4月4日 (星期日) 天陰
由湯布院去久住花公園都要個多小時, 途經往九重夢大吊橋的路口, 不過時間已不早沒有去了。 之前十分期待去這花公園, 旅遊書話有九州富田之稱喎
終於到喇! 可惜天色不太好灰灰的又多雲。
入到園內, 真係超...勁...失望呀
懷住少少希望, 去另一邊的花田。 呢塊係鬱金香田, 仲係葉咋! 4月囉喎?
基本上所有花田都未係時候, 如果保險些4月尾5月應該會幾靚, 但個人覺得北海道靚好多啊!
小姐們都好失望, 唯有在花田間穿插, 嬉戲一番!
呢塊花田叫做多些色彩啦!
又凍又無癮, 於是慢慢散步離開吧!
這些水仙係一間小店門外的, 係成個花園最燦爛的花兒啊! 今期"妳"靚晒
近花園正門一個地標擺設, 再見啦!
離開花園便向湯巡追莊出發, 路經見到好多鹿, 三位團友二話不說落車餵鹿, 大少好忙咁割草, 小朋友好忙咁餵!
原來呢度就係動物園藝花園喇!
天色已暗, 比較失色 (人家的網誌好清楚好靚o架!)
又無嗱嗱玩一餐飽先再上路。 到喇! 好彩對呢間旅館有晒心理準備, 所以感到幾有趣, 都未見過接待員咩都要做, 真係忙到不得了, 但又好有效率喎!
他們派咗位會普通話的大叔帶我們入房及介紹酒店設施同訂用餐時間。
家姐仔研究點用部DVD機, 諗住今晚借影碟睇。
呢個就係我哋嘅私人風呂, 雖然旅館有十幾個唔同的溫泉給住客享用, 但經TwinSister的提點, 決定租呢類房。
大少好欣賞呢個風呂, 唔好睇佢無咩特別同唔太美觀, 但大少話其實好先進, 佢見到有個無線電水溫監測器, 成個旅程大少最喜歡呢間房。
換過浴衣便出去行吓, 睇吓有咩玩。 我們算比較遲入住, 小朋友浴衣只有幼兒碼, 小姐們穿了吊腳又無款揀的浴衣有些唔開心, 不過我安慰她們都係志在參與啫! 好快就開開心心去玩啦! 有沙冰食咩都無所謂lu!
旅館膳食真係一般, 我們的海鮮鍋無咩睇頭, 大少想追加豐後牛做火鍋料都唔得, 因menu只有牛扒, 激死!
小朋友餐又係炸物同旦包飯。
每間房都有自己的用餐廂房。
飯後再去番大廳食吓甜品放題, 玩吓抽獎咁。
再去按摩吓! 好舒服呀!
大少帶兩位小姐去玩兵乓波同Bingo, 我就返房執吓行李。 呢D就係兩個福袋的東西喇, 好多都唔等駛嘅, 但有個電腦袋(黑色), 環保袋(白色), 野餐墊(後面藍色)都覺抵番晒!
大少話妹妹玩Bingo中咗三次, 開心到傻, 玩兵乓波玩到連衫都爛埋...唉! 嘆過溫泉後, 一家人一邊看"史力加", 一邊食B Speak蛋糕。 唔知係咪唔係即時食, 沒有傳聞中的驚喜, 而且大少話同佢o係北京食的一樣, 只不過香港唔係/ 少用呢種麪粉咋喎! 佢仲話叫我一個人搞掂兩卷! 我盡咗力, 最後都係嘥咗一半
雖然湯巡追莊極似康樂渡假中心多過溫泉旅館, 但可能因為無高期望反而有驚喜...點解? 過兩集開估!
沒有留言:
張貼留言