2010櫻花初見之北九州 - 第二天 (別府 - 杉乃井)

4月1日 (星期四) 雨天

出發前已看過九州的天氣, 知道頭三天天氣不太好, 陰天有雨 好彩今天安排了在杉乃井的水上樂園玩, 影響也不大 

由於酒店只訂素泊, 我一早便出去看看有什麼東西買給主人們做早餐。 嘩! 好大雨啊! 我只帶了兩把縮骨遮應該唔夠, 要買多兩把長的呢!   其實昨晚見到MosBurger已經決定今早食咩, 再買些咖啡, 牛奶, 三文治就搞掂!   好! 出發了, 我們先去行吓無印呀, 100yen店呀咁 (係咪好無聊呢!), 最緊要係去大丸Sanrio買Harmony Land的票, 一個人平800yen, 4個人共3200yen o架!

去到大丸, 我哋一家又發揮"hea"功, 行吓行吓原來無時間食午餐啦....於是就在大丸supermakert同foodcourt買咗好多食物上車食。 提提大家, 買5000yen以上有1.5小時免費泊車的。  我哋沿途都見到櫻花的但也不太多, 有些櫻花樹都只有枝幹了!

天氣慢慢好轉, 只有微雨 我們在車上好忙, 又要食, 又要影相....約個半鐘便到杉乃井了。 我本來只係訂了本館的和洋室, 但去到本館門口他們說我們已被調到Hana館, 好開心呀, 因為新D又大D, 在成個酒店中間又方便點!

酒店大堂都幾大, 對住一塊大落地玻璃看到別府灣的。

好雅致的日本園景同遠望別府灣。(唔可以出去, 隔住玻璃的)

我們的房間對住AcquaBeat同山景, 都唔錯吖!  又睇吓房先。

小小的走廊最後係放置行李的地方。

晚上會有專人在和室開tatami, 本來諗住小姐們瞓的, 但妹妹驚, 終於都係我同妹妹一組, 大少同家姐仔瞓床。

浴室就舊點, 但都整齊乾淨牆磚有花花的, 配合Hana主題。 見到妹妹已換好泳衣嗎? 她們真係好期待又心急呀!

係咪有點搞笑, 穿浴衣再套上水泡 有陽光添呀!

水上樂園比想像中細。 小姐們一到就飛咗落水啦! 妹妹話咁快已在水中央, 家姐仔直頭影都唔見。

室內溫度好熱, 我要影相沒有落水, 熱到大汗疊細汗....另一角度。

有浪啦, 所有人從四方八面跳晒落水, v嘩鬼叫好熱鬧呀!  這裡樓底高, 咁多人叫都唔係太嘈, 幾好。 見到對面有陽光的地方嗎? 是室外泳池, 溫泉水熱的!

大少倍家姐仔玩滑梯, 她第一次好驚, 但又想再玩, 玩咗幾次。 日本人好注重安全, 家姐仔泳衣前有拉鍊要穿上他們的T-恤, 頭飾也要除下。

妹妹好細膽唔敢玩, 她去了旁邊的兒童池玩。

後來家姐仔倍妹妹又玩一陣。 都玩咗兩個多小時便回房梳洗準備去食晚餐啦!

AcquaBeat對面的棚湯。 酒店所有地方住客係有連絡道通過的, 不用行出街啊!

這是晚餐地方 "Seeds", 後來補拍的, 所以無人。

睇吓, 其實好多人o架! 食物水準同選擇, 環境, 服務都幾好, 唔錯! 仲有專人同你影全家福, 1000yen唔該!

這是自己整的魚生飯, 魚生OK啦!

食飽飽周圍行吓。 Seeds旁邊就係溫泉(不是棚湯), 但我們訂了家族風呂, 唔浸呢個啦!

再行去紀念品/土產店, 但無收穫。

在博多買的煙花, 揾個空地俾小姐們玩。 妹妹好似打功夫咁

晚餐消化得差唔多便去家族風呂啦!

先要行出露天的地方, 右手有燈的屋便是家族風呂, 都好寒吓又有點微雨。

一入門便是更衣室。

個風呂好開揚, 日間會仲好。 好舒服啊!

全身都暖晒, 好滿足咁返房休息喇! 雖然今日只係在酒店, 但好充實, 大家都瞓得很甜呢