2010櫻花初見之北九州 - 第七天 (豪斯登堡)

4月6日   (星期二)   天晴

早睡早起身體好, 再食個豐富早餐真係好嘆!  不過突然很嘈俾驚醒咗, 原來旅行團殺到, 既然食完就速閃...o係酒店周圍行吓。 嗱, 真係每間房都向樂園o架!

回房收拾又要同咸旦超人Say goodbye啦!

前兩編咪話阿蘇的湯巡追莊有驚喜嘅!   故事就係, 我每日都會用手機做鬧鐘, 但昨晚發現手機唔見咗, 諗好可能係在遊樂場唔見, 但又好似唔係, 大少打咗我電話好多次都無人聽, 已經諗住算吧! 無辦法啦, 都唔知o係邊唔見。  今朝大少死心不息再打電話, 有人聽呀, 不過雞同鴨講咗一輪, 大概知係湯巡追莊的人接電話, 為免浪費長途電話費, 我們先收線, check out時請酒店接待員幫忙打電話去湯巡安排點攞番部機...經過再一輪寫紙, 身體語言嘅溝通, 終於係湯巡會寄電話去福岡Grand Hyatt, 以確保我收到。  好開心, 他們肯咁做 咁我哋又開開心心出發囉!

睇吓大少開到140, 唔好以為好怏, 旁邊的車仲狼, 係咁飛逢車過車。

就係咁由熊本飛去豪斯登堡, 唔駛兩個鐘就到。 先在外圍的酒店接待處寄存行李及取入國護照, 就開始這個花花之旅喇! 

呢張係家姐仔影的, 佢同我爭相機玩呀!

其實呢間ANA酒店都幾靚, 不過始終都係園內酒店方便些。

有幾次都想坐船, 但太多o野想做最後都無坐到。

準備好未, 花花世界o黎啦!

D鬱金香真係靚到不得了, 又令我諗起究竟久住花公園點解會無花呢?...

淨係呢個範圍我哋都留咗好耐, 唔捨得走呀!

再o黎風車加鬱金香經典組合。

我最鍾意呢個配搭, 白色鬱金香加紫, 白小花...靚到想帶返屋企呢! 同埋呢種鬱金香好大朵o架

再行到廣場玩遊戲。

呢個有D似東京廸士尼的Peter Pan, 都幾好玩, 可能太黑, 妹妹有少少驚啊!

小女巫加小貓好可愛呢!

跟住就玩呢個主打遊戲, 其實係睇戲。 入座前每人都要影相, 咁你就會係劇中的其中一個角色。 好搞笑, 妹妹係好忙嘅控制室人員, 家姐仔係隊長助手, 大少就係隊長, 而我就係4位女長官其中一個(唔記得實際係咩角色), 我同大少有對白o架! 睇完就買番自己的太空相, 好值得留念呀!

之後去咗Kinder Gym, 又放電啦!

佢哋似唔似倉鼠呀?

有兩層, 下層玩動的遊戲, 樓上玩靜態的小玩意同幼兒玩具。

俾小姐們發現咗呢個場, 點會放過吖! 不過要另外收費, 唔抵玩!

跳完一輪又去睇呢套關於水嘅效果演出。

之後又去Mirror Maze玩, 小姐們成日撞埋鏡到 行咗一陣市集就去阿姆斯特丹酒店check-in先。

唔知係咪加咗床, 好似無網頁相片咁大嘅?! 為咗慳些錢, 我們無訂向碼頭的房, 因為反正都唔係一定要睇煙花。

我最欣賞呢個洗手間的設計, 好方便啊!  洗滌盆後面就係梳妝台。 可以兩人共用空間做唔同的梳洗程序。 水龍頭係廚房用的伸縮喉, 好少酒店有啊!

酒店的花園。

稍為休息又去玩囉!  沿途景緻好浪漫好舒服, 有去咗歐洲嘅感覺 。

去塔頂參觀吓先。

呢個電梯樓層顯示好特別呀!

碼頭, 觀光丸一帶。

森林小別墅。

正門風車區, 好似玩具咁。

有被鬱金香包圍嘅感覺, 路口, 樓梯都有"她們"的蹤影。

每個角落都似一張名信片。

到5:30PM我們就去租單車作這兩天的交通工具 (因第二時段係由5:30PM至翌日的10:30AM)。

Activity Center 有唔同的手工班, 有時間可以參加。 不過這中心有不善之處, 就係我一踏架單車已經整傷咗, 想問她取膠布, 但竟然無喎! 呢D唔係活動中心應備的東西嗎?

路經目標晚餐餐廳, 諗住睇吓環境, 點知休息喎?!

有單車真係幾方便, 又去咗另一邊逛。 呢期家姐仔做咗攝影師, 不停咁影。

家庭的四人車俾人租晒, 唯有租雙人車同小童座位車, 呢架係我嘅, 但因為車身好重再加上妹妹, 我成日控制唔到架車, 所以家姐仔影相時, 大少同妹妹飛咗一陣車, 好爽呀!

又去番Teddy Bear Museum, 原來已關門, 於是o係旁邊的精品店放底銀兩。 (後來先知入博物館有精品店優惠卷, 早知明天先買o野啦!)

又返去Tower內的餐廳, 有間食日本o野的。

佢哋就係家中新成員喇!

家姐仔同妹妹的晚餐。

我的魚生套餐。

大少的魚生飯。 可能做咗運動好肚餓, 食物特別好味!

其他人走晒得番我哋咋!  慢世魔王一族。

夜晚都幾靚o架!  豪斯登堡版"眼鏡橋"。

食完飯唔記得幾點睇煙花又唔想食風, 於是返房休息lu! (當晚好大風, 基本上唔想o係戶外逗留)