4月2日 (星期五) 陰天
昨晚浸了溫泉特別好瞓, 今早一早自己去浸杉乃井出名的"棚湯", 我好少去大浴場o架, 不過呢個湯真係好吸引啊! 我帶埋相機天真地以為可以趁無人影吓實地環境, 但一出通往棚湯條路, 好多人呀! 入到溫泉入面已經有成村嘅村姑, 好不熱鬧啊! 於是我只好好鬼鬼祟祟, 手震震咁影咗外面的環境
呢邊係男湯
從官方網上的圖片。 唔知係咪因為多人, 現場好似無咁靚, 不過就真係超舒服, 一邊浸一邊望住別府灣, 歎到吖 
返房報告俾大少知, 但佢竟然怕醜唔去喎! 
歎完早餐就去遊戲室, 因晚上6時後小朋友唔入得, 兩位小姐已經鐵定今早一定要玩, 咁我哋兩老梗係奉倍啦! 家姐仔玩賽車。
妹妹就用酒店送的代幣玩呢個幾無聊的遊戲 (因其他遊戲要入yen, 要用晒代幣先唔好嘥)
我哋呢兩日o係通往各設施的連絡道來回不知多少次, 唔好講笑原來都行咗好多路! 這是其中一景。
昨晚的家族湯。
玩完一輪要走了, 臨走前影底窗外風景。
準備好便向九州自然動物園出發。
轉出杉乃井無幾耐就見到好多櫻花, 於是停車初見美麗的櫻花
由杉乃井去動物園不遠, 但要上山的, 氣溫明顯下降, 好凍吓! 我們訂不到動物園的觀光車, 於是自鴐參觀。 佢哋一D都唔怕車, 係咁走埋o黎
見到有人餵食物, 架觀光車就俾動物包圍住喇!
動物大佬要過路, 大家都停車順便近距離同佢哋打招呼。
長頸鹿小姐想走過o黎同我哋say hi, 妹妹好興奮咁話"我想打開窗呀!" 隻手仔已按掣, 嚇死我哋3個, 好彩係長頸鹿姐姐, 如果係獅子大佬就...
一見駱駝就諗起好耐以前有個廣告, 年紀差唔多的應該知我講邊個產品
那些獅子, 老虎瞓晒, 花豹又瞓到老遠唔同我哋玩, 咁我哋就去同小動物玩囉! 真係好凍o架, 震晒o架!
家姐仔要騎馬仔。
妹妹話唔想騎, 要餵羊咩咩!
兩姐妹餵完一輪小動物後, 便去了貓屋睇貓貓。 其實小貓們唔係好睬人。 由於我家都有養貓, 三位主人又玩到唔願走, 要我再三提醒仲有好多地方去先好唔願意離開咋!
之後去了小姐們比較難見到的袋鼠區。
好近距離o架, 幾驚妹妹太熱情俾袋鼠哥哥"星"佢兩把...
嗱!嗱! 就係咁互"星"喇!
時間唔早了, 雖然未去晒其他小動物區, 但係時候去下一個景點啦!
其中一間小餐廳。
Bye bye!
下一站, Harmony Land!
以為一般都係香港女仔怕醜d, 但估唔Daddy會喎...... 原來個九州自然動物園可以在園內自駕遊覽, 幾好喎. 沿途櫻花好靚.
回覆刪除[版主回覆04/14/2010 16:49:00]佢其實以前試過喇, 不過佢話成班男人一齊沖涼好"核突"喎, 所以佢咁鍾情私人風呂囉!
自鴐可以更掌握時間, 邊D動物想睇耐D可以自己決定, 所以訂唔到觀光車都唔覺太可惜
我都差唔多時間去，不過無去依個動物園。小女對動物興趣不大。Harmony Land小女就大滿足。又唔使點排除就有得玩，雖則細啲但佢玩得好開心。
回覆刪除[版主回覆04/15/2010 12:34:00]原來你都係31/3去九州 動物園係大少想去的, 所以都到此一遊囉! Harmony Land好多人都話好舊唔太值得去, 但可能我哋都幾鍾意Sanrio的公仔, 又適合女仔玩喎, 趁兩位小姐仲細去就o岩啦! 而且去到我又覺得舊舊哋都幾靚吖, 個樂園size又o岩晒半天遊, 幾好呀!
睇黎自駕入動物園都幾得人驚喎，佢地果度D車好難book架？
回覆刪除[版主回覆04/20/2010 14:16:00]唔得人驚o架! 基本上D動物係唔會理你! 唔知難唔難, 只係上過一次睇有無位, 滿咗就算囉!