2009新年日本白雪雪之旅 (Day 3 - 富士Grinpa)

早睡早起真係身體好, 大女今早已退燒, 應該可以玩吓。 本來昨天去的富士山Grinpa, 今日可以去啦, 而且天氣好好, 仲好清楚見到富士山添

十分豊富的早餐, 一天很好的開始。

你哋睇吓, 好靚嘅富士山呀, 雖然好凍大少同小姐們都要出花園看呀! 真係好感動架! 唔捨得走呢.....

唔捨得都要走啦, bye bye!  Apartment附近的木之花美術館, 由於要入場費又唔夠時間, 只在外圍行吓影吓相便走了。

大約個多小時便到了Grinpa。 上年暑假已來了一次, 很靚很多花, 另一邊是咸旦超人樂園, 而最鍾意係森林家族, 但今次為了實現上次對囡囡們的承諾回來玩雪, 所以我們只在山坡上玩雪兜。

大小姐已第一時間滑落o黎啦!

但始終仲有少少唔舒服, 你睇佢幾攰行番上山, 都好費力o架, 我行一, 兩次都無氣呀!

終於支持唔住要瞓係地上

又睇吓妹妹點玩法先! 佢話山坡好高唔敢滑落去, 要我倍她在山坡中間上雪兜作短程滑行。

咪以為佢行上山呀, 佢只係拉住個雪兜周圍行咋

最後兩個妹仔都係玩砌雪。 雖然太陽都好大方咁同我哋打招呼, 但靜了下來都好凍吓, 於是入了玩具屋玩同午餐, 約3時便起程去小淵沢了。