4月5日 (星期一) 天晴
大約中午到Verde Hotel, 我們先寄存行李, 取了Greenland的入場卷便入園玩囉! 酒店正門。
去到先知原來咸旦超人館o係酒店對面, 只係斑馬線之隔, 如果家中小朋友係仔, 呢個地方好o岩玩, 一地兩園。 不過酒店係唔包入場, 只有割引卷。 Greenland就只包入場卷, 如想要pass就要自己買, 其實無咩"so"
最近酒店係西口, 一入去就係小朋友遊戲, 氹到妹妹試玩呢個, 一開機佢已經側晒去大少o個邊, 企圖攬住爸爸, 落番o黎就唔肯玩其他遊戲喇!
恐龍過山車, 家姐仔有話想試, 但我同大少都覺得佢未得, 對她太激
園內其中一個超人。 呢度好熱, 同幾個鐘前o係阿蘇火山真係一個冬天, 一個夏天, 熱到想換短袖衫呀!
又係呢個遊戲, 家姐仔一見到就唔理我哋走去排隊玩喇!
小朋友玩的時候, 我去賞櫻, 園內還有少量櫻花
食過午餐小休一會又係高級組出動時間, 尾二個架係大少同家姐仔呀!
基本上 家姐都玩咗樂園8成遊戲, 妹妹今日就好悶, 咩都唔敢玩, 心情唔好, 我就倍她食吓小食打發時間...早知妹妹唔駛買pass喇! 呢個小吊車係接駁兩邊入口, 唔駛人行咁遠。
個樂園都幾大吓, 淨行都攰o架, 都唔明小朋友點解仲有氣力跳彈床, 仲係幾次, 我已經瞓咗o係對開草地...妹妹終於可以回本啦!
呢個妹妹玩得好開心, 雖然係亂打。
又見到麫包超人遊戲喇, 上次o係名古屋妹妹無玩, 今次玩番先。
小姐們玩到最後一分鐘先走, 唔記得去室內遊戲室添!
在接待處取房卡上房。 睇吓先, 似乎所有房間都係對住樂園喎!
浴室, 洗手間和茶水櫃o係出面。 加了兩張床給小朋友呢!
從電梯影的摩天輪加咸旦, 幾靚!
今晚食自助餐, 雖然食物種類唔多但都幾好食, 有個海鮮湯極好味, 好似龍蝦湯咁香濃, 我哋飲咗好多次
有諗過去浸溫泉, 但當見到有兩團韓國遊客就打消呢個念頭, 早點返房瞓吧!
呢度好岩我兩個仔喎，如果有埋Pokemon Center就最好喇！
回覆刪除[版主回覆04/23/2010 00:20:00]少一次Pokemon唔係問題嘅, 可能因為咁鍾意埋咸旦超人呢!
家姐仔好叻較大膽d喎, 可以玩到8成機動遊戲, 相比我兩個女佢哋較細膽, 可能到最後佢哋睇住我一個人玩咋.
回覆刪除[版主回覆04/23/2010 00:23:00]你都夠膽玩o架!? 我見到都驚呀, 老咗心血少唔敢玩喇! 家姐仔真係心口有個勇字咁, 咩都話想試
你個行程真係完全為小朋友度身訂造，每日去不同的主題公園 。
回覆刪除[版主回覆05/08/2010 16:50:00]其實九州真係好適合小朋友去, 仲有幾個樂園無時間去埋咋! 依家佢哋係小朋友咪盡情玩小朋友地方囉, 將來大個就要倍番我哋兩老遊山玩水喇! (希望係咁!)
如果再去九州想去呢到 ,始終男仔咸蛋超人有情意結...
回覆刪除[版主回覆06/23/2010 15:19:00]春天去啦, 可以去埋小兔家族公園, Kids Driving School...如你不是自駕, 住埋呢間酒店, 方便一天玩Greenland, 半天去咸旦超人樂園, 相信樂樂同晴晴都滿足到
想請問呢個樂園係咪即係叫greenland呀?幾多錢入場?唔駕車難去嗎?thanks.
回覆刪除因為同囝囝11月尾去九州.
[版主回覆09/09/2010 14:09:00]男孩子一定要去呢個樂園玩, 因對面就係咸旦超人樂園, 最好住一晚, 一整天Greenland, 半天超人樂園, 可上這個網睇詳細資料, 有埋搭車方法 http://www.greenland.co.jp/index2.html 玩得盡興d啦!