2010櫻花初見之北九州 - 第三天 (下: Harmony Land - 望海)

4月2日  (星期五)  陰天 > 晴

我們在別府好多次都經過地獄巡遊, 但都過門不入, 因為真的興趣不大, 大少話係咪好奇怪呢? 去別府唔睇地獄! 我諗都唔係嘅, 因為我哋一般都唔會係為去景點而去的, 又或者有機會再遊別府而又真係想睇先去啦! (又有番兜理由)

由九州自然動物園去Harmony Land都要30-40分鐘, 天色已放晴但由於都在山上又大風仍然好凍呀!  唔好以為無人, 我哋1點先到人哋入晒去玩啦, 成個停車場滿晒o架。

雖然舊少少, 但都幾靚吖!

成點幾鐘緊係揾食先啦! 

呢間餐廳有兩層, 下層快餐, 上層食意粉, 薄餅之類的食物。

本來想食TwinSister介紹的意粉, 但妹妹想要呢個餐盒, 於是就食快餐喇! 都好嘅, 可以快D去玩。

我們先去廣場呢邊玩, 睇吓Kitty加櫻花, 好靚呀!

大少同家姐仔玩過山車。

Kitty城堡, 因去過Puroland類似的屋, 我和妹妹沒有入內參觀。 點解只係我同妹妹呢? 因為有段時間我們又分了組去玩, 家姐仔玩過山車時, 我同妹妹去shopping, 就o係大少組等我們時, 他們去了城堡一轉, 結論係同Puroland差唔多一樣, 最搞笑係臨出城堡Kitty會同遊人影相嘅, 大少同家姐仔就走唔切咁唔影, 工作人員都O咀, Kitty可能覺得"咁唔俾面o架!"

會合番之後就一齊入Kitty Garden玩。

放電時間, 兩隻馬騮, 跳過痛怏。

跟住就坐小火車去另一邊。

 沿途有好多好靚嘅櫻花, 呢張就係我的網誌背景喇!

係咪好浪漫呢

山頭的另一邊只有Boat Ride同少量入錢機動遊戲。

上船仔啦! 出發...go..go..go!

團友都睇得好開心, 我係咁影, 成日叫妹妹望住我影相, 終於佢好唔耐煩咁話:"媽咪! 你成日叫我影相, 我睇唔到啦!" 係...係, 唔影, 唔影

玩完坐船仔又再坐火車去返廣場個邊, 再行條大樓梯去玩機動遊戲。

家姐仔第一時間玩Kitty過山車, 前後玩咗五、六次, 勁! 嘩! 加埋櫻花, 好好feel呀!

妹妹去玩璇轉木馬。 坐上層我影唔到呀! 妹妹: 唔影呀!

妹妹話要坐Melody喎!

之後一家人一齊玩單軌車, 從高處影遊樂場。

咖啡杯

在我的要求下, 坐了一次幸福摩天輪 臨離開時, 表演都正在謝幕, 開開心心的ending。 走時在正門有Kitty和Kuromi同遊人say goodbye, 影相, 妹妹同Kitty影相很開心, 又攬又抱, 但同Kuromi就只係點頭微笑, 好唔情願咁, 我問佢點解, 佢話因為Kuromi係壞人喎!

到今晚的旅館啦!  悠彩之宿 - 望海

今日去咗兩個地方玩, 大家都好攰, 去到望海我搞緊check-in時, 團友們都謝晒! 望海的大堂。

招牌望海房間。

舒適, 簡潔。

離晚餐時間尚早, 我們出去行吓! 又係無印同100yen店, 實屬巧合咋! 雖然都係無聊...

別府塔就o係旅館旁。

終於到期待已久的豐富晚餐啦...登..登..登..登!

我破記錄地食晒差不多所有食物, 飽到唔敢講o野, 怕一開口會嘔番出o黎

兒童餐就真係差好遠, 其實都好味o架, 不過唔o岩兩位小姐胃口咋! 唔想嘥o野, 我同大少都盡量幫口食些。

大家可能會話有無搞錯, 食杯麵? 唉! 我當時都好嬲咁話...但兩位小姐大部份食物都無食, 仲走去開杯麵, 激死!

食飽又玩飽, 好早就瞓覺覺豬囉! 又係充實的一天!