢間甜品店買了布丁和手信, 幾好味!
行吓, 食吓街頭小食如燒雞串, 豆沙栗子餅...又到鬼太郎店, 但我兩位小姐無興趣入。
龍貓店, 由於不久前先o係名古屋買咗好多, 所以大少唔俾再深入咁行
無幾耐就到咗地圖上的兒童中央公園, 原來係咁嘅!
玩吓先!
Monchhichi, 妹妹又有收穫啦!
去到湯之坪街頭就係B Speak, 但店員話早上的一輪已賣晒, 要兩點先開始再賣, 咁午餐後先再o黎啦!
行返去湯之坪揾食, 路過呢間旅館"Hana村", 曾經有諗過住呢間因為在湯之坪中間好方便, 但最後都無揀。
好多旅遊書(香港, 日本都有)介紹呢間食店, 真係好多人喎! 小姐們話想去番一開始見到那間麵店, 於是我哋就放棄呢間喇...
又向金鱗湖方向行去麵店。
都好多人排, 我哋寫底名再排隊等位, 大少同小姐們就去湖邊餵魚(因今早小姐話要餵魚, 大少就去A Coop買咗包魚糧), 我就等位。
從金鱗湖望"泉"。
有位啦, 都唔係要等好耐啫!
呢個係甜品掛? 有點似"林"咗嘅年糕再加些豆做嘅粉食。
一人一份 (其實無咩揀), 都幾好食! 走時他們還送4個黑糖做的豆沙餅給我們呢!
剛好兩點, 再返去B Speak, 好多人呀, 我都排咗15分鐘先買到咋! 就係受到影響, 怕買少咗, 於是好唔理智咁買咗普通味同朱古力味各一卷, 買完都覺得"傻架"!
經過由布院駅, 我哋就向久住花公園進發...
我哋好悠閒咁行, 都未行去民族藝術村o個邊都用咗4個鐘, 又有藉口再o黎
沒有留言:
張貼留言