6月29日 (星期二) 天晴
趁考完試的活動週不是每天都要返學, 便安排了三日兩夜的澳門威尼斯人渡假。 我們兩老接了小姐們放學後, 先去附近商場食個午餐便出發上環碼頭。 由於家姐仔好易暈浪, 所以都有點擔心, 我們最後上船以減少在船上"浪"的時間, 一開船就比較穩定, 好快就到咗好耐無去嘅澳門, 再坐威尼斯人的專巴直接到達。 兩位Sailor Moon裝扮的小姐, 原來同"貢多拉"的船夫制服好似, 不過今日行程唔坐船仔。
由西冀行去南冀都唔係好遠, 而且今日係平日唔算好多人。
到咗間房兩位小姐又叫又跳, 太興奮家姐仔o係樓梯PK咗...未出怔已經瘀咗! 唉!
稍為休息都差不多6點, 要快快去目標玩點 - Q立方。 酒店Passport包玩兩小時, 小朋友要換上長袖衫褲先可以玩滑梯類遊戲。
個布袋可以令你"sir"快D, 妹妹第一次玩好驚, 可能未有心理準備會咁快, 睇吓佢個樣幾驚
相反家姐仔就飛得好爽
不過當妹妹稍為定神又玩吓其他遊戲熱咗身後, 再試過...得咗! 一D都唔驚啦, 仲好開心添!
玩到忘形嘅家姐仔已經唔知o係邊, 妹妹就醒目地食吓小食, 充充電再o黎過...
原來家姐仔去咗高一級的滑梯玩。
妹妹睇咗好耐之後, 竟然主動話試吓! 初時有點不受控...
但越玩越放膽, 係咁飛落去....
跌落波波池即刻上返去, 直頭唔想停咁...其實仲有一條紅色的高級滑梯, 差不多係90度角跳樓咁, 多數係大點的中朋友玩...(呢個樂園可以俾最大17歲的朋友玩)
玩完一輪激烈遊戲, 兩位小姐嘅小宇宙都用得七七八八, 家姐仔就去咗玩遊戲機, 妹妹又做小老鼠捐o黎捐去....
唔經唔覺就玩咗兩個鐘, 8點先去搵食。 去到Food Court團友已大嗌"好肚餓呀!"
呢個美食廣場都幾掂, 食物水準唔係一般香港的food court, 好多都好好食。
先o黎個口水雞飯, 好味!
小食有卤水蛋, 豆腐, 青瓜, 非常入味!
還有平時少食的雞湯翅, 因大少話特價便試吓, 都幾唔錯!
其實仲有其他美食o架, 不過影咗第一輪太肚餓無再影啦! 好滿足嘅晚餐...食飽飽就散步返房瞓喇!
沒有留言:
張貼留言